လါမၢ်ၡး ၂၀–၂၆
စူၢ်ယွၤအကလုၢ်တက့ၢ်—ပကဘၣ်သူ လံာ်အံၤဒ်လဲၣ်
လံာ်လၢအမ့ၢ် စူၢ်ယွၤအကလုၢ်တက့ၢ် အံၤဘၣ်တၢ်ထုးထီၣ်အီၤလၢ ပှၤလၢအဲၣ်ဒိးသ့ၣ်ညါ တၢ်မ့ၢ်တၢ်တီလၢ အဖးလံာ် တသ့ဂ့ၤဂ့ၤတဖၣ် အဂီၢ်လီၤ. တၢ်မၤလိတခါန့ၣ် ကအိၣ်ဝဲ လံာ်ကဘျံးပၤ ခံကပၤ ဒီးတခါစုာ်စုာ်န့ၣ် အိၣ်ဒီးတၢ်ဂီၤတဖၣ်လၢ ပၣ်ဃုာ်ဒီးပျၢ်အတၢ်ပနီၣ် ဒ်သိးပှၤကတဲသကိး တၢ်ဂ့ၢ်တခါဝံၤတခါအဂီၢ်လီၤ.
မ့မ့ၢ် စူၢ်ယွၤအကလုၢ် ဒီးအိၣ်မူလီၤထူလီၤယိာ်တက့ၢ် န့ၣ်တၢ်ဂီၤဒ်သိးလိာ်အသးဒီး စူၢ်ယွၤအကလုၢ်တက့ၢ် ဘၣ်ဆၣ် လံာ်ကျိၤအါထီၣ်အဃိ ပှၤမၤလိလံာ်စီဆှံဖိ ဖးလံာ်မ့ၢ်သ့ဖဲအကြၢးန့ၣ် နသူအီၤသ့လီၤ. ပှၤမၤလိလံာ်စီဆှံဖိ မ့ၢ်သူဝဲ စူၢ်ယွၤအကလုၢ်တက့ၢ် ဘၣ်ဆၣ် ပှၤသိၣ်လိတၢ်တဂၤ သူဝဲ စူၢ်ယွၤအကလုၢ် ဒီးအိၣ်မူလီၤထူလီၤယိာ်တက့ၢ် သ့ဝဲလီၤ. လံာ်ကဘျံးပၤ အါတက့ၢ်န့ၣ် ပၣ်ဃုာ်ဒီးတၢ်လွံၢ်နၢၣ်န့ၣ်လီၤ. ပှၤသိၣ်လိတၢ်တဂၤ ကကွၢ်ဝဲ အပှၤမၤလိတၢ်ဖိ အတၢ်သ့တၢ်ဘၣ် ဒီးတဲသကိးဝဲ တၢ်ဂ့ၢ်တဖၣ်န့ၣ်လီၤ.
လါလၢပှၤတနီၤလီၤ လံာ်ခံဘ့ၣ်အံၤအခါဒၣ်လဲာ် နနီၤလီၤအီၤသ့ဝဲလီၤ. ဖဲနသိၣ်လိ လံာ်စီဆှံအခါ သူတၢ်ဂီၤတဖၣ်လၢ နကတဲနၢ်ပၢၢ်ပှၤဂၤ လံာ်စီဆှံအဂီၢ်တက့ၢ်. သံကွၢ်အီၤတၢ်သံကွၢ်တဖၣ်ဒီး မၤစၢၤအီၤဒ်သိး ကနၢ်ပၢၢ်ဝဲ ဂ့ၤဂ့ၤအဂီၢ်တက့ၢ်. ဖးဒီးတဲသကိး လံာ်စီဆှံအဆၢတဖၣ်လၢ အိၣ်လၢလံာ်ကဘျံးပၤ အခီၣ်ထံးတက့ၢ်. ဒ်သိးနပှၤမၤလိ လံာ်စီဆှံဖိ ကလဲၤထီၣ်လဲၤထီတုၤ အဒိးဘျၢထံအဂီၢ် နသိၣ်လိအီၤလၢ လံာ်အံၤမ့ၢ်ဝံၤန့ၣ် သိၣ်လိအီၤ လံာ်လၢအမ့ၢ် လံာ်စီဆှံ ကသိၣ်လိပှၤ တၢ်ဂ့ၢ်မနုၤလဲၣ် န့ၣ်တက့ၢ်.