ဖဲ​ယ့ၣ်ၡူး စံၣ်တဲၤ​တဲလီၤ​တၢ်​လၢ ကစၢၢ်​ခိၣ်​အခါ အဝဲ​စံး​ဝဲ​လၢ– “သု​တ​ဘၣ်ယိၣ်​လၢ သု​သးသမူ​အဂီၢ်​တဂ့ၤ.” (မး. ၆:၂၅) ပ​မ့ၢ်​ပှၤ​တလၢ​တ​ပှဲၤ ဒီး​ပ​အိၣ်မူ​ဘၣ်​လၢ ဟီၣ်ခိၣ်​လၢ မုၣ်ကီၤလံၢ်​ပၢ​အီၤ​အ​ပူၤ​အဃိ ပ​အိၣ်ဒီး တၢ်​သူၣ်ကိၢ်​သးဂီၤ​န့ၣ်​ တမ့ၢ်​တၢ်​လၢ အ​လီၤ​ကမၢ​ကမၣ်​ဘၣ်. ဘၣ်ဆၣ်​ ယ့ၣ်ၡူး​သိၣ်လိ အပျဲၢ်​အဘီၣ်​တဖၣ်​လၢ သု​တ​ဘၣ်ယိၣ်​တၢ်​တလၢကွံာ်​အခၢး​တဂ့ၤ​လီၤ. (စံး. ၁၃:၂) ဘၣ်​မနုၤ​အဃိ​လဲၣ်. မ့ၢ်​လၢ ပ​မ့ၢ်​ဘၣ်ယိၣ်​တၢ်​လၢ ပ​တၢ်လိၣ်ဘၣ်​လၢ တနံၤ​အဂီၢ်​တနံၤ​အဂီၢ်​ဒၣ်လဲာ်​န့ၣ်​ ကဲထီၣ်​တၢ်ကီ​တၢ်ခဲ​လၢ​ပဂီၢ်​သ့ ဒီး​တ​ညီဝဲ​လၢ ပ​က​ဃုဆိ​ယွၤ​အဘီ​အမုၢ်​လၢၤဘၣ်. (မး. ၆:၃၃) ယ့ၣ်ၡူး​အ​တၢ်ကတိၤ​လၢခံ​တဖၣ်​ က​မၤစၢၤ​ပှၤလၢ ပ​သု​တ​ဘၣ်ယိၣ်​တၢ်​လၢၤတဂ့ၤ​အဂီၢ်​လီၤ.

• မး. ၆:၂၆—ပ​မၤလိ​န့ၢ်​တၢ်​လၢ ထိၣ်ဖိ​လံၣ်ဖိ​အ​အိၣ်​က​သ့​ဒ်လဲၣ်. (တၢး​၁၆.၀၇ ကဘျံးပၤ ၁၁-၁၂ အဆၢ ၁၁-၁၃)

• မး. ၆:၂၇—ပ​မ့ၢ်​ဘၣ်ယိၣ်​တၢ်​အါတလၢ​န့ၣ်​ ဘၣ်​မနုၤ​အဃိ က​မၤ​လၢာ်ဂီၤ ပ​တၢ်​ဆၢကတီၢ်​ဒီး​ပ​ဂံၢ်​ပ​ဘါ​လဲၣ်. (w05 11/1 22 ¶5)

• မး. ၆:၂၈-၃၀—ပ​မၤလိ​န့ၢ်​တၢ်မနုၤ​လၢ ဖီဒ့ၣ်ညါ​လၢ အ​အိၣ်​လၢ​တၢ်ပျီ​ပူၤ​အ​အိၣ်​လဲၣ်. (တၢး​၁၆.၀၇ ကဘျံးပၤ ၁၂-၁၃ အဆၢ ၁၅-၁၆)

• မး. ၆:၃၁, ၃၂—ခရံာ်ဖိ​တဖၣ်​န့ၣ်​ လီၤဆီ​လိာ်အသး​ဒီး​ပှၤဂၤ​ဒ်လဲၣ်. (တၢး​၁၆.၀၇ ကဘျံးပၤ ၁၃ အဆၢ ၁၇)

ယ​တ​အဲၣ်ဒိး ဘၣ်ယိၣ်​လၢၤ​တၢ် ဘၣ်ဃး​ဒီး​မနုၤ​လဲၣ်