ဂုာ်ကျဲးစၢးလၢ တၢ်စံၣ်တဲၤတဲလီၤတၢ်မၤအပူၤ
တၢ်မၤဂ့ၤထီၣ် ပတၢ်သ့တၢ်ဘၣ်လၢ တၢ်သးခုကစီၣ်တၢ်မၤအပူၤ—သူနနီၢ်ကစၢ်အတၢ်ကတိၤလၢ နကနီၤလီၤမဲးကစံအဂီၢ်
ဘၣ်မနုၤအဃိအရ့ဒိၣ်လဲၣ်– တၢ်အဒိလၢ တၢ်နီၤလီၤလံာ်လဲၢ်တဖၣ် လၢဘၣ်တၢ်ပာ်ဖျါထီၣ်အီၤလၢ ကၠိဖိလံာ်တၢ်မၤလိအပူၤန့ၣ် မ့ၢ်ဒၣ်တၢ်ဟ့ၣ်ကူၣ်လၢ ကမၤစၢၤပှၤအဂီၢ်န့ၣ်လီၤ. ဘၣ်ဆၣ် နကြၢးတဲလၢ နနီၢ်ကစၢ်အတၢ်ကတိၤလီၤ. လၢနလီၢ်ကဝီၤအတၢ်အိၣ်သးအဖီခိၣ် နဃုထၢတၢ်ဂ့ၢ်အဂၤ မ့တမ့ၢ် နသူတၢ်ဂ့ၢ်ဖုၣ်ကိာ်လၢ ကထုးန့ၢ်ပှၤဂၤအသးသ့လီၤ. မ့ၢ်သ့န့ၣ်, နဖးမဲးကစံမ့ၢ်ဝံၤ သမံသမိးကွၢ် တၢ်အဒိလၢ တၢ်နီၤလီၤလံာ်လဲၢ်အဂီၢ် ဒီးကွၢ်တၢ်ဒုးနဲၣ်တၢ်အဒိ တၢ်ဂီၤမူန့ၣ်တက့ၢ်. ဒီးဒ်သိးနတဲလၢနနီၢ်ကစၢ် အတၢ်ကတိၤကသ့အဂီၢ် နသူတၢ်ဟ့ၣ်ကူၣ်လၢလာ်တဖၣ်အံၤ သ့စ့ၢ်ကီးလီၤ.
ပမၤကသ့ဒ်လဲၣ်–
သံကွၢ်လီၤနသးဒ်အံၤ, ‘မ့ၢ်ယအဲၣ်ဒိးသူ တၢ်အဒိလၢ တၢ်နီၤလီၤလံာ်လဲၢ်အဂီၢ် တခါခါဧါ.’
ယအဲၣ်ဒိးသူ
-
ကတဲာ်ကတီၤပာ်လၢ တၢ်ကတိၤအိးထီၣ်အဂီၢ်တက့ၢ်. နဆၢဂ့ၤဆၢဝါအီၤမ့ၢ်ဝံၤ ဘၣ်မနုၤအဃိ နဘၣ်ဟဲလၢအအိၣ်လဲၣ်န့ၣ် တဲနၢ်ပၢၢ်အီၤဂ့ၤဂ့ၤတက့ၢ်. (အဒိ– “ယဟဲလၢ နအိၣ်မ့ၢ်လၢ. . .”)
-
သမံသမိးကွၢ် တၢ်သံကွၢ်, လံာ်စီဆှံအဆၢ ဒီးတၢ်ဟ့ၣ်ကူၣ် တခါဒီးတခါ ဘျးစဲလိာ်အသးဒ်လဲၣ်န့ၣ်တက့ၢ်. (အဒိ– ဒ်သိးနဖးလံာ်စီဆှံ ကန့ၢ်အဂီၢ်တဲအီၤဒ်အံၤ ‘‘ဘၣ်ဃးဒီးတၢ်သံကွၢ်အံၤ အတၢ်စံးဆၢလၢ အလီၤသူၣ်မံသးမုာ်န့ၣ် ပထံၣ်ဘၣ်အီၤသ့ဖဲအံၤလီၤ.”)
တအဲၣ်ဒိးသူဘၣ်
-
လၢမဲးကစံအပူၤန့ၣ် ဃုထၢတၢ်ဂ့ၢ်တခါလၢ အထုးန့ၢ်နသး ဒီးကကဲဘျုးလၢ ပှၤအိၣ်လၢနဟီၣ်ကဝီၤအပူၤအဂီၢ်န့ၣ်တက့ၢ်
-
နစးထီၣ်ကတိၤတၢ်ဒီး ဟံၣ်ကစၢ်ကန့ၢ်အဂီၢ် သံကွၢ်တၢ်သံကွၢ်တဖျၢၣ်လၢ ကထိၣ်ဟူးထိၣ်ဂဲၤထီၣ်အသးတက့ၢ်. တဘၣ်သံကွၢ်တၢ်သံကွၢ်လၢ အကီတဂ့ၤ. (အဒိ– သံကွၢ်တၢ်သံကွၢ်တဖၣ်လၢ အိၣ်ဖဲမဲးကစံ လံာ်ကဘျံးပၤ ၂ အပူၤန့ၣ်လီၤ.)
-
ဃုထၢလံာ်စီဆှံအဆၢလၢ နကဖးအီၤန့ၣ်တက့ၢ်.
-
တဲနၢ်ပၢၢ်ဟံၣ်ကစၢ်လၢ အဝဲမ့ၢ်ဖးဝဲတၢ်ဂ့ၢ်တဖၣ်အံၤန့ၣ် ကဒိးန့ၢ်ဘၣ် အဘျုးဒ်လဲၣ်န့ၣ်တက့ၢ်
သူဂ့ၤတသူဂ့ၤ
-
ကတဲာ်ကတီၤပာ်စ့ၢ်ကီး တၢ်သံကွၢ်လၢ နက့ၤအိၣ်သကိးက့ၤ ဟံၣ်ကစၢ်ကသ့အဂီၢ်တက့ၢ်
-
တၢ်လၢနအဲၣ်ဒိးတဲလၢခံတဘျီန့ၣ် ဒ်သိးနတိၢ်နီၣ်ကန့ၢ်အဂီၢ် ကွဲးနီၣ်ဃာ်အီၤတက့ၢ်
