အိၣ်မူဒ် ခရံာ်ဖိအသိး
ယဟိဝၤယွၤ မၤစၢၤပှၤ ဒ်သိးပလဲၤခီဖျိ တၢ်ကီတၢ်ခဲကန့ၢ်
ပအိၣ်မူဘၣ်လၢ မုၢ်နံၤခံကတၢၢ်အဃိ ပကထံၣ်ဘၣ်ဒီး တၢ်ကီတၢ်ခဲအါမး. ဒီးတဘျီတခီၣ်န့ၣ် ပကတူၢ်ဘၣ်လၢ ပလဲၤခီဖျိ တၢ်ကီတၢ်ခဲတဖၣ်တန့ၢ်လၢၤဘၣ်. ဘၣ်ဆၣ် ပမ့ၢ်အိၣ်ဘူးဒီး ယဟိဝၤယွၤန့ၣ် ယဟိဝၤယွၤကမၤစၢၤပှၤဒ်သိး ပလဲၤခီဖျိ တၢ်ကီတၢ်ခဲတဖၣ်ကန့ၢ်အဂီၢ်. (ယၡါယၤ ၄၃:၂, ၄) အဃိ ဖဲပထံၣ်ဘၣ် တၢ်ကီတၢ်ခဲအခါ ဒ်သိးပကဘူးဒိၣ်ထီၣ်ဒီး ယဟိဝၤယွၤအဂီၢ် ပကဘၣ်မၤဒ်လဲၣ်.
ဃ့ထုကဖၣ်. ပမ့ၢ်ဃ့ထုကဖၣ်လၢ ယဟိဝၤယွၤအအိၣ်န့ၣ် အဝဲကမၤစၢၤပှၤ ဒ်သိး ပပာ်ပသး မုာ်မုာ်ခုၣ်ခုၣ်ကသ့ ဒီးပပာ်ဆူၣ်ပသးကန့ၢ်အဂီၢ်.—ဖံလံး ၄:၆, ၇; ၁ သ့း ၅:၁၇.
တၢ်အိၣ်ဖှိၣ်ရိဖှိၣ်. ပလိၣ်ဘၣ် နီၢ်သးတၢ်အီၣ်တၢ်အီ ဒီးတၢ်ရ့လိာ်သးဒီး ဒီပုၢ်ဝဲၢ်မုၣ်ခွါတဖၣ် အါန့ၢ်ဒံးလၢညါဒံး. ဒီးယဟိဝၤယွၤ ကတဲာ်ကတီၤန့ၢ်ပှၤ တၢ်သ့ၣ်တဖၣ်အံၤ လၢတၢ်အိၣ်ဖှိၣ်ပူၤ. (ဧ့ၤ ၁၀:၂၄, ၂၅) ပမ့ၢ်ကတဲာ်ကတီၤသးလၢ တၢ်အိၣ်ဖှိၣ်အဂီၢ်ဂ့ၤဂ့ၤ, ထီၣ်တၢ်အိၣ်ဖှိၣ် ဒီးပၣ်ဃုာ်လၢ တၢ်အိၣ်ဖှိၣ်ပူၤန့ၣ် ပကဒိးန့ၢ်ဘၣ်အဘျုး လၢလၢပှဲၤပှဲၤ.—လီၣ် ၂:၂၉.
တၢ်စံၣ်တဲၤတဲလီၤတၢ်. ပတၢ်မၤမ့ၢ်အါလၢ တၢ်စံၣ်တဲၤတဲလီၤတၢ်မၤအပူၤန့ၣ် ပကအိၣ်ဒီးတၢ်ထံၣ်လၢအဂ့ၤ. တကးဒံးဘၣ် ပတၢ်ရ့လိာ်သးဒီး ယဟိဝၤယွၤ ဒီးပဒီပုၢ်ဝဲၢ်မုၣ်ခွါတဖၣ်န့ၣ် ကဂ့ၤထီၣ်ဝဲ.—၁ ကရံၣ် ၃:၅-၁၀.
ကွၢ်တၢ်ဂီၤမူလၢအမ့ၢ် ယဟိဝၤယွၤ ကဟံးထီၣ်ကွံာ်နၤ, ဝံၤဒီးစံးဆၢတၢ်သံကွၢ်လၢ တၢ်ဖီလာ်တဖၣ်အံၤ–
-
ဖဲဒီပုၢ်ဝဲၢ်မုၣ် မလူး ထံၣ်ဘၣ်ဒီး တၢ်ကီတၢ်ခဲအခါ ဒ်သိးအကအိၣ်ဘူးဒီး ယဟိဝၤယွၤအဂီၢ် တၢ်မနုၤမၤစၢၤအီၤလဲၣ်.
-
ဒ်ဒီပုၢ်ဝဲၢ်မုၣ် မလူး အသိး ပမ့ၢ်ထံၣ်ဘၣ်ဒီး တၢ်ကီတၢ်ခဲန့ၣ် စံးထီၣ်ပတြၢၤ ၃၄:၁၈ ကမၤစၢၤပှၤဒ်လဲၣ်.
-
ဒီပုၢ်ဝဲၢ်မုၣ် မလူး အတၢ်လဲၤခီဖျိန့ၣ် ဒုးသ့ၣ်ညါပှၤလၢ ပမ့ၢ်ထံၣ်ဘၣ်ဒီး တၢ်ကီတၢ်ခဲန့ၣ် ယဟိဝၤယွၤ ကဟ့ၣ်ပှၤ တၢ်ဂံၢ်တၢ်ဘါလီၤဆီဒ်လဲၣ်.—၂ ကရံၣ် ၄:၇
