လံာ်စီဆှံ​ပူၤ ပ​ထံၣ်ဘၣ်​ တၢ်အဒိ​တဖၣ်လၢ ကစၢ်ယွၤ စံးဆၢ​ဝဲ ပှၤ​တၢ်ထုကဖၣ်​န့ၣ်​ အိၣ်​အါမး. ပှၤလၢ​အ​ဘူၣ်ထီၣ်ဘါထီၣ်​ ယဟိဝၤ​ယွၤ​တဖၣ်န့ၣ်​ ဖဲ​အ​ဃ့​ဘါ​ထုကဖၣ်​တၢ်​အခါ တဲဘၣ်ဝဲ ကစၢ်ယွၤ​လၢ အ​တၢ်​ဘၣ်ယိၣ်​ဘၣ်ဘှီ​တဖၣ်​ ​လီၤတံၢ်​လီၤဆဲး ဒီး​ထံၣ်​ဘၣ်ဝဲလၢ ကစၢ်ယွၤ​မၤစၢၤ​အဝဲသ့ၣ်​အဃိ အ​တၢ်နာ်​က​ဆူၣ်ထီၣ်ဝဲ သပှၢ်တၢၢ်​လီၤ. အဃိ ပ​သ့ၣ်ညါ​ဘၣ်​လၢ ဖဲ​ပ​ဃ့​ဘါ​ထုကဖၣ်​အခါ ပ​ကြၢး​တဲဖျါ​ထီၣ်​ တၢ်ဂ့ၢ်​လီၤတံၢ်​လီၤဆဲး ဒီး​ဂုာ်ကျဲးစၢး ဆိကမိၣ်ထံ ယဟိဝၤ​ယွၤ စံးဆၢ​ပ​တၢ်ထုကဖၣ်​ဒ်လဲၣ်. ပကဘၣ်​ သ့ၣ်နီၣ်ထီၣ်​လၢ ကစၢ်ယွၤ စံးဆၢ​ပ​တၢ်ထုကဖၣ်​န့ၣ်​ ဘၣ်သ့ၣ်သ့ၣ်​ တမ့ၢ်​ဒ်​ပ​မုၢ်လၢ်​အီၤ​အသိးဘၣ်​ မ့တမ့ၢ် က​ဟ့ၣ်ပှၤ​အါန့ၢ်ဒံး​တၢ်လၢ​ပ​ဃ့​အီၤ​ဒံး. (၂ ကရံၣ်. ၁၂:​၇-၉; အ့း. ၃:၂၀) ကစၢ်ယွၤ စံးဆၢ​ပ​တၢ်ထုကဖၣ်​ဒ်လဲၣ်.

• ဒ်သိး​ပ​လဲၤ​ခီဖျိ တၢ်ကီ​တၢ်ခဲ​ကန့ၢ်​အဂီၢ် ကစၢ်ယွၤ ဟ့ၣ်ပှၤ နီၢ်ခိ​ဂံၢ်ဘါ, သး​အ​ဂံၢ်ဘါ​ဒီး မၤဂၢၢ်​ကျၢၤထီၣ်​ပ​တၢ်နာ်.​—⁠ဖံလံး. ၄:⁠၁၃.

• ကစၢ်ယွၤ ဟ့ၣ်ပှၤ​တၢ်ကူၣ်သ့ ဒ်သိး​ပ​မၤ​တၢ်ဆၢတဲာ်​လၢအဘၣ်​ ကန့ၢ်​အဂီၢ်.​—⁠ယၤ. ၁:၅

• ကစၢ်ယွၤ ဟ့ၣ်ပှၤ တၢ်သူၣ်အိၣ်​သးအိၣ်​ဒီး တၢ်ဂံၢ်​တၢ်ဘါ လၢ​ပ​က​မၤတၢ်​အဂီၢ်.​—⁠ဖံလံး. ၂:⁠၁၃

• ဖဲ​ပ​သူၣ်ကိၢ်​သးဂီၤ​အခါ ကစၢ်ယွၤ​မၤမုာ်ထီၣ်​ပှၤ.​—⁠ဖံလံး. ၄:​၆, ၇

• ကစၢ်ယွၤ မၤစၢၤ​ပ​နီၢ်ခိ​တၢ်လိၣ်​ဘၣ်​ ဒီး​မၤမုာ်ထီၣ်​ပှၤ ခီဖျိ​လၢ​ပှၤဂၤ​တဖၣ်.​—⁠၁ ယိၤ. ၃:​၁၇, ၁၈

• ကစၢ်ယွၤ မၤစၢၤ​ဝဲ​ပှၤလၢ ပ​ဃ့​ဘါ​ထုကဖၣ်​န့ၢ်​တၢ်လၢ​အဂီၢ်​တဖၣ်.​—⁠မၤတၢ် ၁၂:​၅, ၁၁

ကွၢ်​တၢ်ဂီၤမူ​လၢအမ့ၢ် ယဟိဝၤ​ယွၤမ့ၢ် “ပှၤလၢ​အ​နၢ်ဟူ​တၢ်ဘါ​ထုကဖၣ်” ဒီး စံးဆၢ​တၢ်သံကွၢ်​တဖၣ်အံၤ–

• ပ​တၢ်​အိၣ်ဆူၣ်​အိၣ်ချ့ မ့ၢ်​တဂ့ၤ​ဒီး ပ​မၤတၢ်​ဒ် ပ​အဲၣ်ဒိး​မၤ​အသိး မ့ၢ်တန့ၢ်​ဘၣ်န့ၣ်​ ဒီပုၢ်ဝဲၢ်​ခွါ ၡံၤမံစူ အ​တၢ်လဲၤ​ခီဖျိ မၤစၢၤ​ပှၤ​သ့ဒ်လဲၣ်.

• ပ​ကွၢ်လိ​မၤဒိး ဒီပုၢ်ဝဲၢ် ၡံၤမံစူ အဒိ​အတဲာ်​ကသ့​ဒ်လဲၣ်.