ယဟိဝၤ​ယွၤ မၤစၢၤဝဲ လၢပျၢၤ​ပှၤ​အံၣ်စရ့လး​ဖိ​လၢ အ​ဖှီၣ်​အယာ်​တဖၣ်​လီၤ. မုၢ်မဆါ​တနံၤ​အံၤ​စ့ၢ်ကီး ကျဲ​တနီၤ​လၢ အ​ဝဲ​မၤစၢၤဝဲ အခ့​အပှၤ​လၢ အ​ဖှီၣ်​အယာ်​တဖၣ်​န့ၣ်​ မ့ၢ်​မနုၤ​လဲၣ်.

• ကစၢ်​ယွၤ​သိၣ်လိ​ပှၤလၢ ပ​ကအိၣ်​ဒီး တၢ်​ထံၣ်​အကြၢး​အ​ဘၣ်​လၢ ဘၣ်ဃး​ဒီး​ကျိၣ်စ့.—လူၤ. ၁၂:၁၅; ၁ တံၤ. ၆:၆-၈

• ကစၢ်​ယွၤ မၤစၢၤ​အဝဲသ့ၣ်​ ဒ်သိး​ကအိၣ်​ဒီး တၢ်​ပာ်ကဲ​​လီၤ​က့ၤ​အသး​အဂီၢ်.—ဘး. ၃၄:၁၉

• ကစၢ်​ယွၤ သိၣ်လိ​အဝဲသ့ၣ်​လၢ က​မၤတၢ်​ဆူၣ်ဆူၣ်​ ဒီး​က​ဟးဆှဲး လုၢ်လၢ်​လၢ​က​မၤ​ဘၣ်ဒိ အဝဲသ့ၣ်​တဖၣ်.—ကတိၤ. ၁၄:၂၃; ၂၀:၁; ၂ ကရံၣ်. ၇:၁

• ကစၢ်​ယွၤ မိၤ​ဃီၤ​အဝဲသ့ၣ်​ဆူ ခရံာ်ဖိ​ဒီပုၢ်ဝဲၢ် တၢ်​ကရၢကရိ​လၢ အိၣ်ဒီး​တၢ်အဲၣ်​တၢ်ကွံ​အ​ပူၤ.—ယိၤ. ၁၃:၃၅; ၁ ယိၤ. ၃:၁၇, ၁၈

• ကစၢ်​ယွၤ ဟ့ၣ်​အဝဲသ့ၣ်​ တၢ်​မုၢ်လၢ်.—စံး. ၉:၁၈; ၡါ. ၆၅:၂၁-၂၃

ပ​တၢ်အိၣ်သး​မ့ၢ်​ဖျါ​လၢ အကီ​အခဲ​သနာ်က့ တလိၣ်​လၢ​ပ​ဘၣ်ယိၣ်​တၢ် အါ​တလၢ​ဘၣ်. (ၡါ. ၃၀:၁၅) ပ​မ့ၢ်​ဆဲး​ဃုဆိ ယွၤ​အဘီ​အမုၢ်​န့ၣ်​ ယဟိဝၤ​ယွၤ က​ကွၢ်ထွဲ ပ​နီၢ်ခိ​အ​တၢ်လိၣ်​​ဘၣ်​တဖၣ်​လီၤ.—မး. ၆:၃၁-၃၃.

ကွၢ်​တၢ်ဂီၤမူ​လၢ​အမ့ၢ် တၢ်အဲၣ်​တၢ်ကွံ​န့ၣ်​ တ​လီၤတူာ်​လီၤကာ်​ဘၣ်. . . တၢ်ဖှီၣ်​တၢ်ယာ်— ခီကိၣ်​ ဒီး​စံးဆၢ​တၢ်​သံကွၢ်​တဖၣ်​အံၤ–

• ဒီပုၢ်ဝဲၢ်​လၢ​အိၣ်​ဘူး​ဒီး ပှၤ​မၤ​တၢ်​အိၣ်ဖှိၣ်​ဖးဒိၣ်​အလီၢ်​တဖၣ်​ တူၢ်လိာ်​ဝဲ ဒီပုၢ်ဝဲၢ်​လၢ​အ​ဟဲထီၣ်​ တၢ်​အိၣ်ဖှိၣ်​ဖးဒိၣ်​တဖၣ်​ဒ်လဲၣ်.

• တၢ်ဂီၤမူ​တခါ​အံၤ သိၣ်လိ​ပှၤ​ဘၣ်ဃး​ဒီး ယဟိဝၤ​ယွၤ အဲၣ်​ဝဲ​ပှၤဖှီၣ်​ဖိ​ယာ်ဖိ​တဖၣ်​ဒ်လဲၣ်.

• ပ​တၢ်မ့ၢ်​တအိၣ်​အါအါ သနာ်က့ ပ​ကွၢ်လိ​မၤဒိး ယဟိဝၤ​ယွၤ က​သ့​ဒ်လဲၣ်.