လံာ်စီဆှံန့ၣ်​ ဆီတလဲ​ပ​တၢ်အိၣ်မူ​သ့. (ဧ့ၤ ၄:၁၂) သနာ်က့ ဒ်သိး​ပ​ကန့ၢ်​ဘၣ်​အဘျုး​လၢ လံာ်စီဆှံ​တၢ်ဟံးစုနဲၣ်ကျဲ ဒီး​တၢ်ဟ့ၣ်ကူၣ်​အဂီၢ် အဆိကတၢၢ် ပ​က​ဘၣ်​နာ်​လၢ လံာ်စီဆှံန့ၣ်​ မ့ၢ် “ကစၢ်ယွၤ အကလုၢ်ကထါ.” (၁ သ့း ၂:၁၃) အဃိ ပ​မၤဒိၣ်ထီၣ်​ပ​တၢ်နာ်​လၢ လံာ်စီဆှံ​အဖီခိၣ်​ ကသ့​ဒ်လဲၣ်.

ဖး​တၢ်ဂ့ၢ် တနံၤ​တခါ တနံၤ​တခါ. ဖဲ​န​ဖး​လံာ်စီဆှံ​အခါ ပာ်သူၣ်ပာ်သး​လၢ ယဟိဝၤယွၤန့ၣ်​ ကဲ​ဝဲ​ပှၤလၢ အဒုးအိၣ်ထီၣ်​လံာ်စီဆှံ. အဒိ န​မ့ၢ်​ဖး​ကတိၤဒိ​န့ၣ်​ ပာ်သူၣ်ပာ်သး​လၢ ယဟိဝၤယွၤ အတၢ်ဟ့ၣ်ကူၣ်န့ၣ်​ ကဲဘျုး​တုၤလၢ မုၢ်မဆါတနံၤအံၤ.—ကတိၤ ၁၃:၂၀; ၁၄:၃၀.

ဃုသ့ၣ်ညါ လံာ်စီဆှံ​အဂ့ၢ်. ဖဲ​န​ဖး​လံာ်စီဆှံ​အခါ ဃုသ့ၣ်ညါ တၢ်အုၣ်အသး​လၢ အပာ်ဖျါထီၣ်ဝဲ ကစၢ်ယွၤ​သူဝဲ အသးစီဆှံ​လၢ က​ထိၣ်ဟူးထိၣ်ဂဲၤထီၣ်​ ပှၤတနီၤ ဒ်သိး​က​ကွဲး​လံာ်စီဆှံ​အဂီၢ်. န​ဃုသ့ၣ်ညါ တၢ်ဂ့ၢ်အံၤ​သ့​ဖဲ လံာ်နဲၣ်ကျဲ​လၢ ယဟိဝၤ​ပှၤအုၣ်အသးတဖၣ်​ က​ဃုသ့ၣ်ညါ​တၢ်​အဂီၢ် အပူၤ​သ့. ဖဲန့ၣ်​ဆီၣ်လီၤ “လံာ်စီဆှံ” ဝံၤဒီး​ဆီၣ်လီၤ “ကွဲး​အသး​လၢ ယွၤ​အသးစီဆှံ.” တကးဒံးဘၣ်​ န​ဃုသ့ၣ်ညါ​အါထီၣ်​ တၢ်ဂ့ၢ်အံၤ​ဖဲ တၢ်ဂ့ၢ်​ဘၣ်ထွဲလိာ်သး က​၃ လၢ ဟီၣ်ခိၣ်သီ တၢ်ကွဲးကျိာ်ထံ​လံာ်စီဆှံ အပူၤ​သ့. န​မ့ၢ်​မၤ​ဒ်န့ၣ်န့ၣ်​ န​က​ထံၣ်​ဘၣ်​လၢ လံာ်စီဆှံ အတၢ်ကစီၣ်​တဖၣ်န့ၣ်​ ပ​နာ်န့ၢ်အီၤသ့ ဒီး​န​တၢ်နာ်​လၢ လံာ်စီဆှံ​အဖီခိၣ်န့ၣ်​ က​ဟဲ​ဂၢၢ်ကျၢၤထီၣ်.

ကွၢ်​တၢ်ဂီၤမူ​လၢ အခိၣ်တီ​မ့ၢ်ဝဲ ဘၣ်မနုၤအဃိ ပ​နာ်​လၢ . . . ယွၤကလုၢ်ကထါန့ၣ်​ မ့ၢ်​ဝဲ​တီဝဲ, ဝံၤဒီး​စံးဆၢ တၢ်သံကွၢ်​လၢ တၢ်ဖီလာ်တဖၣ်အံၤ–

• တၢ်လုၢ်ဟံၣ်​လၢ ပှၤ​ဃုထံၣ်န့ၢ်အီၤ​လၢ ကၤနါ လၢ​ကီၢ်အဲၤကူပတူး​အပူၤ န့ၣ်အပာ်ဖျါထီၣ်​ဝဲ​လၢ ကစၢ်​ယွၤကလုၢ်ကထါန့ၣ်​ ပ​နာ်န့ၢ်အီၤသ့ ဒ်လဲၣ်.

  နတၢ်စံးဆၢtextarea-1

• တၢ်ဂ့ၢ်​လၢ​လံာ်စီဆှံ​ပူၤတဖၣ်​ ပ​နာ်န့ၢ်အီၤသ့န့ၣ်​ ပ​သ့ၣ်ညါ​ဘၣ်​ဒ်လဲၣ်.

  နတၢ်စံးဆၢtextarea-2

• ဘၣ်မနုၤအဃိ န​နာ်သ့​လၢ လံာ်စီဆှံ​တဘ့ၣ်အံၤန့ၣ်​ အကဲ​ဝဲ​ကစၢ်ယွၤ ကလုၢ်ကထါ​လဲၣ်.—ဖး ယၡါယၤ ၄၀:၈

  နတၢ်စံးဆၢtextarea-3