အိၣ်မူဒ် ခရံာ်ဖိအသိး
“လၢမုၢ်နံၤအခံကတၢၢ်တဖၣ်” အလီၢ်ခံကတၢၢ်အတီၢ်ပူၤ ဆဲးအိၣ်ကတဲာ်ကတီၤနသး
ပအိၣ်မူဘၣ်လၢ “မုၢ်နံၤအခံကတၢၢ်တဖၣ်” အလီၢ်ခံကတၢၢ်အဃိ ပမုၢ်လၢ်လၢ ပကထံၣ်ဘၣ်တၢ်ကီတၢ်ခဲ အါန့ၢ်အလီၢ်လီၤ. (၂ တံၤ. ၃:၁; nwtsty study note on Mt 24:8) ဖဲန့ဆၢၣ်တၢ်ဘၣ်ဒိဘၣ်ထံး ကဲထီၣ်အသးအခါ ယဟိဝၤယွၤ အပှၤဂီၢ်မုၢ်တဖၣ် ဒိးန့ၢ်ဘၣ် တၢ်ဟံးစုနဲၣ်ကျဲလၢ အသးသမူကပူၤဖျဲးအဂီၢ် ဘၣ်ဆၢဘၣ်ကတီၢ်လီၤ. ဒ်သိးပလဲၤခီဖျိ တၢ်ဆၢကတီၢ်အဝဲန့ၣ်ကန့ၢ်အဂီၢ် ဆၢကတီၢ်ခဲအံၤ ပကဘၣ်အိၣ်ဒီး တၢ်ဒိကနၣ် ဒီးကတဲာ်ကတီၤပသးလၢ နီၢ်ခိ ဒီးနီၢ်သး တၢ်လိၣ်ဘၣ်တဖၣ်အဂီၢ်လီၤ.—လူၤ. ၁၆:၁၀.
-
တၢ်ကတဲာ်ကတီၤလၢနီၢ်သးတခီ– နီၢ်သးတၢ်ဖံးတၢ်မၤ လၢနမၤညီနုၢ် ဘၣ်ဆၢဘၣ်ကတီၢ်တဖၣ်န့ၣ် ဆဲးမၤဂ့ၤထီၣ်အီၤတက့ၢ်. မၤလိသ့ထီၣ်နသးလၢ တၢ်စံၣ်တဲၤတဲလီၤတၢ် အကျိၤအကျဲလၢအသီတဖၣ်တက့ၢ်. နမ့ၢ်ဘၣ်အိၣ်ယံၤဒီး ဒီပုၢ်ဝဲၢ်လၢ တၢ်အိၣ်ဖှိၣ်အပူၤတဖၣ် တစိၢ်တလီၢ် သနာ်က့ တဘၣ်ပျံၤတၢ်အါတလၢတဂ့ၤ. (ၡါ. ၃၀:၁၅) နတအိၣ်ယံၤဒီး ယဟိဝၤယွၤ ဒီးယ့ၣ်ၡူး နီတဘျီဘၣ်. —od 176 ¶15-17
-
တၢ်ကတဲာ်ကတီၤလၢနီၢ်ခိ– ဟံၣ်ဖိဃီဖိတဒူၣ်စုာ်စုာ် ကဘၣ်ကတဲာ်ပာ်ဝဲ ထၢၣ်လၢအိၣ်ဒီး တၢ်အီၣ်တၢ်အီ, ထံ, ကသံၣ်ကသီ ဒီးတၢ်အဂၤတဖၣ်လီၤ. မ့ၢ်လၢအဝဲသ့ၣ် မ့ၢ်ဘၣ်လဲၤအိၣ်လၢ တၢ်လီၢ်အဂၤ တစိၢ်တလီၢ်န့ၣ် ကလိၣ်ဘၣ်ဝဲ တၢ်သ့ၣ်တဖၣ်န့ၣ်လီၤ.—(ကတိၤ. ၂၂:၃; g17.5 4, 6
-
ဖဲန့ဆၢၣ်တၢ်ဘၣ်ဒိဘၣ်ထံးကဲထီၣ်အခါ ပတၢ်ရ့လိာ်သးဒီး ကစၢ်ယွၤ ကဂၢၢ်ကျၢၤအဂီၢ် ပကတဲာ်ကတီၤပာ်ကသ့ဒ်လဲၣ်.
-
ဘၣ်မနုၤအဃိ ပကြၢးဆဲးကျိးဒီး တၢ်အိၣ်ဖှိၣ်သးပှၢ်တဖၣ်ထီဘိလဲၣ်.
-
ဘၣ်မနုၤအဃိ ပကြၢးကတဲာ်ကတီၤပာ် ထၢၣ်လၢဂ့ၢ်ဂီၤအူအဂီၢ်လဲၣ်.
-
ဘၣ်မနုၤအဃိ ပကြၢးတဲသကိး န့ဆၢၣ်တၢ်ဘၣ်ဒိဘၣ်ထံးလၢ အကဲထီၣ်အသးသ့တဖၣ်လဲၣ်. ဒီးလၢတၢ်အိၣ်သးတခါစုာ်စုာ်အဂီၢ်န့ၣ် ပကြၢးကတဲာ်ကတီၤပသးဒ်လဲၣ်.
-
ကျဲသၢဘိလၢ ပမၤစၢၤပှၤလၢ အထံၣ်ဘၣ် တၢ်ကီတၢ်ခဲ ခီဖျိန့ဆၢၣ်တၢ်ဘၣ်ဒိဘၣ်ထံး အဃိသ့န့ၣ် မ့ၢ်မနုၤလဲၣ်.
-
-
သံကွၢ်လီၤနသးလၢ, ‘ဘၣ်ဃးဒီး တၢ်ကတဲာ်ကတီၤန့ၣ် ယန့ၢ်ဘၣ် တၢ်မၤလိမနုၤတဖၣ်လၢ ခိၣ်ရိၤနၢ် (COVID-19) တၢ်ဆါသံသတြိာ်အံၤလဲၣ်.