အိၣ်မူဒ် ခရံာ်ဖိအသိး
စံးဘျုး ယဟိဝၤယွၤဒီး ယ့ၣ်ၡူး လၢခါဆူညါ တၢ်ထူၣ်ဖျဲးအဂီၢ်
တနံၤဘၣ်တနံၤန့ၣ် နဘၣ်ကနိဒီးတၢ်မနုၤလဲၣ်. နမ့ၢ်ဟံၣ်ခိၣ်လၢ အိၣ်ဒီးမူဒါ ဒီဒူၣ်ဒီထၢန့ၣ်ဧါ. နမ့ၢ်မိၢ် မ့တမ့ၢ် ပၢ်လၢဘၣ်လုၢ်ဒိၣ်ထီၣ်အဖိ ထဲတဂၤဧိၤန့ၣ်ဧါ. နမ့ၢ်ကၠိဖိလၢ အတံၤသကိးတဖၣ်နၢၤအီၣ်အီၤန့ၣ်ဧါ. နမ့ၢ်ပှၤလၢ အတၢ်အိၣ်ဆူၣ်အိၣ်ချ့တဂ့ၤဘၣ်ဧါ. နမ့ၢ်ပှၤသးပှၢ်လၢ အမၤတၢ်တကဲလၢၤဘၣ်န့ၣ်ဧါ. ပှၤတဂၤစုာ်စုာ်န့ၣ် အိၣ်ဒီးတၢ်ကီတၢ်ခဲလီၤ. ခရံာ်ဖိအါတက့ၢ်န့ၣ် လၢတကတီၢ်ဃီအတီၢ်ပူၤ ထံၣ်ဘၣ်တၢ်ကီတၢ်ခဲအါမးလီၤ. ဘၣ်ဆၣ် ပသ့ၣ်ညါလၢ တယံာ်လၢၤဘၣ် ပကပူၤဖျဲးထီၣ်လၢ တၢ်ကီတၢ်ခဲတဖၣ်အံၤလီၤ.—၂ ကရံၣ် ၄:၁၆-၁၈.
တချုးလၢ တၢ်ဆၢကတီၢ်အဝဲန့ၣ် ဟဲတုၤဒံးဘၣ် ဆၢကတီၢ်ခဲအံၤ ပအိၣ်ဒီးတၢ်ကီတၢ်ခဲဒ်လဲၣ်န့ၣ် ယဟိဝၤယွၤ နၢ်ပၢၢ်ပှၤလီၤ. အဝဲပာ်လုၢ်ပာ်ပှ့ၤ ပတၢ်သးတီ, ပတၢ်တူၢ်န့ၢ်ခီၣ်ကဲ ဒီးပသ့ၣ်ညါဘၣ်လၢ ခါဆူညါန့ၣ် အဝဲကဆိၣ်ဂ့ၤပှၤအဃိ ပဒိးန့ၢ်ဘၣ်တၢ်သူၣ်မံသးမုာ်လီၤ. (ယံး. ၂၉:၁၁, ၁၂) ယ့ၣ်ၡူးစ့ၢ်ကီး သးအိၣ်ပဝဲတဂၤစုာ်စုာ်လီၤ. ဖဲပမၤလၢပှဲၤ ခရံာ်ဖိမူဒါတဖၣ်အခါ အဝဲအၢၣ်လီၤပှၤလၢ ‘ကအိၣ်ဒီးပှၤ’ လီၤ. (မး. ၂၈:၂၀) ဖဲပဆိကမိၣ်ထီၣ်လၢ ခါဆူညါပကဒိးန့ၢ်ဘၣ် တၢ်ထူၣ်ဖျဲးလၢ ယွၤအဘီအမုၢ်တၢ်ပၢဖီလာ်အခါ မၤဂၢၢ်ကျၢၤအါထီၣ် ပတၢ်မုၢ်လၢ် ဒီးမၤစၢၤပှၤလၢ ပလဲၤခီဖျိ တၢ်ကီတၢ်ခဲတဖၣ် ကန့ၢ်အဂီၢ်လီၤ.—ရိ. ၈:၁၉-၂၁.
ကွၢ်တၢ်ဂီၤမူလၢ အခိၣ်တီမ့ၢ်ဝဲ ဒ်ကလံၤမုၢ်ဖးဒိၣ် ကဟဲဘူးထီၣ်အသိး, သးစၢၢ်ဆၢယ့ၣ်ၡူးတက့ၢ်—ခါဆူညါ ဘီမုၢ်အတၢ်ဆိၣ်ဂ့ၤတဖၣ် ဒီးစံးဆၢတၢ်သံကွၢ်တဖၣ်အံၤ–
-
ပှၤဟီၣ်ခိၣ်ဖိတဖၣ် ယံၤထီၣ်ဒီး ကစၢ်ယွၤလၢ ကျဲဒ်လဲၣ် ဒီးတၢ်ကဲထီၣ်အသးဒ်လဲၣ်.
-
ပှၤလၢအတီဒီး ယဟိဝၤယွၤန့ၣ် ခါဆူညါအတၢ်အိၣ်မူ ကမၤအသးဒ်လဲၣ်.
-
တၢ်အိၣ်မူလၢခါဆူညါ လၢအဂ့ၤဒိၣ်မးန့ၣ် ပဒိးန့ၢ်ဘၣ်အီၤ ကသ့ဒ်လဲၣ်.
-
ဟီၣ်ခိၣ်သီလၢ ကစၢ်ယွၤ အၢၣ်လီၤပာ်ဝဲအပူၤန့ၣ် နဆၢဒိးန့ၢ်ဘၣ် တၢ်ဆိၣ်ဂ့ၤမနုၤလဲၣ်.
ထံၣ်တမှံကွၢ်လၢ နအိၣ်ဘၣ်လၢ ဟီၣ်ခိၣ်သီအပူၤ
