လါယနူၤအါရံၤ ၁၅-၂၁
ယိၤဘး ၃၆-၃၇
တၢ်သးဝံၣ် ၁၄၇ ဒီးတၢ်ဃ့ထုကဖၣ် | တၢ်ကတိၤအိးထီၣ် (၁ မံးနံး)
၁. ကစၢ်ယွၤအတၢ်အၢၣ်လီၤလၢ အဘၣ်ဃးဒီးတၢ်မူအထူအယိာ်န့ၣ် ပနာ်န့ၢ်အီၤသ့
(၁၀ မံးနံး)
ယဟိဝၤယွၤ အနီၢ်ကစၢ်ဒၣ်ဝဲ အိၣ်မူလီၤထူလီၤယိာ် (ဘး ၃၆:၂၆; တၢး၁၅ ၁၀/၁ ၂၉ ¶၁-၂)
ယဟိဝၤယွၤ အိၣ်ဒီးတၢ်ကူၣ်သ့ ဒီးတၢ်စိတၢ်ကမီၤလၢ ကဟ့ၣ်ပှၤတၢ်ခဲလၢာ် ဒ်သိးပကမူအဂီၢ် (ဘး ၃၆:၂၇, ၂၈; တၢး၂၀.၀၅ ၂၂ ¶၆)
ဒ်သိးပကန့ၢ်ဘၣ် တၢ်မူအထူအယိာ်အဂီၢ် ပကဘၣ်မၤဒ်လဲၣ်န့ၣ် ယဟိဝၤယွၤသိၣ်လိပှၤ (ဘး ၃၆:၄, ၂၂; ယိၤ ၁၇:၃)
ပမ့ၢ်နာ် ကစၢ်ယွၤအတၢ်အၢၣ်လီၤလၢ အဘၣ်ဃးဒီးတၢ်မူအထူအယိာ် သပှၢ်ကတၢၢ်န့ၣ် ကမၤစၢၤပှၤဒ်သိး ပလဲၤခီဖျိ တၢ်ကီတၢ်ခဲကန့ၢ်.—ဧ့ၤ ၆:၁၉; တၢး၂၂.၁၀ ၂၈ ¶၁၆.
၂. နီၢ်သးအတၢ်လုၢ်ဒိၣ်ပှ့ၤဒိၣ်တဖၣ်
(၁၀ မံးနံး)
-
ဘး ၃၇:၂၀—လၢလံာ်စီဆှံအစိၤန့ၣ် ပှၤဆှၢတၢ်ကစီၣ်လၢ တၢ်လီၢ်တတီၤဘၣ်တတီၤဒ်လဲၣ်. (it-1 ၄၉၂)
-
တၢ်ဖးလံာ်စီဆှံ လၢတနွံအံၤအဂီၢ်န့ၣ် နမၤလိန့ၢ်ဘၣ် တၢ်လုၢ်ဒိၣ်ပှ့ၤဒိၣ် မနုၤလဲၣ်.
၃. တၢ်ဖးလံာ်စီဆှံ
(၄ မံးနံး) ဘး ၃၆:၁-၂၁ (th တၢ်မၤလိ ၂)
၄. တၢ်စးထီၣ်တဲသကိးတၢ်ဒီးပှၤဂၤ
(၃ မံးနံး) တၢ်စံၣ်တဲၤတဲလီၤတၢ်လၢ ကမျၢၢ်မဲာ်ညါ. (lmd တၢ်မၤလိ ၃ တၢ်ဂ့ၢ် ၃)
၅. တၢ်က့ၤကဒါက့ၤ
(၄ မံးနံး) တဟံၣ်ဘၣ်တဟံၣ်. (lmd တၢ်မၤလိ ၂ တၢ်ဂ့ၢ် ၅)
၆. တဲပၠးပှၤဂၤ နတၢ်စူၢ်တၢ်နာ်အဂ့ၢ်
(၅ မံးနံး) တၢ်စံၣ်တဲၤတဲလီၤတၢ်. ijwfq ၅၇ ¶၅-၁၅—တၢ်ဂ့ၢ်မိၢ်ပှၢ်– ဖဲဟီလိခီၣ်(စ်) (Holocaust) အစိၤန့ၣ် တၢ်ကဲထီၣ်အသးဒီး ယဟိဝၤပှၤအုၣ်အသးတဖၣ်ဒ်လဲၣ် (th တၢ်မၤလိ ၁၈)
တၢ်သးဝံၣ် ၄၉
၇. ကတဲာ်ကတီၤဆိပာ်စၢၤနသး လၢတၢ်ကူစါယါဘျါအဂီၢ်
(၁၅ မံးနံး) တၢ်တဲသကိးတၢ်. တၢ်အိၣ်ဖှိၣ်သးပှၢ် ကဖီၣ်ဝဲ မူဒါအံၤ.
