မုၣ်ကီၤလံၢ် ဒီးပှၤလၢအပိာ်အခံတဖၣ်​ မၤကျဲၣ်ကျီဝဲ တၢ်မ့ၢ်တၢ်တီ ဒီးတၢ်လံၣ်တၢ်လီ ဒ်သိးကမၤစၢ်လီၤ ပတၢ်နာ်အဂီၢ်. (၂ ကရံၣ်​ ၁၁:၃) အဒိ, ပှၤအၤၡူၢ်ဖိတဖၣ်​ ကျဲၣ်ကျီဝဲ တၢ်မ့ၢ်တၢ်တီ ဒီးတၢ်လံၣ်တၢ်လီ ဒ်သိး အကမၤစၢ်လီၤ ယဟိဝၤယွၤ အပှၤဂီၢ်မုၢ်အသး. (၂ ကွဲး ၃၂:၁၀-၁၅) ဆၢကတီၢ်ခဲအံၤ ပှၤလၢအထီဒါက့ၤ တၢ်မ့ၢ်တၢ်တီစ့ၢ်ကီး အမၤဝဲဒ်န့ၣ်လီၤ. ဘၣ်ဃးဒီး ပှၤလၢအထီဒါက့ၤ တၢ်မ့ၢ်တၢ်တီ အတၢ်သိၣ်လိန့ၣ်​ ပကြၢးမၤဒ်လဲၣ်. ပကဘၣ်ထံၣ်အီၤဒ် တၢ်စုၣ်တၢ်ပျၢ် ဒီးတဘၣ်ဖးအီၤနီတဘျီဘၣ်. ဒီးပတဘၣ်​ တဲဆၢက့ၤအီၤ မ့တမ့ၢ် ဟးတဲဘၣ်ပှၤဂၤဘၣ်. တၢ်ဂ့ၢ်တၢ်ကျိၤလၢ အမ့ၢ်ကမၤအိၣ်ထီၣ်​ နတၢ်သးဒ့ဒီ လၢယဟိဝၤယွၤ ဒီးအတၢ်ကရၢကရိ အဖီခိၣ်န့ၣ်​ ပာ်သူၣ်ပာ်သးအီၤ လၢအဆိအချ့ ဒီးဟးဆှဲးအီၤ.—ယူဒၤ ၃, ၄.

ကွၢ်တၢ်ဂီၤမူလၢအမ့ၢ် လၢ “တၢ်စူၢ်တၢ်နာ် . . . သုကဒုးတၢ်ဆူၣ်ဆူၣ်”—တၢ်ဂီၤမူဖုၣ်ကိာ်, ဒီးစံးဆၢ တၢ်သံကွၢ်လၢ တၢ်ဖီလာ်တဖၣ်အံၤ–

• ဖဲပသူ အ့ၤထၢၤနဲၣ်အခါ ဘၣ်မနုၤအဃိ ပကဘၣ်ပလီၢ်ပသးလဲၣ်.

  နတၢ်စံးဆၢ

• ပမၤထွဲ တၢ်ဟ့ၣ်ကူၣ်လၢအအိၣ်ဖဲ ရိမ့ၤ ၁၆:၁၇ အပူၤကသ့ဒ်လဲၣ်.

  နတၢ်စံးဆၢ