ဒ်​ယဟိဝၤ​ယွၤ ကတဲာ်​ကတီၤဝဲ ပှၤ​အံၣ်စရ့လး​ဖိ​တဖၣ်​အသိး မုၢ်မဆါ​တနံၤ​အံၤ​စ့ၢ်ကီး အ​ဝဲ​ကတဲာ်​ကတီၤဝဲ အ​ပှၤ​ဂီၢ်မုၢ်​တဖၣ်​ ဒ်သိး​က​မၤ​အ​တၢ်ဘၣ်သး​အဂီၢ်​လီၤ. ဝဲၤတြၢ်​တဖၣ်, ကဝီၤ​တဖၣ်, တၢ်​အိၣ်ဖှိၣ်​တဖၣ်​ ဒီး​တၢ်​စံၣ်တဲၤ​တဲ​လီၤ​တၢ်​ကရူၢ်​တဖၣ်​ လၢ​ဟီၣ်ခိၣ်​ဒီဘ့ၣ်​န့ၣ်​ မၤ​သကိး​တၢ် ဒ်သိး​သိး​လီၤ. ပ​စံၣ်တဲၤ​တဲ​လီၤ​တၢ်​လၢ ပှၤ​ကိးဂၤ​ဒဲး​အ​အိၣ်​ ဃုာ်ဒီး ပှၤလၢ​အ​ကတိၤ​ကျိာ်​အဂၤ​တဖၣ်​လီၤ.—လီၣ်. ၁၄:၆, ၇.

မ့ၢ်​လၢ​န​အဲၣ်ဒိး မၤစၢၤ​ပှၤ​တဂၤဂၤ ဒ်သိး​က​သ့ၣ်ညါ​ထီၣ်​ တၢ်မ့ၢ်​တၢ်တီ​အဃိ န​ဆိကမိၣ်​ထီၣ်​ဘၣ်​လၢ န​က​မၤလိ​ကျိာ်​အဂၤ​ဧါ. န​က​မၤလိ​ကျိာ်​အဂၤ​အဂီၢ် န​တၢ်​ဆၢကတီၢ်​မ့ၢ်​တအိၣ်​ဘၣ်​ သနာ်က့ န​သူ JW Language app ဒီး​န​မၤလိ တၢ်​တဲသကိး​တၢ်​ဒီး​ပှၤဂၤ ယိယိ​ဖိ​တခါ​သ့​လီၤ. န​သူ​တၢ်​သ့ၣ်​တဖၣ်​အံၤ​လၢ တၢ်​စံၣ်တဲၤ​တဲ​လီၤ​တၢ်မၤ​အ​ပူၤ မ့ၢ်ဝံၤ​လံ​န့ၣ်​ န​က​တူၢ်​ဘၣ်​ဒ် ဒီပုၢ်ဝဲၢ်​လၢ တၢ​ယၤဖှိၣ်​အ​စိၤ​တဖၣ်​ တူၢ်​ဘၣ်​​ဝဲ​အသိး​လီၤ. ဖဲ​ဒီပုၢ်ဝဲၢ်​တဖၣ်​ ထံၣ်​ဘၣ်​ဝဲ ပှၤ​တခီ​ဘီမုၢ်​ဖိ​တဖၣ်​ နၢ်ဟူ​​ဘၣ်​ဝဲ “ကစၢ်​ယွၤ အ​တၢ်​လီၤလိၢ်​လီၤလး​တဖၣ်​အဂ့ၢ်” လၢ​အ​နီၢ် ကစၢ်​အကျိာ်​အခါ အဝဲသ့ၣ်​ကမၢ​ကမၣ်​​ဝဲ​ဒိၣ်မး​အဃိ ဒီပုၢ်ဝဲၢ်​တဖၣ်​ သးခု​ဒိၣ်မး​လီၤ. —မၤတၢ်. ၂:၇-၁၁.

ကွၢ်​တၢ်ဂီၤမူ​လၢ​အ​ခိၣ်တီ​မ့ၢ်ဝဲ ကဲထီၣ်​ယဟိဝၤ​ယွၤ အ​တံၤသကိး—စံၣ်တဲၤ​တဲ​လီၤ​တၢ်​လၢ ကျိာ်​အဂၤ ဒီး​စံးဆၢ​တၢ်​သံကွၢ်​တဖၣ်​အံၤ–

• န​ကသူ JW Language app အခါ​ဖဲလဲၣ်.

• တၢ်မနုၤ​တဖၣ်​ အိၣ်​လၢ JW Language app အ​ပူၤ​လဲၣ်.

• လၢ​န​ဟီၣ်ကဝီၤ​န့ၣ်​ ပှၤ​တဲ​ကျိာ်​မနုၤ​တဖၣ်​လဲၣ်.

• ပှၤလၢ​အ​တဲ​ကျိာ်​အဂၤ​တဂၤ မ့ၢ်​သးအိၣ်​ဒိကနၣ်​ ဘီမုၢ်​တၢ်သးခု​ကစီၣ်​န့ၣ်​ န​ကြၢး​မၤ​ဒ်လဲၣ်. —od 100-101 ¶39-41