လါယူၤလံ ၂၉–လါအီကူး ၄
စံးထီၣ်ပတြၢၤ ၆၉
တၢ်သးဝံၣ် ၁၃ ဒီးတၢ်ဃ့ထုကဖၣ် | တၢ်ကတိၤအိးထီၣ် (၁ မံးနံး)
၁. စံးထီၣ်ပတြၢၤ ၆၉ တဲဆိပာ်စၢၤဝဲ ယ့ၣ်ၡူးအဂ့ၢ်ဒ်လဲၣ်
(၁၀ မံးနံး)
ယ့ၣ်ၡူးအတၢ်ကမၣ် တအိၣ်နီတမံၤဘၣ်သနာ်က့ ပှၤသးဟ့အီၤ (စံး ၆၉:၄; ယိၤ ၁၅:၂၄, ၂၅; တၢး၁၁ ၈/၁၅ ၁၁ ¶၁၇)
ယ့ၣ်ၡူးအသးဆူၣ်လၢ ယဟိဝၤယွၤအဟံၣ်အဂီၢ် (စံး ၆၉:၉; ယိၤ ၂:၁၃-၁၇; တၢး၁၀ ၁၂/၁၅ ၈ ¶၇-၈)
ယ့ၣ်ၡူး အသးဘၣ်ဒိဒိၣ်မး ဒီးပှၤကဒုးအီအီၤ စပံးထံလၢ အဃါဃုာ်သးဒီး တၢ်ခၣ်ထံ (စံး ၆၉:၂၀, ၂၁; မး ၂၇:၃၄; လူၤ ၂၂:၄၄; ယိၤ ၁၉:၃၄; g၉၅ ၁၀/၂၂ ၃၁ ¶၄; it-2 ၆၅၀)
လၢပကဆိကမိၣ်ထံအီၤအဂီၢ်– ဘၣ်မနုၤအဃိ ယဟိဝၤယွၤ ပာ်ဖျါထီၣ်ဝဲ ဝံအတၢ်စံးပာ်လၢ အဘၣ်ဃးဒီး မ့းၡံအၤ လၢလံာ်စီဆှံလၢ ဧ့ၤဘြံၤကျိာ်တကတြူၢ် အပူၤလဲၣ်.
၂. နီၢ်သးအတၢ်လုၢ်ဒိၣ်ပှ့ၤဒိၣ်တဖၣ်
(၁၀ မံးနံး)
-
စံး ၆၉:၃၀, ၃၁—လံာ်စီဆှံအဆၢတဖၣ်အံၤ မၤစၢၤပှၤ ဒ်သိးပကမၤဂ့ၤထီၣ် ပတၢ်ဃ့ထုကဖၣ်ဒ်လဲၣ်. (တၢး၉၉ ၁/၁၅ ၁၈ ¶၁၁)
-
တၢ်ဖးလံာ်စီဆှံလၢ တနွံအံၤအဂီၢ်န့ၣ် နမၤလိန့ၢ်ဘၣ် တၢ်လုၢ်ဒိၣ်ပှ့ၤဒိၣ်မနုၤလဲၣ်.
၃. တၢ်ဖးလံာ်စီဆှံ
(၄ မံးနံး) စံး ၆၉:၁-၂၅ (th တၢ်မၤလိ ၂)
၄. အိၣ်ဒီးတၢ်ဝံသးစူၤ—ယ့ၣ်ၡူးမၤဝဲဒ်လဲၣ်
(၇ မံးနံး) တၢ်တဲသကိးတၢ်. ကွၢ်တၢ်ဂီၤမူ ဝံၤဒီး တဲသကိး lmd တၢ်မၤလိ ၈ တၢ်ဂ့ၢ် ၁-၂.
