အိၣ်မူဒ် ခရံာ်ဖိအသိး
တၢ်ဂီၤမူလၢ ဘၣ်ဃးဒီး တၢ်မၤလိ လံာ်စီဆှံန့ၣ် ပကဘၣ်သူအီၤဒ်လဲၣ်
တၢ်ဂီၤမူလၢ ဘၣ်ဃးဒီး တၢ်မၤလိ လံာ်စီဆှံ လၢတၢ်စံၣ်တဲၤတဲလီၤ တၢ်မၤအဂီၢ်န့ၣ် အိၣ်ဝဲလွံၢ်ခါ. တၢ်ဂီၤမူတခါဘၣ်တခါန့ၣ် အတၢ်တိာ်ပာ်အိၣ်ဒ်လဲၣ်.
-
ဘၣ်မနုၤအဃိ ဘၣ်မၤလိလံာ်စီဆှံလဲၣ်—အထီ. တၢ်ဂီၤမူတခါအံၤန့ၣ် ပဒုးအိၣ်ထီၣ်အီၤဒ်သိး ပကမၤစၢၤ ပှၤလၢအဘါတၢ်ဘါ တခါဂ့ၤတခါဂ့ၤ ကသးအိၣ်အါထီၣ် လံာ်စီဆှံ တၢ်မ့ၢ်တၢ်တီအဂီၢ်. တၢ်ဂီၤမူတခါအံၤ ဟ့ၣ်ဂံၢ်ဟ့ၣ်ဘါဝဲ ပှၤလၢအကွၢ်တၢ်ဂီၤမူတဖၣ် လၢကဃုထံၣ်န့ၢ်ဝဲ တၢ်အိၣ်မူအတၢ်သံကွၢ်လၢ အရ့ဒိၣ်တဖၣ် အတၢ်စံးဆၢ လၢလံာ်စီဆှံအပူၤ ဒီးမၤစၢၤပှၤဒ်သိးဒီး ပဆိကမိၣ်ထံ လံာ်စီဆှံအတၢ်စံးဆၢ ကဘၣ်အဂီၢ်. တကးဒံးဘၣ် ပာ်ဖျါထီၣ်စ့ၢ်ကီးဝဲ ပှၤမ့ၢ်ဘၣ်သးမၤလိ လံာ်စီဆှံန့ၣ် ပှၤကဘၣ်မၤဒ်လဲၣ်.
-
ဘၣ်မနုၤအဃိ ဘၣ်မၤလိလံာ်စီဆှံလဲၣ် (အဖုၣ်). တၢ်ဂီၤမူတခါအံၤန့ၣ် လီၤဂာ်လိာ်သးဒီး တၢ်ဂီၤမူလၢအထီတခါ သနာ်က့ ပှၤမၤဖုၣ်လီၤအီၤ. အဃိ ကဲဘျုးလၢ တၢ်လီၢ်လၢ ပှၤကတဲသကီးတၢ် ဒီးပှၤဟ့ၣ်တၢ်ဆၢကတီၢ် တန့ၢ်အါအါဘၣ်အဂီၢ်.
-
တၢ်မၤလိလံာ်စီဆှံန့ၣ် ပှၤမၤအီၤဒ်လဲၣ်. တၢ်ဂီၤမူတဖၣ်အံၤန့ၣ် ပဒုးအိၣ်ထီၣ်အီၤဒ်သိး ပှၤကသးအိၣ် တၢ်မၤလိလံာ်စီဆှံ အတၢ်ရဲၣ်တၢ်ကျဲၤ လၢတလိၣ်ဟ့ၣ် အဘူးအလဲဘၣ်အဂီၢ်. ဒီးအပာ်ဖျါထီၣ်ဝဲ ပှၤအါဂၤ အတၢ်သံကွၢ်တဖၣ် အတၢ်စံးဆၢ လၢအဘၣ်ဃးဒီး တၢ်မၤလိလံာ်စီဆှံ အတၢ်ရဲၣ်တၢ်ကျဲၤတခါအံၤ. ဒီးအပာ်ဖျါထီၣ်စ့ၢ်ကီး ပှၤမ့ၢ်ဘၣ်သး မၤလိလံာ်စီဆှံန့ၣ် ပှၤကဘၣ်မၤဒ်လဲၣ်.
-
ပသးခုလၢ နကမၤလိလံာ်စီဆှံ. တၢ်ဂီၤမူတခါအံၤန့ၣ် ပဒုးအိၣ်ထီၣ်အီၤဒ်သိး နကဘၣ်ပၠး နပှၤမၤလိလံာ်စီဆှံဖိအဂီၢ်. တၢ်ဂီၤမူတခါအံၤန့ၣ် အအိၣ်ဖဲ အိၣ်မူလီၤထူလီၤယိာ် ပှဲၤဒီးတၢ်သးခု လံာ်ကဘျံးပၤခံ သနာ်က့ ဖဲနတဲသကီးတၢ်ဒီးပှၤဂၤ ဘၣ်ဃးဒီး အိၣ်မူလီၤထူလီၤယိာ် ပှဲၤဒီးတၢ်သးခု ဘရိၣ်ခၠၣ်အခါ နပၠးတၢ်ဂီၤမူတခါအံၤသ့. တၢ်ဂီၤမူတခါအံၤ ပာ်ဖျါထီၣ်ဝဲ တၢ်ဂ့ၢ်လၢလံာ်ပူၤတစဲး ဒီးပာ်ဖျါထီၣ်ဝဲ တၢ်မၤလိလံာ်စီဆှံန့ၣ် ပှၤကမၤအီၤဒ်လဲၣ်.
တၢ်ဂီၤမူတဖၣ်အံၤန့ၣ် အတၢ်တိာ်ပာ် လီၤဆီလိာ်အသး သနာ်က့ လၢတၢ်အိၣ်သးအဖီခိၣ် မ့ၢ်ကြၢးမ့ၢ်ဘၣ်န့ၣ် နပၠးတၢ်ဂီၤမူ တခါဂ့ၤတခါဂ့ၤ မ့တမ့ၢ် နဆှၢလီၤအီၤလၢ ပှၤဂၤအိၣ်သ့. ဟ့ၣ်ဂံၢ်ဟ့ၣ်ဘါ ပှၤစံၣ်တဲၤတဲလီၤတၢ်ဖိတဖၣ်လၢ ကဃုသ့ၣ်ညါဝဲ တၢ်ဂီၤမူတဖၣ်အံၤအဂ့ၢ်ဂ့ၤဂ့ၤ ဒီးကသူဝဲလၢ တၢ်စံၣ်တဲၤတဲလီၤတၢ်မၤအပူၤ.
