ဖဲ​ပ​မၤတၢ် တမံၤဂ့ၤ​တမံၤဂ့ၤ​အခါ ပ​အဲၣ်ဒိး​မၤ​ဒ်သိးဒီး ကစၢ်ယွၤ​အတၢ်ဘၣ်သး​အသိး. (ကတိၤ ၂၇:၁၁) တဘျီတခီၣ် ဘၣ်ဃးဒီး ပ​တၢ်ဆၢတဲာ်န့ၣ် ကစၢ်ယွၤ အတၢ်သိၣ်တၢ်သီ တအိၣ်​လီၤတံၢ်လီၤဆဲး​ဘၣ် အဃိ ပ​ဆၢတဲာ်​တၢ်လၢ အဘၣ်​ကစၢ်ယွၤ​အသး ကသ့အဂီၢ် ပ​ကဘၣ်​သ့ၣ်ညါ ကစၢ်ယွၤ​အတၢ်ထံၣ်. ပ​ကသ့ၣ်​ညါ ကစၢ်ယွၤ အတၢ်ထံၣ်​အဂီၢ် ပ​ကဘၣ်​မၤ​ဒ်လဲၣ်.

မၤ​နီၢ်ကစၢ် တၢ်မၤလိ​လံာ်စီဆှံ​ထီဘိ. ဖဲ​ပ​ဖး​လံာ်စီဆှံ တဘျီဂ့ၤတဘျီဂ့ၤန့ၣ် လီၤဂာ်​ဒ်သိးဒီး ပ​ဟ့ၣ်​ယဟိဝၤယွၤ တၢ်ဆၢကတီၢ်​လၢ အက​တဲတၢ်ဒီး​ပှၤ. ပ​မ့ၢ်​ဖး​လံာ်စီဆှံ ဒီး​ဆိကမိၣ်ထံ​ဘၣ်ဃးဒီး ယဟိဝၤယွၤ​ရ့ဒီး အခ့အပှၤ​ဒ်လဲၣ် ဒီး​ဆိကမိၣ်ထံ ပှၤလၢ​အမၤတၢ်ဂ့ၤ ဒီး​တၢ်အၢတဖၣ် အဒိအတဲာ်န့ၣ် ပ​က​သ့ၣ်ညါဘၣ် ယဟိဝၤယွၤ အတၢ်ထံၣ်. ပ​မ့ၢ်​မၤ​ဒ်န့ၣ်န့ၣ် ဖဲ​ပ​ဘၣ်​ဆၢတဲာ်တၢ်​အခါ သးစီဆှံ က​မၤစၢၤ​ပှၤ ဒ်သိး​ပ​က​နီၣ်ဘၣ်က့ၤ​လံာ်စီဆှံ အတၢ်ဟံးစုနဲၣ်ကျဲ ဒီး​တၢ်မၤလိ​အရ့ဒိၣ်လၢ ပ​မၤလိတ့ၢ်အီၤ​လၢညါ.—ယိၤ ၁၄:၂၆.

ဃုသ့ၣ်ညါ​တၢ်. ဖဲ​န​ကဘၣ် ဆၢတဲာ်တၢ်​အခါ သံကွၢ်လီၤ​နသးလၢ ‘လံာ်စီဆှံအဆၢ ဒီး​တၢ်ဂ့ၢ်တၢ်ကျိၤ​လၢ လံာ်စီဆှံ​အပူၤ လၢ​က​မၤစၢၤ​ယၤ ဒ်သိး ယ​က​နၢ်ပၢၢ် ယဟိဝၤယွၤ အတၢ်ထံၣ်န့ၣ် အကဲ​ဖဲလဲၣ်​တခါ​လဲၣ်.’ ဃ့ထုကဖၣ်​လၢ ယဟိဝၤယွၤ က​မၤစၢၤ​နၤ. ဒ်သိး န​က​ဃုထံၣ်န့ၢ် လံာ်စီဆှံ အတၢ်ဟံးစုနဲၣ်ကျဲ​လၢ အဘၣ်လိာ်သးဒီး န​တၢ်အိၣ်သး​အဂီၢ် သူ​တၢ်ပီးတၢ်လီ​လၢ တၢ်​ဃုသ့ၣ်ညါ​တၢ်​အဂီၢ် လၢ​တၢ်ကရၢကရိ ထုးထီၣ်န့ၢ်​ပှၤ လၢ​န​ကျိာ်.—စံး ၂၅:၄.

ကွၢ်​တၢ်ဂီၤမူ​လၢအမ့ၢ် ပ​ကဘၣ်​ဃ့ၢ်​လၢ တၢ်သးစူၤ မ့တမ့ၢ် တၢ်​တူၢ်​န့ၣ်​ခီၣ်ကဲ​အပူၤ—အီၣ်တၢ်​အီၣ်​လၢ​အန့ၢ်ဂံၢ်န့ၢ်ဘါ, ဝံၤဒီး​စံးဆၢ​တၢ်သံကွၢ် လၢ​တၢ်ဖီလာ်တဖၣ်အံၤ–

• လၢ​တၢ်ဂီၤမူ​အပူၤ ဒီပုၢ်ဝဲၢ်မုၣ်​သးစၢ်​တဂၤအံၤ ထံၣ်ဘၣ်ဒီး တၢ်မၤကွၢ်​မနုၤလဲၣ်.

  နတၢ်စံးဆၢtextarea-1

• န​မ့ၢ်​ထံၣ်ဘၣ်ဒီး တၢ်အိၣ်သး​ဒ်သိးဒီး ဒီပုၢ်ဝဲၢ်မုၣ်​တဂၤအံၤန့ၣ် န​ကသူ တၢ်ပီးတၢ်လီ​လၢ တၢ်သိၣ်လိနဲၣ်လိတၢ်​အဂီၢ်​ဒ်လဲၣ်.

  နတၢ်စံးဆၢtextarea-2

• ပ​မ့ၢ်​မၤ နီၢ်ကစၢ် တၢ်မၤလိ​လံာ်စီဆှံ ဒီး​ဃုသ့ၣ်ညါ​တၢ်​န့ၣ် အကမၤစၢၤ​ပှၤလၢ ပ​က​ဆၢတဲာ်တၢ်​အဂီၢ်​ဒ်လဲၣ်.—ဧ့ၤ ၅:၁၃, ၁၄

  နတၢ်စံးဆၢtextarea-3