ဒ်သိးပကမၤထွဲ ယဟိဝၤယွၤ အတၢ်သိၣ်တၢ်သီ လၢအဘၣ်ဃးဒီးတၢ်သွံၣ်အဂီၢ် ယဟိဝၤယွၤအတၢ်ကရၢကရိ ကတဲာ်ကတီၤန့ၢ်ပှၤ တၢ်လၢပလိၣ်ဘၣ်တဖၣ်. (မၤတၢ် ၁၅:၂၈, ၂၉) နမၤထွဲဒ် တၢ်ဟံးစုနဲၣ်ကျဲအသိးဧါ.
တၢ်သွံၣ်ခးက့ (DPA) ဒီး ဖိသၣ်သွံၣ်ခး (ic)– လၢခးတဖၣ်အံၤအပူၤန့ၣ် ပှၤဆါတဖၣ် ပာ်ဖျါထီၣ်ဝဲ အတၢ်ဘၣ်သး လၢအဘၣ်ဃးဒီးတၢ်သွံၣ်. ပှၤလၢအဒိးဘျၢထံဝံၤတဖၣ် လဲၤဟံးန့ၢ်ဝဲ တၢ်သွံၣ်ခးက့လၢ ပှၤမၤစၢၤတၢ်လၢအကွၢ်ထွဲလံာ်လဲၢ်တဖၣ် အအိၣ်သ့ဝဲ. တကးဒံးဘၣ် အဝဲသ့ၣ် ဟံးန့ၢ်ဝဲ ဖိသၣ်သွံၣ်ခး လၢအဖိလၢအနံၣ်တပှဲၤဘၣ်အဂီၢ်သ့. ပကဘၣ်ဟးစိာ် ခးက့တဖၣ်အံၤထီဘိ. နမ့ၢ်တမၤပှဲၤဘၣ် ခးက့တဖၣ်အံၤဒံးဘၣ် မ့တမ့ၢ် နမ့ၢ်ဘၣ်ဆီတလဲအီၤလၢအသီန့ၣ် ထုးယံာ်တၢ်ဆၢကတီၢ်တဂ့ၤ မၤအီၤလၢအဆိအချ့.
တၢ်ဂ့ၢ်တၢ်ကျိၤလၢ ပှၤမိၢ်ဒၢအဂီၢ် (S-401) ဒီးတၢ်ဂ့ၢ်တၢ်ကျိၤလၢ ပှၤဆါလၢအကဘၣ်ဖွဲးသး မ့တမ့ၢ် လဲၤမၤခံမိၤအဂီၢ် (S-407)– တၢ်ဂ့ၢ်တၢ်ကျိၤလၢ လံာ်တဖၣ်အံၤအပူၤန့ၣ် ကမၤစၢၤပှၤ ဒ်သိးပကအိၣ်ကတဲာ်ကတီၤပသးလၢ ပတၢ်ကူစါယါဘျါအဂီၢ် တကးဒံးဘၣ် ကမၤစၢၤပှၤဖဲ ပထံၣ်ဘၣ်ဒီး တၢ်ဂ့ၢ်ကီလၢ အဘၣ်ဃးဒီးသွံၣ်အခါ. နမ့ၢ်ဒၢ မ့တမ့ၢ် နမ့ၢ်ဘၣ်ဖွဲးသး မ့တမ့ၢ် နမ့ၢ်ဘၣ် လဲၤမၤခံမိၤန့ၣ် လဲၤဃ့လံာ်တခါအံၤ လၢတၢ်အိၣ်ဖှိၣ်သးပှၢ်အအိၣ်.
