အိၣ်မူဒ် ခရံာ်ဖိအသိး
မၤစၢၤနဟံၣ်ဖိဃီဖိတဖၣ် ဒ်သိးကသ့ၣ်နီၣ်ထီၣ် ယဟိဝၤယွၤ
မ့ၢ်လၢ ပှၤယူဒၤဖိတဖၣ် သးပ့ၤနီၣ်ကွံာ် အကစၢ်ယွၤအဃိ ဝံယံးရမံယၤ ဒိးန့ၢ်ဘၣ်မူဒါလၢ ကဘၣ်ဟ့ၣ်ပလီၢ်ဝဲ ပှၤယူဒၤဖိတဖၣ်လၢ အဝဲသ့ၣ်ကဘၣ် တၢ်မၤဟးဂီၤအီၤ ဘူးထီၣ်အဂ့ၢ်လီၤ. (ယံးရမံယၤ ၁၃:၂၅) ဘၣ်မနုၤအဃိ ပှၤဂီၢ်မုၢ်တဖၣ်အံၤ အနီၢ်သးအဂံၢ်အဘါ လီၤစၢ်ဝဲလဲၣ်. ဟံၣ်ဖိဃီဖိတဖၣ် မ့ၢ်တၢ်လၢအရ့ဒိၣ်ဒီး ပှၤအံၣ်စရ့လးဖိ အဟံၣ်ဖိဃီဖိတဖၣ် အတၢ်ရ့လိာ်သးဒီးယွၤ ဟးဂီၤကွံာ်ဝဲအဃိလီၤ. ဟံၣ်ခိၣ်တဖၣ် တမၤထွဲဝဲ ယဟိဝၤယွၤ အတၢ်နဲၣ်လိ, လီၤဆီဒၣ်တၢ် တမၤထွဲဝဲ ၅ မိၤၡ့ ၆:၅-၇ န့ၣ်ဘၣ်.
မုၢ်မဆါတနံၤအံၤ ဟံၣ်ဖိဃီဖိလၢ အတၢ်ရ့လိာ်အသးဒီးယွၤ ဂ့ၤဝဲတဖၣ်န့ၣ် ကဲထီၣ်တၢ်မၤစၢၤလၢ တၢ်အိၣ်ဖှိၣ် ကအိၣ်ဂၢၢ်ဆိးကျၢၤအဂီၢ်လီၤ. ဟံၣ်ခိၣ်တဖၣ်န့ၣ် ဒ်သိးအဟံၣ်ဖိဃီဖိတဖၣ် ကသ့ၣ်နီၣ် ယဟိဝၤယွၤအဂီၢ် မၤစၢၤဝဲသ့ ခီဖျိလၢ မၤဝဲဟံၣ်ဖိဃီဖိတၢ်မၤလိလံာ်စီဆှံ ကိးနွံဒဲးလၢ တၢ်သူၣ်ဆူၣ်သးဆူၣ်အပူၤလီၤ. (စံးထီၣ်ပတြၢၤ ၂၂:၂၇) ကွၢ်တၢ်ဂီၤမူလၢအမ့ၢ် “ဒီစကားတွေကို နှလုံးသွင်းရမယ်”—ဟံၣ်ဖိဃီဖိ တၢ်သံကွၢ်စံးဆၢ, ဒီးစံးဆၢတၢ်သံကွၢ်တဖၣ်အံၤတက့ၢ်.
-
ဟံၣ်ဖိဃီဖိတနီၤ လဲၤခီဖျိဝဲ တၢ်ကီတၢ်ခဲဘၣ်ဃးဒီး ဟံၣ်ဖိဃီဖိတၢ်မၤလိ လံာ်စီဆှံဒ်လဲၣ်.
-
တၢ်ဆိၣ်ဂ့ၤတနီၤလၢ ပဒိးန့ၢ်ဘၣ်အီၤ ခီဖျိပမၤဟံၣ်ဖိဃီဖိ တၢ်မၤလိလံာ်စီဆှံ ကိးနွံဒဲးန့ၣ် မ့ၢ်မနုၤလဲၣ်.
-
ဖဲယမၤဟံၣ်ဖိဃီဖိ တၢ်မၤလိလံာ်စီဆှံအခါ ယအိၣ်ဒီးတၢ်ကီတၢ်ခဲဒ်လဲၣ်, ဒ်သိးယလဲၤခီဖျိအီၤ ကန့ၢ်အဂီၢ် ယကမၤဒ်လဲၣ်.