ဘၣ်​မနုၤ​အဃိ အရ့ဒိၣ်​လဲၣ်– ပှၤ​မၤလိ​လံာ်စီဆှံ​ဖိ​တဖၣ်​ မ့ၢ်​ကတဲာ်​ကတီၤ​အသး​လၢ တၢ်​မၤလိ​အဂီၢ်​န့ၣ်​ ဖဲ​န​သိၣ်လိ​အီၤ​အခါ အဝဲသ့ၣ်​ နၢ်ပၢၢ်​ဘၣ်​ဝဲ​ကညီ ဒီး​တိၢ်နီၣ်​ဝဲ​က​ဘၣ်​လီၤ. ဒ်​အဝဲသ့ၣ်​ နၢ်ပၢၢ်​တၢ်​ဒီး​တိၢ်နီၣ်​ဝဲ​ဘၣ်​အါထီၣ်​အသိး အဝဲသ့ၣ်​ က​လဲၤထီၣ်​လဲၤထီ​ဝဲ ချ့ချ့​လီၤ. ဒီး​အဝဲသ့ၣ်​ ဘျၢထံ​မ့ၢ်ဝံၤ​ဒၣ်လဲာ် အဝဲသ့ၣ်​က​ဘၣ်​ ဆဲး​ကတဲာ်​ကတီၤ​ဆိ​ပာ်အသး​လၢ တၢ်​အိၣ်ဖှိၣ်​ဒီး တၢ်​စံၣ်တဲၤ​တဲလီၤ​တၢ်​အဂီၢ် ဒ်သိး​ကအိၣ်​ “ဆိးသီ” အဂီၢ်​လီၤ. (မး. ၂၅:၁၃) အဃိ အဝဲသ့ၣ်​မ့ၢ်​သ့ၣ်ညါ​ဝဲ​လၢ က​ဘၣ်​မၤလိ​တၢ်​ဒ်လဲၣ်​ ဒီး​အဝဲသ့ၣ်​မ့ၢ်​အိၣ်ဒီး နီၢ်ကစၢ်​တၢ်​မၤလိ​လံာ်စီဆှံ​ထီဘိ​န့ၣ်​ က​ကဲဘျုး​လၢ အ​တၢ်အိၣ်မူ​ဒီ​တစိၤ​အဂီၢ်​လီၤ. ဖဲ​ပ​စးထီၣ်​မၤလိ​ပှၤ​တဂၤ​သီသီ​အခါ ပ​ကြၢး​မၤစၢၤ​အီၤ​လၢ က​ကတဲာ်​ကတီၤ​ပာ်စၢၤ​အသး​လၢ အ​တၢ်​မၤလိ လံာ်စီဆှံ​အဂီၢ်​လီၤ.

ပ​မၤ​က​သ့​ဒ်လဲၣ်–

• ပၠး​ဒိဂ့ၤတဲာ်ဘၣ်. (ရိ. ၂:၂၁) ဖဲ​န​ကတဲာ်​ကတီၤ​န​သး​အခါ ဆိကမိၣ်​ထံ နပှၤ​မၤလိ​လံာ်စီဆှံ​ဖိ တဂၤ​စုာ်စုာ် အ​တၢ်လိၣ်ဘၣ်​န့ၣ်​တက့ၢ်. (km ၁၁/၁၅ ကဘျံးပၤ ၃) ဒီး​ပၠး​အီၤ န​လံာ်​လၢ​န​တိၤဃာ်​အီၤ​န့ၣ်​တက့ၢ်

• ဟ့ၣ်ဂံၢ်​ဟ့ၣ်ဘါ​အီၤ​လၢ က​ကတဲာ်​ကတီၤ​ဆိပာ်စၢၤ အ​တၢ်​မၤလိ​တက့ၢ်. န​စးထီၣ်​တၢ်​မၤလိ​လံာ်စီဆှံ မ့ၢ်​န့ၢ်​မူာ်မူာ်​နီၣ်​နီၣ်​လံ​န့ၣ်​ တဲဘၣ်​အီၤ​လၢ အဝဲ​မ့ၢ်​ကတဲာ်​ကတီၤ​ဆိပာ်စၢၤ​ဝဲ​န့ၣ်​ က​ကဲဘျုး​ဒ်လဲၣ်​န့ၣ်​တက့ၢ်. ဒီး​အဝဲ​က​ဘၣ်​ဟံးန့ၢ်​တၢ်​ဆၢကတီၢ် ဒီး​က​ဘၣ်​ကတဲာ်​ကတီၤ​တၢ်​ဒ်လဲၣ်​န့ၣ်​ ဟ့ၣ်ကူၣ်​အီၤ​တက့ၢ်. ပ​ဒီပုၢ်ဝဲၢ်​တနီၤနီၤ​လၢ အ​သိၣ်လိ​တၢ်​န့ၣ်​ ဖဲ​အ​သိၣ်လိ​တၢ်​အခါ မၢ​အ​ပှၤ​မၤလိ​လံာ်စီဆှံ​ဖိ ကွၢ်ဝဲ​အ​လံာ်​လၢ​အ​တိၤဃာ်​ဝဲ ဒ်သိး​အဝဲသ့ၣ်​ က​သ့ၣ်ညါ​ထီၣ်ဝဲ​လၢ အ​ကဲဘျုး​ဒ်လဲၣ်​န့ၣ်​လီၤ. ဒီး​အဝဲသ့ၣ်​ မ့ၢ်​ကတဲာ်​ကတီၤ​ဆိပာ်စၢၤ​အသး​န့ၣ်​ ပတြၢၤ​အီၤ​တက့ၢ်

• နပှၤ​မၤလိ​လံာ်စီဆှံ​ဖိ က​ဘၣ်​ကတဲာ်​ကတီၤ​အသး​ဒ်လဲၣ်​န့ၣ်​ မၤ​ပၠး​အီၤ​တက့ၢ်. ပ​ဒီပုၢ်ဝဲၢ်​တနီၤ​န့ၣ်​ ဖဲ​အဝဲ​သိၣ်လိ ပှၤ​တဂၤ​လံာ်စီဆှံ​သီသီ​အခါ က​ဟံးန့ၢ်​ဝဲ တၢ်​ဆၢကတီၢ်​လၢ​လၢပှဲၤပှဲၤ​တဘျီ​ဒီး က​ပၠးဝဲ​အ​ပှၤ​မၤလိ​လံာ်စီဆှံ​ဖိ​လၢ အဝဲ​က​ဘၣ်​ကတဲာ်​ကတီၤဝဲ အ​တၢ်​မၤလိ​လံာ်စီဆှံ​ဒ်လဲၣ်​န့ၣ်​လီၤ