ယဟိဝၤ​ယွၤ သ့ၣ်ညါ​ဝဲ တၢ်​အဂ့ၤ​ကတၢၢ်​လၢ​ပဂီၢ်​ထီဘိ​ဧါ. သ့ၣ်ညါ​ဝဲ​သပှၢ်တၢၢ်. မ့ၢ်​လၢ ပ​နာ်​ဒ်အံၤ အဃိ ပ​ပာ်ဖျါ​ထီၣ်​လၢ ပ​အိၣ်ဒီး​တၢ်​ကူၣ်သ့ ခီဖျိ​ပ​မၤထွဲ အ​တၢ်​ဟံးစု​နဲၣ်ကျဲ​လီၤ. (ကတိၤ. ၁၆:၃, ၉) ဘၣ်ဆၣ်, ပ​တၢ်​နာ်န့ၢ် ကစၢ်​ယွၤ အ​တၢ်​ဟံးစု​နဲၣ်ကျဲ​န့ၣ်​ ​ဘၣ်​တၢ်​မၤကွၢ်​အီၤ​သ့​ဖဲ ပ​တၢ်​ထံၣ်​တ​လီၤ​ပလိာ်​ဒီး အ​တၢ်​ဟံးစု​နဲၣ်ကျဲ​အခါ​လီၤ. ပ​မၤဂၢၢ်​ကျၢၤထီၣ်​ ပ​တၢ်​နာ်န့ၢ် ယဟိဝၤ​ယွၤ အ​တၢ်​ဟံးစု​နဲၣ်ကျဲ​သ့ ခီဖျိ ပ​ဆိကမိၣ်​ထံ အ​စု​တၢ်​ဘၣ်​တ့​တဖၣ်​လီၤ.—ကတိၤ. ၃၀:၂၄, ၂၅; ရိ. ၁:၂၀.

ကွၢ်​တၢ်ဂီၤမူ​လၢ​အမ့ၢ် တၢ်​ဘၣ်​တ့​ကစၢ်​အိၣ်ဧါ. ဒ်သိး​အကျဲ​သု​တ​ပတုာ်​တဂ့ၤ​အဂီၢ် တၢၢ်​တဖၣ်​ လဲၤ​တၢ်​က့ၤ​တၢ်​ဒ်လဲၣ် ​ ဒီး​စံးဆၢ​တၢ်​သံကွၢ်​လၢ လာ်​တဖၣ်​အံၤ–

• တနံၤ​ဘၣ်​တနံၤ တၢၢ်​အါတက့ၢ်​န့ၣ်​ မၤ​ဝဲ​တၢ်မနုၤ​လဲၣ်.

• ဒ်သိး​တၢၢ်​တဖၣ်​ အ​တၢ်​လဲၤ​တၢ်​က့ၤ သု​တ​ပတုာ်​တဂ့ၤ​အဂီၢ် မၤ​ဝဲ​ဒ်လဲၣ်.

• ပှၤ​ဟီၣ်ခိၣ်​ဖိ​တဖၣ်​ မၤလိ​န့ၢ်​တၢ်မနုၤ​သ့​လၢ တၢၢ်​တဖၣ်​ အ​တၢ်​လဲၤ​တၢ်​က့ၤ​လဲၣ်.

ကွၢ်​တၢ်ဂီၤမူ​လၢ​အမ့ၢ် တၢ်​ဘၣ်​တ့​ကစၢ်​အိၣ်ဧါ. ကလံၤ​မ့ၢ်​ဆူၣ်​ သနာ်က့ ကဒု​တဖၣ်​ ယူၤ​ဝဲ​ဂၢၢ်​ဂၢၢ်​သ့​ဒ်လဲၣ် . ဒီး​စံးဆၢ​တၢ်​သံကွၢ်​လၢ လာ်​တဖၣ်​အံၤ–

• ဖဲ​ပှၤ​နီ​ကဘီယူၤ​တဖၣ်​ နီ​ဝဲ​ကဘီယူၤ​ဆံး​ဆံး​ဖိ​အခါ တၢ်ကီ​တၢ်ခဲ​အိၣ်​ဒ်လဲၣ်.

• ကလံၤ​မ့ၢ်​ဆူၣ်​ ဒၣ်လဲာ် ကဒု​တဖၣ်​ ဆဲး​ယူၤ​ဝဲ​ဂၢၢ်​ဂၢၢ်​သ့​ဒ်လဲၣ်.

• မုၢ်​က​အိၣ်​ဝဲ​တနံၤ​န့ၣ်​ ပှၤ​ဟီၣ်ခိၣ်​ဖိ​တဖၣ်​ က​ဒိးန့ၢ်​ဘၣ်​တၢ်​အဘျုး​လၢ ကဒု​တဖၣ်​ အ​တၢ်​ကူၣ်သ့​ဒ်လဲၣ်.

လၢ​န​အိၣ်​တၢ်လီၢ်​န့ၣ်​ န​ထံၣ်ဘၣ်​ တၢ်​ဘၣ်​တ့​မနုၤ​တဖၣ်​လၢ အ​ပာ်ဖျါ​ထီၣ်​ ယဟိဝၤ​ယွၤ အ​တၢ်​ကူၣ်သ့​လဲၣ်.