ယဟိဝၤ လၢ​အမ့ၢ် “ကစၢ်​ယွၤ လၢ​အ​သးခု​တဂၤ” န့ၣ်​အဲၣ်ဒိး​လၢ ပ​ကအိၣ်​ဒီး​တၢ်သးခု​လၢ တၢ်​စံၣ်တဲၤ​တဲ​လီၤ​တၢ်မၤ​အ​ပူၤ​လီၤ. (၁ တံၤ. ၁:၁၁) ပ​တၢ်​သ့​တၢ်ဘၣ်​ မ့ၢ်​အါထီၣ်​န့ၣ်​ ပ​တၢ်​သူၣ်ခု​သးခု​က​အါထီၣ်​လီၤ. တၢ်​သံကွၢ်​န့ၣ်​ ထိၣ်ဟူး​ထိၣ်ဂဲၤ​ထီၣ်​ပှၤဂၤ​လၢ က​သးအိၣ်​ဒိကနၣ်​တၢ် ဒီး​မ့ၢ်​စ့ၢ်ကီး ကျဲ​တဘိ​လၢ ပ​က​စးထီၣ်​တဲသကိး​တၢ်​ဒီး​ပှၤဂၤ​အဂီၢ်​လီၤ. တၢ်​သံကွၢ်​န့ၣ်​ ဟ့ၣ်ဂံၢ်​ဟ့ၣ်ဘါ​ပှၤဂၤ​လၢ က​ဆိကမိၣ်​တၢ်​အဂီၢ်​လီၤ. (မး. ၂၂:၄၁-၄၅) ပ​မ့ၢ်​သံကွၢ် တၢ်​သံကွၢ် ဒီး​ဒိကနၣ်​အ​တၢ်​စံးဆၢ​န့ၣ်​ လီၤဂာ်​ဒ်​ပ​တဲ​အီၤ​လၢ ‘န​မ့ၢ်​ပှၤ​အရ့ဒိၣ်​လၢ​ယ​ဂီၢ်​လီၤ.’ (ယၤ. ၁:၁၉) ပှၤ​တဂၤ​အ​တၢ်​စံးဆၢ​န့ၣ်​ မၤစၢၤ​ပှၤလၢ ပ​က​သ့ၣ်ညါ​လၢ ပ​က​​ဘၣ်​ဆဲး​တဲသကိး​တၢ်​ဒ်လဲၣ်​န့ၣ်​လီၤ.

ကွၢ်​တၢ်ဂီၤမူ​လၢ​အမ့ၢ် ဒ်သိး​န​ကအိၣ်​ဒီး တၢ်​သူၣ်ခု​သးခု​လၢ တၢ်​လဲၤ​ဒုး​ကဲထီၣ်​ပှၤဂၤ​လၢ ခရံာ်​အပျဲၢ်​အဘီၣ်​အဂီၢ်—မၤဂ့ၤ​ထီၣ်​န​ တၢ်​သ့​တၢ်​ဘၣ်​တဖၣ်—သံကွၢ်​တၢ်​သံကွၢ်​တဖၣ်​ ဒီး​စံးဆၢ​တၢ်​သံကွၢ်​တဖၣ်​အံၤ–

• ဖီဒ့ၣ်ညါ​န့ၣ်​ အိၣ်ဒီး​တၢ်ဂ့ၤ​တၢ်ဝါ​မနုၤ​လဲၣ်.

• နံထၣ်​ က​ပာ်ဖျါ​ထီၣ်​ တၢ်​သူၣ်အိၣ်​သးအိၣ်​အဂီၢ် အ​ဝဲ​သံကွၢ်​ဝဲ​တၢ်​သံကွၢ်​ဒ်လဲၣ်.

• ဒ်သိး ဖီဒ့ၣ်ညါ က​သးအိၣ်​ဒိကနၣ်​တၢ်သးခု​ကစီၣ်​အဂီၢ် နံထၣ်​ သံကွၢ်​အီၤ တၢ်​သံကွၢ်​ဒ်လဲၣ်.

• ဒ်သိး ဖီဒ့ၣ်ညါ က​ဆိကမိၣ်​တၢ်​အဂီၢ် နံထၣ်​ သူ​ဝဲ​တၢ်​သံကွၢ်​ဒ်လဲၣ်.