“ယဟိဝၤယွၤ ဘၣ်သးဝဲ အပှၤဂီၢ်မုၢ်.” (စံး ၁၄၉:၄) ပမ့ၢ်တလၢပှဲၤဘၣ်သနာ်က့ ကစၢ်ယွၤထံၣ်​ ပတၢ်ဂ့ၤတၢ်ဝါတဖၣ်​ ဒီးခါဆူညါ တၢ်လၢပမၤအီၤကသ့တဖၣ်. ဘၣ်ဆၣ်​ တဘျီတခီၣ်​ ပတထံၣ်လီၤ ပနီၢ်ကစၢ် အတၢ်ဂ့ၤတၢ်ဝါဘၣ်. ဒီးခီဖျိလၢ ပှၤရ့ဒီးပှၤတဂ့ၤဘၣ်အဃိ ဘၣ်သ့ၣ်သ့ၣ်​ ပကဆိမိၣ်ဆံးလီၤပသး. ဒီးအဂၤတခါန့ၣ်​ ပမ့ၢ်သးစၢၢ်ဆၢထဲလၢ ပတၢ်ကမၣ်လၢ ပမၤအီၤလၢ အပူၤကွံာ်န့ၣ်​ ပကသးဒ့ဒီထီၣ်လၢ ယဟိဝၤယွၤ အဲၣ်ပှၤအနီၢ်ကီၢ်. ပမ့ၢ်တူၢ်ဘၣ်​ ဒ်န့ၣ်န့ၣ်​ တၢ်မနုၤကမၤစၢၤပှၤလဲၣ်.

သ့ၣ်နီၣ်ထီၣ်လၢ ယဟိဝၤယွၤ အတၢ်ထံၣ်န့ၣ်​ တဒ်သိးဒီး ပှၤဟီၣ်ခိၣ်ဖိ အတၢ်ထံၣ်ဘၣ်. (၁ မူၤ ၁၆:၇) အဃိ ယဟိဝၤယွၤ တထံၣ်ပှၤဒ်သိး ပထံၣ်လီၤပသးဘၣ်. လံာ်စီဆှံမၤစၢၤပှၤ ဒ်သိး ပကသ့ၣ်ညါထီၣ်လၢ ယဟိဝၤယွၤ ထံၣ်ပှၤဒ်လဲၣ်​ အဃိ လီၤသးခုဒိၣ်မး. ပမ့ၢ်ဖး လံာ်စီဆှံအဆၢ ဒီးတၢ်ဂ့ၢ်တၢ်ကျိၤလၢ အပာ်ဖျါထီၣ်ဝဲ ယဟိဝၤယွၤ အဲၣ်အခ့အပှၤဒိၣ်မးအဂ့ၢ်န့ၣ်​ ပကနၢ်ပၢၢ်ထီၣ်​ ယဟိဝၤယွၤ အတၢ်ထံၣ်လၢ ပဖီခိၣ်အိၣ်ဒ်လဲၣ်.

ကွၢ်တၢ်ဂီၤမူလၢအမ့ၢ် နာ်သပှၢ်တၢၢ်လၢ ယဟိဝၤယွၤ ပာ်လုၢ်ပာ်ပှ့ၤနၤ ဒီးစံးဆၢ တၢ်သံကွၢ်လၢ တၢ်ဖီလာ်တဖၣ်အံၤ–

• ဖိသၣ်လၢ အစံၣ်ပြၢတဂၤ ဒီးအပါအဂ့ၢ်န့ၣ်​ သိၣ်လိပှၤ ဘၣ်ဃးဒီး ယဟိဝၤယွၤ အတၢ်ထံၣ်​ အိၣ်လၢပဖီခိၣ်ဒ်လဲၣ်.

  နတၢ်စံးဆၢ

• ပှၤမၤကမၣ်ဘၣ်တၢ် ဖးဒိၣ်တဂၤ မ့ၢ်ပီၢ်ယၢ်လီၤအသး ဒီးမၤဂ့ၤထီၣ်​ အတၢ်ရ့လိာ်သးဒီး ယဟိဝၤယွၤန့ၣ်​ အကနာ်န့ၢ် ယဟိဝၤယွၤ အတၢ်အဲၣ်အဂီၢ် ကဘၣ်မၤဝဲဒ်လဲၣ်.—၁ ယိၤ ၃:၁၉, ၂၀

  နတၢ်စံးဆၢ

• ဒီပုၢ်ဝဲၢ်လၢ တၢ်ဂီၤမူပူၤတဂၤန့ၣ်​ ဖးဝဲစီၤဒၤဝံး ဒီးစီၤယဟိၤၡၤဖးအဂ့ၢ် ဒီးဆိကမိၣ်ထံဝဲအဃိ အကဲဘျုးလၢအဂီၢ်ဒ်လဲၣ်.

  နတၢ်စံးဆၢ