ဘၣ်မနုၤအဃိ ပ​ဘၣ်​ကတဲာ်ကတီၤဆိပာ်စၢၤ​ပ​သး​လဲၣ်. မ့ၢ်လၢ​တဘျီတခီၣ်န့ၣ် ပ​ကဘၣ်​ကူစါယါဘျါ​ပ​သး ဒီး​ပ​ကဘၣ်​ထီၣ် တၢ်ဆါဟံၣ်​သတူၢ်ကလာ်​သ့​အဃိ ပ​ကဘၣ် အိၣ်ကတဲာ်ကတီၤ​ပာ်စၢၤ​ပ​သး. အဃိ ကတဲာ်ကတီၤဆိပာ်စၢၤ​န​သး လၢ​အဂ့ၤကတၢၢ် ဒ်သိး တၢ်မ့ၢ်​ကဲထီၣ်အသး​ဒီး​နၤ တမံၤမံၤန့ၣ် န​က​ဒိးန့ၢ်ဘၣ် တၢ်ကူစါယါဘျါ အကျိၤအကျဲ လၢ​အဂ့ၤကတၢၢ်​အဂီၢ်. န​မ့​မၤ​ဒ်န့ၣ်န့ၣ် မ့ၢ်ဝဲ​န​ပာ်လုၢ်ပာ်ပှ့ၤ သးသမူ ဒီး​န​ပာ်ကဲ ကစၢ်ယွၤ အတၢ်သိၣ်တၢ်သီ လၢ​ဘၣ်ဃးဒီး​တၢ်သွံၣ်.—မၤတၢ် ၁၅:၂၈, ၂၉.

န​ကဘၣ်​ကတဲာ်ကတီၤ​ပာ်စၢၤ​န​သး ဒ်လဲၣ်

• ဃ့ထုကဖၣ် ဒီး​မၤပှဲၤ​တၢ်ဂ့ၢ်တၢ်ကျိၤ​လၢ တၢ်သွံၣ်​ခးက့ (DPA) အပူၤ. a ပှၤစံၣ်တဲၤတဲလီၤတၢ်ဖိ​လၢ အဒိးဘျၢထံဝံၤ​န့ၣ် ဟံးန့ၢ် တၢ်သွံၣ်​ခးက့​လၢ အနီၢ်ကစၢ်​အဂီၢ် ဒီး​အဝဲသ့ၣ်​ဟံး​န့ၢ်ဝဲ ဖိသၣ်​သွံၣ်​ခး (ic) လၢအဖိလၢ​အနံၣ်​တပှဲၤဘၣ်​အဂီၢ်​သ့

• န​မ့ၢ်​ဒၢ​န့ၣ် ဃ့န့ၢ်​လံာ်​လၢ အခိၣ်တီ​မ့ၢ်ဝဲ တၢ်ဂ့ၢ်တၢ်ကျိၤ​လၢ ပှၤမိၢ်ဒၢ​အဂီၢ် (S-401). တၢ်မ့ၢ်​ကဲထီၣ်အသး​ဒီး​နၤ​တမံၤမံၤ လၢ​န​ကဘၣ်​ကူစါယါဘျါ​န​သး ဖဲ​န​ဒၢ​အခါ ဒီး​န​ဖိ​အိၣ်ဖျဲၣ်​အခါန့ၣ် တၢ်ဂ့ၢ်တၢ်ကျိၤ​လၢ လံာ်တဘ့ၣ်အံၤ​အပူၤ က​မၤစၢၤ​နၤ ဒ်သိး​န​ဆၢတဲာ်တၢ်​လၢအဘၣ်​ကသ့

• န​မ့ၢ်​ဘၣ်​ကူစါယါဘျါ​န​သး ဒီး​န​မ့ၢ်​ဘၣ်​ထီၣ် တၢ်ဆါဟံၣ်​န့ၣ်​တဲကျၢ န​တၢ်အိၣ်ဖှိၣ်သးပှၢ် ဒီး​တဲကျၢ​ဘၣ် တၢ်ဆါဟံၣ် အပှၤဘၣ်မူဘၣ်ဒါ​လၢ ယဟိဝၤပှၤအုၣ်အသး​တဂၤဂၤ က​ဟဲဟး​အိၣ်သကိး​နၤ

