စီၤယိၤဘး ဘၣ်ဖှီၣ်​ဘၣ်ယာ်, တူၢ်ဘၣ်​တၢ်သူၣ်အုး​သးအုး ဒီး​တၢ်ဆူး​တၢ်ဆါ နးနး​ကလဲာ်​သနာ်က့ ဆဲး​ပၢၤဃာ်​ဝဲ​အ​တၢ်သးတီ​လီၤ. လၢတၢ်န့ၣ်​အဃိ ဒ်သိး​စီၤယိၤဘး​သု​တတီ​ဒီး​ယွၤ​တဂ့ၤ​အဂီၢ် မုၣ်ကီၤလံၢ်​ဂုာ်ကျဲးစၢး မၤ​ဟးဂီၤ​အသး​န့ၣ်​လီၤ. အဆိ​ကတၢၢ် စီၤယိၤဘး “အ​တံၤသကိး” သၢ​ဂၤ​ဟဲ​ဆူ​အ​အိၣ် ဒီး​ပာ်မၤ​အသး​လၢ အ​ဒိသူၣ်​ဒိသး​လၢ စီၤယိၤဘး​အ​ဖီခိၣ်​လီၤ. ဘၣ်ဆၣ် ဖဲ​အဝဲသ့ၣ်​အိၣ်ဒီး​စီၤယိၤဘး နွံ​သီ​အတီၢ်ပူၤ ဆ့ၣ်နီၤ​ဝဲ​ဒီး​တ​ကတိၤ​တၢ်​ဒီး စီၤယိၤဘး​နီ​တစဲး​ဘၣ်. တကးဒံးဘၣ် လၢခံ​န့ၣ် အဝဲသ့ၣ် ပာ်ဒ့ၣ်​ပာ်ကမၣ်​လၢ စီၤယိၤဘး​အလိၤ​ဒီး တဲဆါ​အီၤ​လီၤ.