၅. အိၣ်ဒီးတၢ်ဝံသးစူၤ—ကွၢ်လိမၤဒိးယ့ၣ်ၡူး
(၈ မံးနံး) တဲသကိးတၢ်ဂ့ၢ်လၢ အဒိးသန့ၤထီၣ်အသးလၢ lmd တၢ်မၤလိ ၈ တၢ်ဂ့ၢ် ၃-၅ ဒီး “ကွၢ်စ့ၢ်ကီး.”
တၢ်သးဝံၣ် ၁၃၄
၆. တၢ်အိၣ်ဖှိၣ် အတၢ်လိၣ်ဘၣ်
(၅ မံးနံး)
၇. တၢ်ဟံးစုနဲၣ်ကျဲလၢ ဟါခီဟံၣ်ဖိဃီဖိ တၢ်မၤလိလံာ်စီဆှံအဂီၢ်
(၁၀ မံးနံး) တၢ်တဲသကိးတၢ်.
ဖဲ ၂၀၀၉ လါယနူၤအါရံၤန့ၣ် တၢ်အိၣ်ဖှိၣ် တၢ်မၤလိလံာ်စီဆှံ အတၢ်ရဲၣ်တၢ်ကျဲၤန့ၣ် ပှၤဖၢနုာ်အီၤလၢ နွံဖးဖီ တၢ်အိၣ်ဖှိၣ် အတၢ်ရဲၣ်တၢ်ကျဲၤအကျါ. အဃိ ပှၤမၤက့ၤအီၤ တပူၤဃီ ဒီးတၢ်စံၣ်တဲၤတဲလီၤတၢ်ကၠိ ဒီးတၢ်သိၣ်လိလၢ တၢ်စံၣ်တဲၤတဲလီၤတၢ်အဂီၢ်. မ့ၢ်လၢပှၤမၤဝဲ ဒ်အံၤအဃိ ဟံၣ်ဖိဃီဖိတဖၣ် ဒိးန့ၢ်ဘၣ်အါထီၣ် တၢ်ဆၢကတီၢ်လၢ ကမၤဝဲ ဟံၣ်ဖိဃီဖိ တၢ်မၤလိလံာ်စီဆှံအဂီၢ်. တၢ်ရဲၣ်တၢ်ကျဲၤအံၤ မၤစၢၤအဝဲသ့ၣ် ဒ်သိး ကဘူးဒိၣ်ထီၣ်ဒီး ယဟိဝၤယွၤ ဒီးအဝဲသ့ၣ် တဂၤဒီးတဂၤ အတၢ်ရ့လိာ်သး ကဂ့ၤဒိၣ်ထီၣ်အဃိ အဝဲသ့ၣ်အါဂၤန့ၣ် ပာ်ဖျါထီၣ်ဝဲ တၢ်စံးဘျုးစံးဖှိၣ်.—၅ မိၤ ၆:၆, ၇.
ဟံၣ်ခိၣ်တဖၣ်န့ၣ် ဒ်သိး အဟံၣ်ဖိဃီဖိတဖၣ် ကဒိးန့ၢ်ဘၣ်အဘျုးလၢ ဟံၣ်ဖိဃီဖိ တၢ်မၤလိလံာ်စီဆှံ ဒီးအဆဲးမၤဝဲထီဘိ ကသ့အဂီၢ် အကဘၣ်မၤဒ်လဲၣ်.
-
ဂုာ်ကျဲးစၢး မၤအီၤထီဘိ. မ့ၢ်သ့န့ၣ် ဂုာ်ကျဲးစၢး ပာ်ပနီၣ်ဃာ် တၢ်ဆၢကတီၢ်လၢ ဟံၣ်ဖိဃီဖိ တၢ်မၤလိလံာ်စီဆှံ တနွံဘၣ်တနွံအဂီၢ်. တဘျီတခီၣ် လၢတၢ်အိၣ်သးအဖီခိၣ် နမၤဟံၣ်ဖိဃီဖိ တၢ်မၤလိလံာ်စီဆှံ ဖဲမုၢ်နံၤလၢ နပာ်ပနီၣ်အီၤ မ့ၢ်တသ့ဘၣ်န့ၣ် အိၣ်ကတဲာ်ကတီၤဆိပာ်နသးလၢ နကမၤအီၤ လၢအဂၤတနံၤ.
