တၢ်လုၢ်ဒိၣ်ပှ့ၤဒိၣ်တဖၣ်လၢ လံာ်စီဆှံအပူၤ | ယိၤဘး ၁–၅
စီၤယိၤဘး ဘၣ်သဂၢၢ်ဒီးတၢ်မၤကွၢ်သနာ်က့ ဆဲးပၢၤဃာ်အတၢ်သးတီ
ဖဲပှၤအံၣ်စရ့လးဖိတဖၣ် ဘၣ်တၢ်မၢကဲကုၢ်အီၤလၢ ကီၢ်အဲၤကူပတူးအခါ စီၤယိၤဘးအိၣ်ဝဲလၢ ကီၢ်ဧူးစးအပူၤလီၤ. စီၤယိၤဘးတမ့ၢ်ပှၤအံၣ်စရ့လးဖိဘၣ်. ဘၣ်ဆၣ် မ့ၢ်ပှၤလၢအဘူၣ်ထီၣ်ဘါထီၣ် ယဟိဝၤယွၤလၢ တၢ်သးတီလီၤ. အဝဲအိၣ်ဒီးအဟံၣ်ဖိဃီဖိအါဂၤ, ထူးဝဲတီၤဝဲ ဒီးအိၣ်ဒီးအစိအကမီၤလၢ ပှၤဂၤအဖိခိၣ်လီၤ. အဝဲမ့ၢ်ပှၤဟ့ၣ်ကူၣ်တၢ်လၢအဖၠဲး, ပှၤပာ်ကဲအီၤ ဒီးအဝဲမ့ၢ်စ့ၢ်ကီးစံၣ်ညီၣ်ကွီၢ်လၢ အတီတဂၤလီၤ. တကးဒံးဘၣ် အဝဲသးအိၣ်ဟ့ၣ်မၤစၢၤပှၤဖှီၣ်ဖိယာ်ဖိ ဒီးပှၤလၢအလိၣ်ဘၣ်တၢ်မၤစၢၤတဖၣ်လီၤ. စီၤယိၤဘးမ့ၢ်ပှၤလၢ အသးတီတဂၤလီၤ.
စီၤယိၤဘးပာ်ဖျါထီၣ်ဝဲလၢ ယဟိဝၤယွၤန့ၣ် မ့ၢ်ပှၤလၢအရ့ဒိၣ်ကတၢၢ် လၢအတၢ်အိၣ်မူအပူၤ
-
မုၣ်ကီၤလံၢ် ပာ်သူၣ်ပာ်သးဝဲ စီၤယိၤဘးအတၢ်သးတီလီၤ. စီၤယိၤဘးဒိကနၣ်ဝဲ ယဟိဝၤယွၤအကလုၢ်န့ၣ် မုၣ်ကီၤလံၢ်တဂ့ၢ်လိာ်ဝဲသနာ်က့, ထုးထီၣ်ဝဲတၢ်သံကွၢ်လၢ ဘၣ်ဃးဒီးစီၤယိၤဘးအတၢ်သးတီလီၤ
-
မုၣ်ကီၤလံၢ်စံးဝဲလၢ စီၤယိၤဘးန့ၣ် ဘူၣ်ထီၣ်ဘါထီၣ် ယဟိဝၤယွၤလၢ အနီၢ်ကစၢ်အတၢ်ကဲဘျုးအဂီၢ်လီၤ
-
ဒ်သိးမုၣ်ကီၤလံၢ်အတၢ်သံကွၢ်ကဘၣ်တၢ် စံးဆၢက့ၤအီၤအဂီၢ် ယဟိဝၤယွၤ ဟ့ၣ်ဝဲအခွဲးလၢ မုၣ်ကီၤလံၢ်ကမၤကွၢ် စီၤယိၤဘးန့ၣ်လီၤ. လၢတၢ်န့ၣ်အဃိ မုၣ်ကီၤလံၢ် မၤဟးဂီၤကွံာ်ဝဲ တၢ်လၢအအိၣ်ဒီး စီၤယိၤဘးခဲလၢာ်န့ၣ်လီၤ
-
ဖဲစီၤယိၤဘးပၢၤဃာ် အတၢ်သးတီအခါ, မုၣ်ကီၤလံၢ် ထုးထီၣ်ကဒီးတၢ်သံကွၢ်လၢ ဘၣ်ဃးဒီးပှၤဟီၣ်ခိၣ်ဖိခဲလၢာ်အတၢ်သးတီန့ၣ်လီၤ
-
စီၤယိၤဘးတမၤကမၣ်တၢ်ဘၣ် ဒီးတပာ်ဒ့ၣ်ပာ်ကမၣ်လၢ ကစၢ်ယွၤအလိၤဘၣ်
