တၢ်လုၢ်ဒိၣ်ပှ့ၤဒိၣ်တဖၣ်လၢ လံာ်စီဆှံအပူၤ | မၢ်ကူး ၉–၁၀
တၢ်ထံၣ်လၢညါခီ လၢအမၤဂၢၢ်ကျၢၤထီၣ် ပတၢ်နာ်
လၢတၢ်ထံၣ်လၢညါခီန့ၣ် ဖဲယ့ၣ်ၡူးနၢ်ဟူဘၣ်ဝဲ အပၢ်လၢမူခိၣ်တဲဖျါထီၣ်လၢ အဝဲအံၤမ့ၢ်ယဖိခွါ ဒီးဘၣ်ယသးလၢအီၤအခါန့ၣ် ယ့ၣ်ၡူးကတူၢ်ဘၣ်ဝဲဒ်လဲၣ်န့ၣ် ဆိကမိၣ်ကွၢ်တက့ၢ်. တၢ်ကတိၤအံၤ ကကဲထီၣ်တၢ်ဂံၢ်တၢ်ဘါ ဒ်သိးအဝဲကလဲၤခီဖျိဝဲ တၢ်ကီတၢ်ခဲတဖၣ်လၢ ခါဆူညါအဂီၢ်လီၤ. တၢ်ထံၣ်လၢညါခီအံၤ မၤဂၢၢ်ကျၢၤထီၣ်စ့ၢ်ကီး စီၤပ့းတရူး, စီၤယၤကိာ်ဒီး စီၤယိၤဟၣ် အတၢ်နာ်လၢ ယ့ၣ်ၡူးမ့ၢ်မ့းၡံအၤ ဒီးအဝဲသ့ၣ်ကဘၣ် ဒိကနၣ်ဝဲအကလုၢ်န့ၣ်လီၤ. တၢ်မၤအသးအံၤဝံၤ ပူၤကွံာ် ၃၂ နံၣ်ဃၣ်ဃၣ်န့ၣ် စီၤပ့းတရူး က့ၤတဲဖျါထီၣ်ဒံးဝဲ အတၢ်လဲၤခီဖျိအံၤလီၤ. အဃိပသ့ၣ်ညါဘၣ်လၢ တၢ်ထံၣ်လၢညါခီအံၤ မၤဂၢၢ်ကျၢၤထီၣ်အတၢ်နာ်လၢ “ဝံအကလုၢ်” အံၤအဖီခိၣ်န့ၣ်လီၤ.—၂ ပ့း. ၁:၁၆-၁၉.
ပဝဲသ့ၣ်တဖၣ် ပတထံၣ်ဘၣ် တၢ်ထံၣ်လၢညါခီအံၤ သနာ်က့ပထံၣ်ဘၣ် အတၢ်ဟဲလၢထီၣ်ပှဲၤထီၣ်န့ၣ်လီၤ. ခဲအံၤယ့ၣ်ၡူးပၢတၢ်ဒ်စီၤပၤလၢ အအိၣ်ဒီးအစိကမီၤတဂၤအသိးလီၤ. တယံာ်လၢၤဘၣ် အဝဲ “ကမၤနၢၤတၢ်” ဒီးကမၤလၢပှဲၤဝဲဒၣ်ဒ်သိး ပှၤကအိၣ်မူဘၣ်လၢ ဟီၣ်ခိၣ်သီလၢ အပှဲၤဒီးတၢ်တီတၢ်လိၤအပူၤန့ၣ်လီၤ.—လီၣ်. ၆:၂.
နထံၣ်ဘၣ်ဝဲ လံာ်စီဆှံ ဝံအတၢ်စံးပာ်တဖၣ် ဟဲလၢထီၣ်ပှဲၤထီၣ်အဃိ နတၢ်နာ်ဂၢၢ်ကျၢၤထီၣ်ဝဲဒ်လဲၣ်.
