၈:၃–၅, ၉

• နီၢ်အ့ၤစတၢ်​ဒီး စီၤမၢ်ဒကဲၤ​အိၣ်ဘၣ်​ဝဲ မုာ်မုာ်​ခုၣ်ခုၣ်​လီၤ. ဘၣ်ဆၣ် စီၤဟၤမၣ် ကူၣ်ထီၣ်​တၢ်​ဒ်သိး က​မၤသံ​ပှၤ​ယူဒၤ​ဖိ​လၢ အိၣ်​လၢ စီၤပၤ​အထံ​ကီၢ်​အ​ပူၤ​ကိးဂၤ​ဒဲး​န့ၣ်​လီၤ.

• စီၤပၤ​တကိး​နီၢ်အ့ၤစတၢ် ဘၣ်ဆၣ်​အဝဲ​ဟ့ၣ်လီၤ​အသး​လၢ အ​ပှၤ​ဂီၢ်မုၢ်​အဂီၢ် ဒီး​လဲၤ​ပာ်ဖျါ​ထီၣ်​အသး​လၢ စီၤပၤ​မဲာ်ညါ​လီၤ. အဝဲ​ဃ့ကညး​စီၤပၤ​လၢ​အ​မဲာ်ထံ​မဲာ်နိ​လၢ အပှၤကလုာ်​အဂီၢ် ဒ်သိး​စီၤပၤ​က​မၤ​ဟးဂီၤ​ကွံာ် စီၤဟၤမၣ်​အ​တၢ်ကူၣ်​လၢ အအၢ​တဖၣ်​န့ၣ်​လီၤ.

• တၢ်သိၣ်​တၢ်သီ​တဖၣ်​လၢ ပှၤ​ထုးထီၣ်​ဝဲ​လၢ​စီၤပၤ​အ​မံၤ​န့ၣ် ပှၤ​က့ၤ​မၤ​ဟးဂီၤ​ကွံာ်​အီၤ​တ​န့ၢ်​လၢၤဘၣ်. လၢတၢ်န့ၣ်​အဃိ စီၤပၤ​ဟ့ၣ်လီၤ​အ​ကလုၢ်​လၢ နီၢ်အ့ၤစတၢ် ဒီး​စီၤမၢ်ဒကဲၤ လၢ​က​ထုးထီၣ် တၢ်သိၣ်​တၢ်သီ လၢ​အသီ​တခါ​န့ၣ်​လီၤ

၈:၁၀–၁၄, ၁၇

• ခီဖျိ​လၢ တၢ်​ဘိးဘၣ်​သ့ၣ်ညါ​ခံခါ​တခါ​အဃိ ပှၤ​ယူဒၤ​ဖိ​တဖၣ် အိၣ်ဒီး​တၢ်ခွဲး​တၢ်ယာ်​လၢ က​ဒီသဒၢ​လီၤ အ​နီၢ်ကစၢ်​အသး

• ပှၤ​ဒိး​ကသ့ၣ်​ဖိ​တဖၣ် လဲၤဝဲ​ချ့​ချ့ ဒ်သိး​က​ရၤလီၤ​တၢ်ကစီၣ်​လၢ ကီၢ်​ဒီတဘ့ၣ်​အ​ပူၤ​န့ၣ်​လီၤ. ဒီး​ပှၤ​ယူဒၤ​ဖိ ကတဲာ်​ကတီၤ​ထီၣ်​အသး​လၢ တၢ်ဒုး​အဂီၢ်​လီၤ

• ပှၤ​အါဂၤ​ထံၣ်ဘၣ်​ဝဲ​လၢ ပှၤ​ယူၤ​ဒၤ​ဖိ​တဖၣ် ဒိးန့ၢ်​ဘၣ်​ဝဲ ကစၢ်​ယွၤ​အ​တၢ်​ဘၣ်သး​အဃိ အဝဲသ့ၣ်​နုာ်လီၤ​ဝဲ​လၢ ပှၤ​ယူဒၤ​ဖိ​တဖၣ် အ​တၢ်ဘူၣ်​တၢ်ဘါ​အ​ပူၤ​လီၤ