စီၤ​ကိၤရး, စီၤဒၤသၣ်​ ဒီး​စီၤ​အဘံရၣ်​န့ၣ်​ တအိၣ်​ဒီး​တၢ်သးတီ ခီဖျိ​ပူထီၣ်ထီဒါ​ဝဲ ယဟိဝၤ​ယွၤ အ​တၢ်ရဲၣ်​တၢ်ကျဲၤ​အဃိ​လီၤ. ယဟိဝၤ​ယွၤ မၤ​ဟးဂီၤ​ကွံာ်ဝဲ ပှၤ​ပူထီၣ်ထီဒါ​တၢ်​တဖၣ်​ ဃုာ်ဒီး​ပှၤလၢ​အ​ပၣ်ဃုာ်​လၢ တၢ်​ပူထီၣ်ထီဒါ အကျါ​တဖၣ်​န့ၣ်​လီၤ. (၄ မိၤ. ၁၆:၂၆, ၂၇, ၃၁-၃၃) တၢ်အိၣ်သး​မနုၤ​တဖၣ်​န့ၣ်​ ကဲထီၣ်​တၢ်​မၤကွၢ် ပ​တၢ်နာ်​သ့​လဲၣ်. ဒ်သိး​ပ​သု​တ​ကွၢ်လိမၤဒိး ပှၤလၢ​တအိၣ်​ဒီး တၢ်သးတီ​တဖၣ်​အဂီၢ် လံာ်စီဆှံ တၢ်ကွဲးနီၣ်​ကွဲးဃါ မနုၤ​တဖၣ်​မၤစၢၤ​ပှၤ​သ့​လဲၣ်.

ကွၢ်​တၢ်ဂီၤမူ​လၢ အ​ခိၣ်တီ​မ့ၢ်ဝဲ တ​ဘၣ်​ကွၢ်လိမၤဒိး ပှၤလၢ​တအိၣ်​ဒီး​တၢ်သးတီ​န့ၣ်​တဂ့ၤ ဒီး​စံးဆၢ​တၢ်​သံကွၢ်​တဖၣ်​အံၤ–

• တၢ်အိၣ်သး​မနုၤ​ကဲထီၣ်​ တၢ်​မၤကွၢ်​လၢ နါဒံယၣ်​ အဂီၢ်​လဲၣ်​ ဒီး​တၢ်အဒိ​အတဲာ် မနုၤ​မၤစၢၤ​အီၤ ဒီး​ကဲထီၣ်​တၢ်​ဟ့ၣ်ပလီၢ်​လၢ က​ဆဲး​အိၣ်ဒီး​တၢ်သးတီ​အဂီၢ်​လဲၣ်.

• ဒီပုၢ်ဝဲၢ်​ခွါ​လၢ အ​သးတမုာ်​ဘၣ်​တဂၤ တၢ်အိၣ်သး​မနုၤ​ကဲထီၣ်​ တၢ်​မၤကွၢ်​အ​တၢ်သးတီ​လဲၣ်​ ဒီး​ဒ်သိး က​ဆဲး​အိၣ်ဒီး တၢ်သးတီ​အဂီၢ် တၢ်အဒိ​အတဲာ်​မနုၤ မၤစၢၤ​အီၤ​လဲၣ်.

• တၢ်အိၣ်သး​မနုၤ​န့ၣ်​ ကဲထီၣ်​တၢ်​မၤကွၢ်​လၢ ထဲရၢး အဂီၢ်​လဲၣ်. ဒ်သိး​အ​ဝဲ​က​ဆဲး​အိၣ်ဒီး တၢ်သးတီ​အဂီၢ် တၢ်အဒိ​အတဲာ် မနုၤ​မၤစၢၤ​အီၤ​လဲၣ်.

• ဒီပုၢ်ဝဲၢ်​ခွါ​တဂၤ လၢ​ကၠိ​န့ၣ်​ထံၣ်​ဘၣ်​ဒီး တၢ်​မၤကွၢ်​မနုၤ​လဲၣ်. ဒ်သိး​အ​ဝဲ​က​ဆဲး​အိၣ်ဒီး တၢ်သးတီ​အဂီၢ် တၢ်အဒိ​အတဲာ်​မနုၤ မၤစၢၤ​အီၤ​လဲၣ်.