တၢ်အိၣ်ဖှိၣ်သးပှၢ်တဖၣ် က​မၤစၢၤ​နၤ​ဒ်လဲၣ်. အဝဲသ့ၣ်​မၤစၢၤ​နၤ​လၢ န​က​မၤပှဲၤ သွံၣ်​ခးက့​သ့. ဘၣ်ဆၣ် တၢ်အိၣ်ဖှိၣ်သးပှၢ်န့ၣ် တဆၢတဲာ်န့ၢ်တၢ်​လၢနဂီၢ်ဘၣ်. ဒီး​အဝဲသ့ၣ်​တတဲနၤ​လၢ မ့မ့ၢ်​အီၤန့ၣ် အက​မၤ ဒ်အံၤ​ဒ်န့ၣ်ဘၣ်. (ရိ ၁၄:၁၂; ကလၤ ၆:၅) ဖဲ​န​ကူစါယါဘျါ​န​သး​အခါ တၢ်ဂ့ၢ်ကီ​လၢ​တၢ်သွံၣ်​တကပၤ ကဲထီၣ်အသး​မ့ၢ်သ့န့ၣ် တဲဘၣ်​န​တၢ်အိၣ်ဖှိၣ်သးပှၢ်. အဝဲသ့ၣ် က​ဆဲးကျိး​န့ၢ်​နၤ ကမံးတံာ်​လၢ အဆဲးကျိး​ဒီး တၢ်ဆါဟံၣ် (HLC) လၢ​အဆိအချ့.

HLC က​မၤစၢၤ​နၤ​ဒ်လဲၣ်. ဒီပုၢ်ဝဲၢ်လၢ အမၤတၢ်​လၢ HLC တဖၣ်န့ၣ် ပှၤ​သိၣ်လိ​ပာ်စၢၤ အဝဲသ့ၣ်​လၢ က​တဲပၠးဝဲ ပှၤဘၣ်မူဘၣ်ဒါ​လၢ တၢ်ဆါဟံၣ် ဒီး​ပှၤလၢ​အမၤ​တၢ်လၢ ပဒိၣ်​အတၢ်သိၣ်တၢ်သီ​တကပၤ ဒ်သိး က​နၢ်ပၢၢ်ထီၣ် ပ​တၢ်စူၢ်တၢ်နာ် ဘၣ်ဃးဒီး​တၢ်သွံၣ်. အဝဲသ့ၣ် က​တဲသကီးတၢ်ဒီး န​ကသံၣ်သရၣ် ဘၣ်ဃးဒီး တၢ်ကူစါယါဘျါ အကျိၤအကျဲ​လၢ အတပၣ်ဃုာ်ဒီး​တၢ်သွံၣ်​ဘၣ်. ဒီး​မ့ၢ်လိၣ်န့ၣ် အဝဲသ့ၣ် က​မၤစၢၤ​နၤ​လၢ န​က​ဃုထံၣ်န့ၢ် ကသံၣ်သရၣ်​လၢ အကူစါယါဘျါ​တၢ်လၢ အတပၣ်ဃုာ်ဒီး တၢ်သွံၣ်​ဘၣ်.

ကွၢ်​တၢ်ဂီၤမူ​လၢအမ့ၢ် ဘၣ်ဃးဒီး​တၢ်သွံၣ်န့ၣ် န​ဆၢတဲာ်​တၢ်လၢ အဘၣ်​ကသ့အဂီၢ် န​ကဘၣ်​မၤ​ဒ်လဲၣ်, ဝံၤဒီး​စံးဆၢ​တၢ်သံကွၢ် လၢ​တၢ်ဖီလာ်တဖၣ်အံၤ.

• ဖဲ​နကွၢ်​တၢ်ဂီၤမူ​အခါ ဘၣ်ဃးဒီး တၢ်ကူစါယါဘျါ အကျိၤအကျဲ​လၢ အတပၣ်ဃုာ်ဒီး တၢ်သွံၣ်​ဘၣ်န့ၣ် န​မၤလိန့ၢ် တၢ်မနုၤလဲၣ်.

  နတၢ်စံးဆၢtextarea-1