ဂုာ်ကျဲးစၢးလၢ တၢ်စံၣ်တဲၤတဲလီၤတၢ်မၤအပူၤ | ဒ်သိးနတၢ်သူၣ်ခုသးခု ကအါထီၣ်လၢ တၢ်သးခုကစီၣ်တၢ်မၤပူၤအဂီၢ်

သိၣ်လိတၢ်လၢ တၢ်သူၣ်ဆူၣ်သးဆူၣ်

အိးထီၣ်

တၢ်သူၣ်ဆူၣ်သးဆူၣ်န့ၣ် ဘၣ်ကူဘၣ်ဂာ်ပှၤဂၤသ့ ဒီးထုးန့ၢ်ပှၤဒိကနၣ်တၢ်ဖိအသး သ့စ့ၢ်ကီးလီၤ. ပမ့ၢ်အိၣ်ဒီး တၢ်သူၣ်ဆူၣ်သးဆူၣ်န့ၣ် ပာ်ဖျါထီၣ်လၢ ပပာ်လုၢ်ပာ်ပှ့ၤ တၢ်ကစီၣ်လၢပတဲစ့ၢ်ကီးလီၤ. ပတၢ်ဆဲးတၢ်လၤ, ပတၢ်အိၣ်သး ဒီးပတၢ်ပာ်သူၣ်ပာ်သး မ့ၢ်အိၣ်ဒ်လဲၣ်ဒ်လဲၣ်ဂ့ၤ ပမၤအါထီၣ် ပတၢ်သူၣ်ဆူၣ်သးဆူၣ်သ့ဝဲလီၤ. (ရိ. ၁၂:၁၁) ပမၤကသ့ဒ်လဲၣ်.

အဆိကတၢၢ်, ဆိကမိၣ်ထီၣ် ပတၢ်ကစီၣ်န့ၣ် မ့ၢ်တၢ်လၢအရ့ဒိၣ်ထဲလဲၣ်. ပအိၣ်ဒီးတၢ်ခွဲးတၢ်ယာ်လၢ ပက “စံၣ်တဲၤတဲလီၤ တၢ်သးခုကစီၣ်တဖၣ်” လီၤ. (ရိ. ၁၀:၁၅) ခံမံၤတမံၤ ဆိကမိၣ်ကွၢ် တၢ်သးခုကစီၣ်အံၤ မၤဂ့ၤထီၣ်ဝဲ ပှၤဒိကနၣ်တၢ်ဖိတဖၣ် အတၢ်အိၣ်မူ သ့ဒ်လဲၣ်န့ၣ်တက့ၢ်. အဝဲသ့ၣ်န့ၣ် ကဘၣ်နၢ်ဟူဘၣ်ဝဲ တၢ်သးခုကစီၣ်လၢ ပတဲတဖၣ်လီၤ. (ရိ. ၁၀:၁၃, ၁၄) သၢမံတမံၤ, ဖဲနတဲတၢ်အခါ ပာ်ဖျါထီၣ်တၢ်သူၣ်ဆူၣ်သးဆူၣ် ခီဖျိ နတၢ်ဟူးတၢ်ဂဲၤ ဒီးနတၢ်ပာ်မဲာ်ပာ်နါတက့ၢ်.

ကွၢ်တၢ်ဂီၤမူ လၢအမ့ၢ် ဒ်သိးနကအိၣ်ဒီး တၢ်သူၣ်ခုသးခုလၢ တၢ်လဲၤဒုးကဲထီၣ်ပှၤဂၤလၢ ခရံာ်အပျဲၢ်အဘီၣ်အဂီၢ်—မၤဂ့ၤထီၣ်နတၢ်သ့တၢ်ဘၣ်တဖၣ်— သိၣ်လိတၢ်လၢ တၢ်သူၣ်ဆူၣ်သးဆူၣ် ဒီးစံးဆၢတၢ်သံကွၢ်တဖၣ်အံၤ–

ဘၣ်မနုၤအဃိ နံထၣ်တအိၣ်ဒီး တၢ်သူၣ်ဆူၣ်သးဆူၣ်လၢ ကသိၣ်လိဝဲ ဖီဒ့ၣ်ညါလံာ်စီဆှံလၢၤဘၣ်လဲၣ်.
တၢ်မနုၤမၤစၢၤနံထၣ်လၢ ကအိၣ်က့ၤဒီးတၢ်သူၣ်ဆူၣ်သးဆူၣ်အဂီၢ်လဲၣ်.
တၢ်သူၣ်ဆူၣ်သးဆူၣ်န့ၣ် ဘၣ်ကူဘၣ်ဂာ်ပှၤဂၤသ့

ဘၣ်မနုၤအဃိ ပကဘၣ်သးစၢၢ်ဆၢလၢ ပပှၤဒိကနၣ်တၢ်ဖိ အတၢ်ဂ့ၤတၢ်ဝါတကပၤလဲၣ်.
ပတၢ်သူၣ်ဆူၣ်သးဆူၣ်န့ၣ် ကဲဘျုးစ့ၢ်ကီးလၢ ပပှၤမၤလိလံာ်စီဆှံဖိ ဒီးပှၤဂၤအဂီၢ်ဒ်လဲၣ်.