တၢ်အဲၣ်​တၢ်ကွံ​န့ၣ်​ လီၤဂာ်​ဒ်​ကီၣ်​တခါ​လၢ အ​မၤ​စဲဘူး​ဟံၣ်ဖိ​ဃီဖိ​တဖၣ်​ တပူၤဃီ​လီၤ. တၢ်အဲၣ်​တၢ်ကွံ မ့ၢ်တအိၣ်​​ဘၣ်​န့ၣ်​ ကကီ​လၢ​ဟံၣ်ဖိ​ဃီဖိ​တဖၣ်​ ကအိၣ်​ဒီး​တၢ်ဃူ​တၢ်ဖိး ဒီး​က​မၤ​သကိး​တၢ်​အဂီၢ်​လီၤ. လၢဟံၣ်ဃီ​ပူၤ​န့ၣ်​ ဝၤ, မါ, မိၢ်ပၢ်တဖၣ်​ ပာ်ဖျါ​ထီၣ်​ တၢ်အဲၣ်​တၢ်ကွံ က​သ့​ဒ်လဲၣ်.

ဝၤ​လၢ​အိၣ်ဒီး​တၢ်အဲၣ်​တၢ်ကွံ​တဂၤ​န့ၣ်​ က​ဆိကမိၣ်​န့ၢ် အမါ​အ​တၢ်လိၣ်ဘၣ်, အ​တၢ်ထံၣ်​ ဒီး​အ​တၢ်​တူၢ်​ဘၣ်​တဖၣ်​လီၤ. (အ့း. ၅:၂၈, ၂၉) အ​ဝဲ​က​ကတဲာ်​ကတီၤ​န့ၢ် အ​ဟံၣ်ဖိ​ဃီဖိ အ​တၢ်လိၣ်​ဘၣ်​လၢ နီၢ်ခိ​မ့ၢ်ဂ့ၤ, နီၢ်သး​မ့ၢ်ဂ့ၤ​လီၤ. တကးဒံးဘၣ်​ က​မၤ​ဝဲ​ဟံၣ်ဖိ​ဃီဖိ တၢ်​မၤလိ​လံာ်စီဆှံ​ထီဘိ​လီၤ. (၁ တံၤ. ၅:၈)​ မါ လၢ​အိၣ်ဒီး တၢ်အဲၣ်​တၢ်ကွံ​တဂၤ​န့ၣ်​ က​ဒိးပၢ​အသး​လၢ​အဝၤ​အ​ဖီလာ် ဒီး “က​ပာ်ကဲ​အဝၤ​ဒိၣ်မး” လီၤ. (အ့း. ၅:၂၂, ၃၃; ၁ ပ့း. ၃:၁-၆) ပှၤ​နီၢ်​ဒီမါဝၤ​ခံဂၤလၢာ် ကြၢး​ပျၢ်လိာ်​သး တၢ်​ကမၣ်​ တဂၤ​ဒီး​တဂၤ​လီၤ. (အ့း. ၄:၃၂) မိၢ်ပၢ် လၢ​အိၣ်ဒီး​တၢ်အဲၣ်​တၢ်ကွံ​တဖၣ်​န့ၣ်​ ပာ်ဖျါ​ထီၣ်​ တၢ်​သူၣ်အိၣ်​သးအိၣ်​လၢ အ​ဖိ​တဂၤ​စုာ်စုာ်​အ​ဖီခိၣ်​ ဒီး​သိၣ်လိ​အဝဲသ့ၣ်​ လၢ​က​အဲၣ်​ယဟိဝၤ​ယွၤ​အဂီၢ်​လီၤ. (၅ မိၤ. ၆:၆,၇; အ့း. ၆:၄) လၢ​ကၠိ​န့ၣ်​ အ​ဖိ​တဖၣ်​ထံၣ်​ဘၣ်​ဒီး အ​တံၤသကိး​တဖၣ်​ အ​တၢ်​ဆီၣ်သနံး​ဒ်လဲၣ်. အဝဲသ့ၣ်​ ​ဘၣ်​တြီဆၢဝဲ အ​တံၤသကိး​တဖၣ်​ အ​တၢ်​ဆီၣ်သနံး​ဒ်လဲၣ်. တၢ်အဲၣ်​တၢ်ကွံ​မ့ၢ်​အိၣ်​လၢ ဟံၣ်ဃီ​ပူၤ​န့ၣ်​ ဟံၣ်ဖိ​ဃီဖိ​ခဲလၢာ် က​တူၢ်​ဘၣ်​​ဝဲ​လၢ အဝဲသ့ၣ်​အိၣ်​ ဒီး​တၢ်ဘံၣ်​တၢ်ဘၢ​န့ၣ်​လီၤ.

ကွၢ်​တၢ်ဂီၤမူ လၢ​အမ့ၢ် ပာ်ဖျါ​ထီၣ်​ တၢ်အဲၣ်​နီၢ်နီၢ်​လၢ န​ဟံၣ်ဖိ​ဃီဖိ​အ​ပူၤ ဒီး​စံးဆၢ​တၢ်​သံကွၢ်​တဖၣ်​အံၤ

• ဝၤ​လၢ​အိၣ်ဒီး တၢ်အဲၣ်​တၢ်ကွံ​တဂၤ​န့ၣ်​ လုၢ်အီၣ်လုၢ်အီ ဒီး​ပာ်လုၢ်​ပာ်ပှ့ၤ​အမါ​ဒ်လဲၣ်.

• မါ​လၢ​အိၣ်ဒီး တၢ်အဲၣ်​တၢ်ကွံ​တဂၤ​န့ၣ်​ ပာ်ဖျါ​ထီၣ်​ တၢ်​ယူးယီၣ်​ပာ်ကဲ အဝၤ​ဒ်လဲၣ်.

• မိၢ်ပၢ်​လၢ​အိၣ်ဒီး တၢ်အဲၣ်​တၢ်ကွံ​တဖၣ်​န့ၣ်​ သိၣ်လိ​အ​ဖိ​တဖၣ်​လၢ ကစၢ်​ယွၤ​အ​ကလုၢ်​ကထါ​ဒ်လဲၣ်.