ကမံးတံာ်လၢ အဆဲးကျိးဒီး တၢ်ဆါဟံၣ် (HLC)– ဒီပုၢ်ဝဲၢ်လၢ အမၤတၢ်လၢ ကမံးတံာ်လၢ အဆဲးကျိးဒီး တၢ်ဆါဟံၣ်န့ၣ် ပှၤသိၣ်လိပာ်စၢၤ အဝဲသ့ၣ်လၢ ကတဲပၠးဝဲ ကသံၣ်သရၣ် ဒီးပှၤစံၣ်တဲၤတဲလီၤတၢ်ဖိလၢ တၢ်ဂ့ၢ်တၢ်ကျိၤ ဘၣ်ဃးဒီးသွံၣ်. အဝဲသ့ၣ်တဲသကိးတၢ် ဒီးနကသံၣ်သရၣ် ဘၣ်ဃးဒီး တၢ်ကူစါယါဘျါအကျိၤအကျဲလၢ အတပၣ်ဒီးတၢ်သွံၣ်ဘၣ်သ့ဝဲစ့ၢ်ကီး. မ့ၢ်လိၣ်န့ၣ် အဝဲသ့ၣ် ကမၤစၢၤနၤလၢ နကဃုထံၣ်န့ၢ် ကသံၣ်သရၣ်လၢ အကူစါယါဘျါတၢ်လၢ အတပၣ်ဃုာ်ဒီး တၢ်သွံၣ်ဘၣ်. နကိးအဝဲသ့ၣ် သ့ဝဲကိးဆၢကိးကတီၢ်ဒဲး. အဃိ နမ့ၢ်ဘၣ်ထီၣ်တၢ်ဆါဟံၣ်, ဖွဲးသး မ့တမ့ၢ် နမ့ၢ်အိၣ်ဒီးခဲစၢၤတၢ်ဆါဒီးဘၣ်လဲၤမၤခံမိၤန့ၣ် တၢ်ဂ့ၢ်ကီလၢအဘၣ်ဃးဒီးသွံၣ် မ့ၢ်တအိၣ်ဒံးဘၣ်သနာ်က့ ဆဲးကျိးဒီးအဝဲသ့ၣ် လၢအဆိအချ့. နမ့မ့ၢ်ပှၤမိၢ်ဒၢန့ၣ် နၤစ့ၢ်ကီးနကဘၣ်မၤဒ်န့ၣ်. နမ့ၢ်လိၣ်ဘၣ် တၢ်မၤစၢၤန့ၣ် ဃ့ကမံးတံာ်လၢ အဆဲးကျိးဒီး တၢ်ဆါဟံၣ် အလီတဲစိနီၣ်ဂံၢ်လၢ တၢ်အိၣ်ဖှိၣ်သးပှၢ်အအိၣ်.
ကွၢ် တၢ်ဂီၤမူလၢအမ့ၢ် ကမံးတံာ်လၢ အဆဲးကျိးဒီး တၢ်ဆါဟံၣ်—မၤစၢၤတၢ်ဒ်လဲၣ်. ဝံၤဒီးသံကွၢ် ဒီပုၢ်ဝဲၢ်တဖၣ်လၢ–
နမ့ၢ်ဘၣ်ကူစါယါဘျါသး မ့တမ့ၢ် နမ့ၢ်ဘၣ်ဖွဲးသးန့ၣ် ကမံးတံာ်လၢ အဆဲးကျိးဒီး တၢ်ဆါဟံၣ် မၤစၢၤနၤသ့ဒ်လဲၣ်.
၈. တၢ်အိၣ်ဖှိၣ်တၢ်မၤလိ လံာ်စီဆှံ
(၃၀ မံးနံး) bt တၢ်မၤလိ ၄ ¶၉-၁၂, တၢ်လွံၢ်နၢၣ်လၢ ကဘျံးပၤ ၃၄
