ပ​အိၣ်ဒီး​တၢ်အဲၣ်​လၢ တ​ကွၢ်လီၤ​ထဲ​အဘျုး​အဃိ ပ​မုၢ်လၢ်​လၢ ပ​ဒီပုၢ်ဝဲၢ်​တဖၣ် က​မၤတၢ်​ဆၢတဲာ်​လၢ​အဘၣ်​လီၤ. (၁ ကရံၣ်. ၁၃:၄, ၇) အဒိ, ဒီပုၢ်ဝဲၢ်​တဂၤ မ့ၢ်​မၤတၢ်​ကမၣ် ဒီး​ဘၣ်​တၢ်​သိၣ်က့ၤ​သီက့ၤ​အီၤ​န့ၣ် ပမုၢ်လၢ်​လၢ အဝဲ​က​တူၢ်လိာ်​ဝဲ ဒီး​ဘှီဂ့ၤ​ထီၣ်​က့ၤ​အသး. ပ​ဂုာ်ကျဲးစၢး မၤစၢၤ​ပှၤလၢ အ​ဂံၢ်စၢ်​ဘါစၢ်​လၢ တၢ်နာ်​တဖၣ် လၢ​တၢ်​သူၣ်စူၤ​သးစူၤ​အပူၤ​လီၤ. (ရိ. ၁၅:၁) ပှၤ​တဂၤ​ဂၤ မ့ၢ်​ဟးထီၣ်​ကွံာ်​လၢ တၢ်​အိၣ်ဖှိၣ်​ပူၤ သနာ်က့ ထီဘိ​န့ၣ် ပ​မုၢ်လၢ်​လၢ အဝဲ​က​ဟဲက့ၤ​ကဒါက့ၤ​လီၤ. —လူၤ. ၁၅:၁၇, ၁၈.

ကွၢ်​တၢ်ဂီၤမူ​လၢ​အမ့ၢ် တၢ်အဲၣ်​တၢ်ကွံ​န့ၣ် အခီ​ပညီ​ဒ်လဲၣ်—မုၢ်လၢ်​တၢ်​ခဲလၢာ် ဒီး​စံးဆၢ​တၢ်​သံကွၢ်​တဖၣ်​အံၤ–

• ဘၣ်​မနုၤ​အဃိ စီၤ​အဘံန့ၢ် ဟဲက့ၤ​ကဒါ​ဆူ စီၤ​ဒၤဝံး​အ​အိၣ်​လဲၣ်.

• စီၤ​ဒၤဝံး ဒီး​စီၤ​ယိၤအာ် မၤဆၢ​က့ၤဝဲ စီၤ​အဘံန့ၢ် အ​တၢ်​ဃ့ကညး​ဒ်လဲၣ်.

• ဘၣ်​မနုၤ​အဃိ ပ​ကြၢး​မုၢ်လၢ် တၢ်​အဂ့ၤ​ကတၢၢ်​လၢ ပ​ဒီပုၢ်ဝဲၢ်​တဖၣ်​အဂီၢ်​လဲၣ်.