• စံး ၃၆:၆—ဖဲပှၤကွဲးထါစံးထီၣ်ပတြၢၤ တဲဝဲလၢ ယဟိဝၤယွၤ အတၢ်တီတၢ်လိၤန့ၣ် လီၤဂာ်ဒ် ကစၢၢ်လၢ အဒိၣ်အထီတဖၣ် [မ့တမ့ၢ် “ကစၢ်ယွၤ အကစၢၢ်တဖၣ်, ftn]” အခါ အအဲၣ်ဒိးတဲဝဲ အခီပညီဒ်လဲၣ်. (it-2 ၄၄၅)

  ကွဲးလီၤ​တၢ်စံးဆၢ

• တၢ်ဖးလံာ်စီဆှံလၢ တနွံအံၤအဂီၢ်န့ၣ် နမၤလိန့ၢ်ဘၣ် တၢ်လုၢ်ဒိၣ်ပှ့ၤဒိၣ်မနုၤလဲၣ်.

  ကွဲးလီၤ​တၢ်စံးဆၢ

ခီဖျိလၢ န့ဆၢၣ်တၢ်ဘၣ်ဒိဘၣ်ထံးတဖၣ် ဒီးတၢ်ဘၣ်ဒိဘၣ်ထံး လၢအဂၤတဖၣ်အဃိ ပဒီပုၢ်ဝဲၢ်မုၣ်ခွါအါဂၤ လၢဟီၣ်ခိၣ်ဒီဘ့ၣ်န့ၣ် ဘၣ်တူၢ်ၡူကွံာ် အတၢ်ထူးတၢ်တီၤတဖၣ် ဒီးပှၤလၢအအဲၣ်ဘၣ်ဝဲတဖၣ်. (စံး ၉:၉, ၁၀) “တၢ်ကိၢ်တၢ်ဂီၤ အဆၢကတီၢ်” ဒ်အံၤန့ၣ် ကဲထီၣ်အသးသ့ဝဲ ကိးဆၢကိးကတီၢ်ဒဲးအဃိ ပဝဲဒၣ်ကိးဂၤဒဲးန့ၣ် ပဘၣ်အိၣ်ကတဲာ်ကတီၤသးလၢ တၢ်သ့ၣ်တဖၣ်အံၤအဂီၢ်.

ဒ်သိးပလဲၤခီဖျိ တၢ်ဘၣ်ဒိဘၣ်ထံးတဖၣ် ကန့ၢ်အဂီၢ် ပကဘၣ် အိၣ်ကတဲာ်ကတီၤသးလၢ နီၢ်ခိတခီ a တကးဒံးဘၣ် ပကဘၣ် အိၣ်ကတဲာ်ကတီၤသးလၢ မနုၤအဂီၢ်ဒံးလဲၣ်.

• အိၣ်ကတဲာ်ကတီၤပာ်စၢၤသး လၢသးအတၢ်တူၢ်ဘၣ် တကပၤ– နကဘၣ်သ့ၣ်ညါလၢ န့ဆၢၣ်တၢ်ဘၣ်ဒိဘၣ်ထံးန့ၣ် ကဲထီၣ်အသးသ့. ဒီးဆိကမိၣ်ထံ ဘၣ်ဃးဒီး အမ့ၢ်ကဲထီၣ်အသးန့ၣ် နကဘၣ်မၤတၢ်မနုၤလဲၣ်. တဘၣ်အဲၣ်နတၢ်ထူးတၢ်တီၤ အါတလၢတဂ့ၤ. နမ့မၤဒ်န့ၣ်န့ၣ် ကမၤစၢၤနၤ ဒ်သိး ဖဲတၢ်ဘၣ်ဒိဘၣ်ထံး ကဲထီၣ်အခါ နကဆၢတဲာ်တၢ် လၢတၢ်ကူၣ်သ့အပူၤ ဒီးနကပာ်လုၢ်ပာ်ပှ့ၤ သးသမူ ဒိၣ်န့ၢ်ဒံး တၢ်ထူးတၢ်တီၤ. (၁ မိၤ ၁၉:၁၆; စံး ၃၆:၉) တကးဒံးဘၣ် ကမၤစၢၤနၤဒ်သိး နတၢ်ထူးတၢ်တီၤ မ့ၢ်ဟးဂီၤသနာ်က့ နသးတဟးဂီၤအါတလၢ ဒီးသးဘၣ်ဒိ အါတလၢတဂ့ၤအဂီၢ်.—စံး ၃၇:၁၉

• အိၣ်ကတဲာ်ကတီၤပာ်စၢၤသး လၢနီၢ်သးတကပၤ– နာ်လၢကစၢ်ယွၤ အိၣ်ဒီးတၢ်စိတၢ်ကမီၤလၢ ကမၤစၢၤနၤ ဒီးသးအိၣ်မၤစၢၤနၤ ဒီးမၤဒိၣ်ထီၣ်နတၢ်နာ်အီၤ. (စံး ၃၇:၁၈) တချုးလၢ တၢ်ဘၣ်ဒိဘၣ်ထံး ကဲထီၣ်ဒံးဘၣ်အခါ ထီဘိန့ၣ် တဲသ့ၣ်နီၣ်ထီၣ်နသးလၢ မ့ၢ် “ပူၤဖျဲး” ထဲ “နသးသမူ” တခါနာ်က့ ယဟိဝၤယွၤ ကဟံးစုနဲၣ်ကျဲနၤ ဒီးဆီၣ်ထွဲမၤစၢၤနၤ.—ယံး ၄၅:၅; စံး ၃၇:၂၃, ၂၄

ပမ့ၢ်နာ်လၢ ကစၢ်ယွၤကမၤလၢပှဲၤ အတၢ်အၢၣ်လီၤန့ၣ် လီၤဂာ်ဒ် ပဒုးကဲထီၣ် ကစၢ်ယွၤလၢပ “တၢးလၢအကျၢၤ” ဖဲ “တၢ်ကီတၢ်ခဲ အဆၢကတီၢ်” လီၤ.—စံး ၃၇:၃၉.

ကွၢ်တၢ်ဂီၤမူ လၢအမ့ၢ် မ့ၢ်နအိၣ်ကတဲာ်ကတီၤနသးလၢ တၢ်ဘၣ်ဒိဘၣ်ထံးလၢန့ဆၢၣ်အဃိလံဧါ ဝံၤဒီးသံကွၢ် ဒီပုၢ်ဝဲၢ်တဖၣ်လၢ–

• တၢ်ဘၣ်ဒိဘၣ်ထံး မ့ၢ်ဘၣ်လၢ ပအိၣ်တၢ်လီၢ်န့ၣ် ယဟိဝၤယွၤ ကမၤစၢၤပှၤလၢကျဲဒ်လဲၣ်.

  ကွဲးလီၤ​တၢ်စံးဆၢ

• ပအိၣ်ကတဲာ်ကတီၤပာ်စၢၤပသး ကသ့ဒ်လဲၣ်.

  ကွဲးလီၤ​တၢ်စံးဆၢ

• ပမၤစၢၤ ပှၤလၢအထံၣ်ဘၣ်ဒီး တၢ်ဘၣ်ဒိဘၣ်ထံးတဖၣ် ကသ့ဒ်လဲၣ်.

  ကွဲးလီၤ​တၢ်စံးဆၢ