အိၣ်မူဒ်ခရံာ်ဖိအသိး
တူၢ်လိာ်မုာ် ပှၤတမှံၤတဖၣ်
လၢလါမၢ်ၡး ၂၃ သီန့ၣ် ပမုၢ်လၢ်လၢပှၤတမှံၤ ၁၂ ကကွဲၢ် မ့တမ့ၢ် အါန့ၢ်အန့ၣ် ကဟဲထီၣ်ဝဲ တၢ်သ့ၣ်နီၣ်ထီၣ်က့ၤအမူးလီၤ. အဝဲသ့ၣ်ကနၢ်ဟူဘၣ်ဝဲ တၢ်စံၣ်တဲၤတဲလီၤတၢ်လၢအမုာ် လၢဘၣ်ဃးဒီး ယဟိဝၤယွၤအတၢ်ဟ့ၣ်လၢအမ့ၢ် တၢ်ပှ့ၤက့ၤဒီး တၢ်ဆိၣ်ဂ့ၤတနီၤ လၢခါဆူညါပှၤဟီၣ်ခိၣ်ဖိတဖၣ် ကဒိးန့ၢ်ဘၣ်ဝဲန့ၣ်လီၤ. (ၡါ. ၁၁:၆-၉; ၃၅:၅, ၆; ၆၅:၂၁–၂၃; ယိၤ. ၃:၁၆) ဖဲတၢ်ဆၢကတီၢ် လီၤလီၤဆီဆီအံၤအတီၢ်ပူၤ တၢ်ခွဲးတၢ်ယာ်တအိၣ်ထဲလၢ ပှၤလၢကဟ့ၣ် တၢ်စံၣ်တဲၤတဲလီၤတၢ်တဂၤ ကအုၣ်အသးအဂီၢ်ဘၣ်. တၢ်ခွဲးတၢ်ယာ်အိၣ်လၢ ပှၤခဲလၢာ်ကအုၣ်အသး ခီဖျိလၢတူၢ်လိာ် ပှၤတမှံၤတဖၣ်လၢ တၢ်သူၣ်အိၣ်သးအိၣ်အပူၤန့ၣ်လီၤ. (ရိ. ၁၅:၇) ကွၢ်တၢ်ဟ့ၣ်ကူၣ်တနီၤလၢ လာ်အံၤန့ၣ်တက့ၢ်.
-
တချုးတၢ်ရဲၣ်တၢ်ကျဲၤ စးထီၣ်ဒံးဘၣ်န့ၣ် တဘၣ်ဆ့ၣ်နီၤ ဒီးအိၣ်ခိးတၢ်လၢနလီၢ်တဂ့ၤ. လၢတၢ်န့ၣ်အလီၢ် ဟးဟံးစုကွၢ်မဲာ် ဒီပုၢ်ဝဲၢ်လၢ အပတုာ်တၢ်ဟးစံၣ်တဲၤတဲလီၤတၢ် ဒီးပှၤတမှံၤတဖၣ် လၢတၢ်နံၤကမှံဒီး တၢ်မဲာ်မုာ်နါဆၢန့ၣ်တက့ၢ်
-
ဖဲနသးစၢၢ်ဆၢ ပှၤလၢနကွဲမုာ်အီၤတဖၣ်အခါ သ့ၣ်နီၣ်ထီၣ်စ့ၢ်ကီးလၢ ခဲၣ်ဖ့တၢ်ကွဲမုာ်လံာ်က့အဃိ ပှၤအဂၤတဖၣ်ကဟဲထီၣ်ဝဲလီၤ. ကွဲမုာ်ပှၤတမှံၤတဖၣ်အံၤလၢ ကဆ့ၣ်နီၤလၢနကပၤန့ၣ်တက့ၢ်. ဒီးအိးထီၣ်ပၠးအီၤ လံာ်သးဝံၣ်ဒီး လံာ်စီဆှံတက့ၢ်
-
တၢ်စံၣ်တဲၤတဲလီၤတၢ်မ့ၢ်ဝံၤ စံးဆၢတၢ်သံကွၢ်လၢ အဝဲသ့ၣ်အဲၣ်ဒိးသ့ၣ်ညါဝဲန့ၣ်တက့ၢ်. တၢ်အိၣ်ဖှိၣ်အဂၤမ့ၢ်ဘၣ်သူ ဘီမုၢ်ဘျီၣ်ဒိၣ်ဒီး နမ့ၢ်ဘၣ်ဟးထီၣ်ချ့ချ့န့ၣ် ရဲၣ်လီၤကျဲၤလီၤပာ်လၢ နကလဲၤအိၣ်သကိးအီၤလၢ အဆိအချ့အဂီၢ်တက့ၢ်. လၢတၢ်န့ၣ်အဃိ နသံကွၢ်အီၤသ့လၢ “ယအဲၣ်ဒိးသ့ၣ်ညါလၢ ဘၣ်ဃးဒီးတၢ်ရဲၣ်တၢ်ကျဲၤအံၤန့ၣ် နဆိကမိၣ်ဒ်လဲၣ်. ယကဘၣ် ဆဲးကျိးဒီးနၤဒ်လဲၣ်.”