အိၣ်မူဒ် ခရံာ်ဖိအသိး
မ့ၢ်နအိၣ် ကတဲာ်ကတီၤပာ်စၢၤနသးလၢ ထံကီၢ်တၢ်သဘံၣ်သဘုၣ်အဂီၢ်လံဧါ
ဒ်တၢ်အကတၢၢ်ဘူးထီၣ်အသိး ပသ့ၣ်ညါပာ်လၢ ထံကီၢ်တၢ်သဘံၣ်သဘုၣ်, တၢ်တၢထီၣ်တၢလီၤ ဒီးတၢ်ဒုးတၢ်ယၤတဖၣ် ကအါထီၣ်ဝဲလီၤ. (လီၣ်. ၆:၄) ပကတဲာ်ကတီၤပာ်ပသးလၢ ခါဆူညါ တၢ်ကီတၢ်ခဲတဖၣ်အဂီၢ် ကသ့ဒ်လဲၣ်.
ကတဲာ်ကတီၤနသးလၢ နကဆဲးအိၣ်ဒီးတၢ်သးတီအဂီၢ်– နမ့ၢ်ဃုသ့ၣ်ညါအါထီၣ် လံာ်စီဆှံအတၢ်ဟံးစုနဲၣ်ကျဲ ဒီးတၢ်ဂ့ၢ်လၢကမၤစၢၤနၤလၢ နတၢ်နာ် ယဟိဝၤယွၤ ဒီးအတၢ်ကရၢကရိ ကအါထီၣ်အဂီၢ်န့ၣ် ကမၤစၢၤနၤလၢ နကဆဲးအိၣ်လၢ တၢ်အိၣ်ဘၢၣ်စၢၤအဂီၢ်လီၤ. (ကတိၤ. ၁၂:၅; jr 125-126 ¶23-24) ဆၢကတီၢ်ခဲအံၤ နကဘၣ်မၤဂၢၢ်ကျၢၤ နတၢ်ရ့လိာ်သးဒီး ဒီပုၢ်ဝဲၢ်လၢ တၢ်အိၣ်ဖှိၣ်ပူၤတဖၣ်လီၤ.—၁ ပ့း. ၄:၇, ၈.
ကတဲာ်ကတီၤလၢ နီၢ်ခိတၢ်လိၣ်ဘၣ်အဂီၢ်– လၢဟံၣ်ပူၤန့ၣ် ကတဲာ်ကတီၤပာ် တၢ်အိၣ်သဒၢအလီၢ် ဒီးတၢ်ပီးတၢ်လီလၢ နလိၣ်ဘၣ်အီၤတဖၣ်. မ့ၢ်လိၣ်လၢနကဘၣ်ဃ့ၢ်ထွးထီၣ်လၢဟံၣ်န့ၣ် နကဘၣ်မၤဒ်လဲၣ်န့ၣ် ကတဲာ်ကတီၤပာ်တက့ၢ်. လၢဂ့ၢ်ဂီၤအူထၢၣ်အပူၤန့ၣ် ဖၢနုာ်ပာ်တၢ်လၢအရ့ဒိၣ် လၢနလိၣ်ဘၣ်အီၤတဖၣ် ဒီးဖၢနုာ်ဃုာ် တၢ်ပီးတၢ်လီလၢ တၢ်ဒီသဒၢအဂီၢ် (နီၣ်ကျၢၢ်ဘၢမဲာ်ဒီး စုဖျီၣ်) ဒီးကျိၣ်စ့စ့ၢ်ကီး. ဒ်သိးနဆဲးကျိးဒီး တၢ်အိၣ်ဖှိၣ်သးပှၢ်တဖၣ် ကန့ၢ်အဂီၢ်ဟံးန့ၢ်ပာ် အဝဲသ့ၣ်အတၢ်ဂ့ၢ်တၢ်ကျိၤ ဒီးဒ်သိးအဝဲသ့ၣ် ဆဲးကျိးဒီးနၤကန့ၢ်အဂီၢ် ဟ့ၣ်ပာ်အီၤနတၢ်ဂ့ၢ်တၢ်ကျိၤတဖၣ်တက့ၢ်.—ၡါ. ၃၂:၂; g17.5 3-7
ဖဲတၢ်သဘံၣ်သဘုၣ်ကဲထီၣ်အဆၢကတီၢ်, ဆဲးဘူၣ်ထီၣ်ဘါထီၣ် ယဟိဝၤယွၤ ခီဖျိ ဃ့ဘါထုကဖၣ်, မၤလိလံာ်စီဆှံ ဒီးထီၣ်တၢ်အိၣ်ဖှိၣ်ထီဘိ. (ဖံလံး. ၁:၁၀) အလီၢ်မ့ၢ်တအိၣ်ဘၣ်န့ၣ် သုးနသးဆူတၢ်လီၢ်တတီၤဝံၤတတီၤတဂ့ၤ. (မး. ၁၀:၁၆) ဟ့ၣ်နီၤလီၤလိာ်သး တၢ်အီၣ်တၢ်အီ ဒီးတၢ်လိၣ်ဘၣ်အဂၤတဖၣ်တက့ၢ်.—ရိ. ၁၂:၁၃
ကွၢ်တၢ်ဂီၤမူလၢအမ့ၢ် မ့ၢ်နအိၣ်ကတဲာ်ကတီၤနသးလၢ တၢ်ဘၣ်ဒိဘၣ်ထံးလၢ န့ဆၢၣ်အဃိလံဧါ ဒီးစံးဆၢတၢ်သံကွၢ်တဖၣ်အံၤ–
ဖဲန့ဆၢၣ်တၢ်ဘၣ်ဒိဘၣ်ထံး ကဲထီၣ်အခါ ယဟိဝၤယွၤ မၤစၢၤပှၤဒ်လဲၣ်.
ပကဘၣ် ကတဲာ်ကတီၤပာ် တၢ်မနုၤတဖၣ်လဲၣ်.
ပမၤစၢၤပှၤလၢအထံၣ်ဘၣ်ဒီး န့ဆၢၣ်တၢ်ဘၣ်ဒိဘၣ်ထံးတဖၣ် သ့ဒ်လဲၣ်.