၂၅:၁-၁၂

တၢ်အဒိ​လၢ​ဘၣ်ဃး​ဒီး ပှၤ​မုၣ်ကနီၤ​ဆံဆဲၣ်​ဂၤန့ၣ်​ ယ့ၣ်ၡူး​တဲဝဲ​ထဲဒၣ်​ အပျဲၢ်​အဘီၣ်​လၢ အဘၣ်​တၢ်ဒိးဖှူ​အီၤ​တဖၣ်​ဘၣ်ဆၣ်​ ဘၣ်ထွဲ​လိာ်အသး​ဒီး ပဝဲ​ခရံာ်ဖိ​ခဲလၢာ်​လီၤ. (w15 3/15 12-16) “ဆိးသီ​တက့ၢ်, အဂ့ၢ်ဒ်အံၤ, အနံၤအသီ​မ့ၢ်ဂ့ၤ, အ​နၣ်ရံၣ်​မ့ၢ်ဂ့ၤ, သု​တ​သ့ၣ်ညါ​ဘၣ်” (မး. ၂၅:၁၃) ယ့ၣ်ၡူး​ဟ့ၣ်​တၢ်အဒိ​အံၤ မ့ၢ်​န​တဲ​နၢ်ပၢၢ်​ပှၤဂၤ​က​သ့ဧါ.

• တလးမူး​ပိာ်ခွါ (အဆၢဖိ ၁)—ယ့ၣ်ၡူး

• ပှၤ​မုၣ်ကနီၤ​လၢ အ​ကူၣ်တၢ်သ့​တဖၣ်​ (အဆၢဖိ ၂)—ခရံာ်ဖိ​လၢ​အဘၣ်​တၢ်ဒိးဖှူ​အီၤ​တဖၣ်​ လၢ​အ​အိၣ်​ကတဲာ်​ကတီၤ​အသး​လၢ က​မၤ​လၢပှဲၤ​အ​မူဒါ​လၢ တၢ်သးတီ​အ​ပူၤ​န့ၣ်​ ကပီၤ​ထီၣ်​ဒ် တၢ်ကပီၤ​ဖိ တုၤလၢ​အ​ကတၢၢ် (ဖံလံး. ၂:၁၅)

• တၢ်​ကိးပသူ​ထီၣ်​လၢ “ကွၢ်ကွၢ်, တလးမူး​ပိာ်ခွါ​ဟဲ​လံ” (အဆၢဖိ ၆)—တၢ်အုၣ်​အသး​လၢ ယ့ၣ်ၡူး​ဟဲဝဲ

• ပှၤ​မုၣ်ကနီၤ​လၢ တအိၣ်​ဒီး​တၢ်ကူၣ်သ့ (အဆၢဖိ ၈)—ခရံာ်ဖိ​လၢ အဘၣ်​တၢ်ဒိးဖှူ​အီၤ​တဖၣ်​လၢ က​လဲၤ​ထံၣ်လိာ်​အသး​ဒီး တလးမူး​ပိာ်ခွါ ဘၣ်ဆၣ်​ အဝဲသ့ၣ်​တဆိး​သီ​ဘၣ်​ ဒီး​တ​ပၢၤဃာ်​အ​တၢ်သးတီ​ဘၣ်

• ပှၤ​မုၣ်ကနီၤ​လၢ အ​ကူၣ်တၢ်သ့​တဖၣ်​ တ​ဟ့ၣ်လီၤ​အသိ​လၢ ပှၤဂၤ​အ​အိၣ်ဘၣ်​ (အဆၢဖိ ၉)—ဖဲ​တၢ်​စဲပနီၣ်​ လီၢ်ခံ​ကတၢၢ်​ဝံၤ​အလီၢ်​ခံ ပှၤဘၣ်​တၢ်ဒိးဖှူ​အီၤ​လၢ အ​အိၣ်ဒီး​တၢ်သးတီ​တဖၣ်​ မၤစၢၤဝဲ ပှၤဘၣ်​တၢ်ဒိးဖှူ​အီၤ​လၢ အသး​တတီ​တဖၣ်​တ​သ့​လၢၤဘၣ်

• “တလးမူး​ပိာ်ခွါ​န့ၣ်​ ဟဲ​တုၤ​ဝဲ” (အဆၢဖိ ၁၀)—ယ့ၣ်ၡူး​ဟဲ ဒ်သိး​က​စံၣ်ညီၣ်​တၢ် ဖဲ​တၢ်နး​တၢ်ဖှီၣ်​ဖးဒိၣ်​ ဘူး​က​ကတၢၢ်​အခါ

• တလးမူး​ပိာ်မုၣ်​တဖၣ်​ဒီး တလးမူး​ပိာ်ခွါ လဲၤနုာ်​လီၤ​လၢ တၢ်ဖျီ​အ​မူးပွဲ ဒီး​တြဲၤ​ကးတံာ်​ဃာ်​အသး (အဆၢဖိ ၁၀)—ယ့ၣ်ၡူး​ပာ်ဖှိၣ်​ထီၣ်ဝဲ ပှၤလၢ​အဘၣ်​တၢ်ဒိးဖှူ​အီၤ လၢ​အသး​တီ​တဖၣ်​ ဆူ​မူခိၣ်​ဘၣ်ဆၣ်​ မ့မ့ၢ်​ပှၤဘၣ်​တၢ်ဒိးဖှူ​အီၤ​လၢ အသး​တတီ​တဖၣ်​ တ​ဒိးန့ၢ်​ဘၣ်​ အ​တၢ်​ဆိၣ်ဂ့ၤ​လၢ​မူခိၣ်​လၢၤဘၣ်