-
ကတဲာ်ကတီၤဆိပာ်စၢၤသး. တဲသကိးတၢ်ဒီးနမါ ဒီးတဘျီတခီၣ် ဃ့နဖိတဖၣ် တၢ်ဟ့ၣ်ကူၣ်. တလိၣ်ကတဲာ်ကတီၤပာ်စၢၤအီၤ အါအါဂီၢ်ဂီၢ်ဘၣ်. လီၤဆီဒၣ်တၢ် ကျိၤကျဲလၢ ဟံၣ်ဖိဃီဖိတဖၣ် ပၣ်ဃုာ်သကိးဝဲမုာ်န့ၣ် နဆဲးမၤအီၤသ့ ကိးနွံဒဲး
-
ဆီတလဲ တၢ်ရဲၣ်တၢ်ကျဲၤ ဒ်ဟံၣ်ဖိဃီဖိ တၢ်လိၣ်ဘၣ်အိၣ်ဝဲအသိး. ဒ်နဖိတဖၣ် ဒိၣ်ထီၣ်ဝဲအသိး အဝဲသ့ၣ် အတၢ်လိၣ်ဘၣ်, အတၢ်သ့ၣ်ညါနၢ်ပၢၢ် ဒီးအတၢ်သ့တၢ်ဘၣ်န့ၣ် ဆီတလဲဝဲ. အဃိ နကြၢးဃုထၢ တၢ်ဂ့ၢ်လၢ ကမၤစၢၤ နဟံၣ်ဖိဃီဖိတဖၣ် ဒ်သိးအဝဲသ့ၣ် အတၢ်ရ့လိာ်သးဒီး ကစၢ်ယွၤ ကဘူးဒိၣ်ထီၣ်အဂီၢ်.
-
မၤအီၤလၢ တၢ်အဲၣ်တၢ်ကွံ ဒီးတၢ်သးခုအပူၤ. လၢတၢ်အိၣ်သးအဖီခိၣ် မူခိၣ်ကလံၤသီၣ်ဂီၤမ့ၢ်ဂ့ၤန့ၣ် တဘျီတခီၣ် နမၤအီၤလၢ တၢ်ချၢသ့. ဖဲနမၤ ဟံၣ်ဖိဃီဖိ တၢ်မၤလိလံာ်စီဆှံအခါ ပှၤမ့ၢ်အဲၣ်ဒိးအိၣ်ဘှံးလၢ တၢ်ဘၢၣ်စၢၤတစိၢ်ဖိနာ်က့ အိၣ်ဘှံးသ့, တလိၣ်ဘၣ်ယိၣ်တၢ်ဘၣ်. နမ့ၢ်တဲသကိး တၢ်ဂ့ၢ်လၢ ဘၣ်ဃးဒီး တၢ်ကီတၢ်ခဲလၢ နဖိတဖၣ် ထံၣ်ဘၣ်ဝဲန့ၣ် ပလီၢ်သးဒ်သိး နတပာ်ဒ့ၣ်ပာ်ကမၣ် ဒီးအ့န့အီၤလၢ ဟံၣ်ဖိဃီဖိ တၢ်မၤလိလံာ်စီဆှံပူၤတဂ့ၤအဂီၢ်.
-
မၤအီၤအကလုာ်ကလုာ်. အဒိ နကတဲာ်ကတီၤဆိပာ်စၢၤလၢ တၢ်အိၣ်ဖှိၣ်အဂီၢ် တခါခါ, ကွၢ်တၢ်ဂီၤမူ တခါခါလၢ jw.org အပူၤ ဒီးတဲသကိးအီၤ မ့တမ့ၢ် ကၠီးလိသးလၢ တၢ်စံၣ်တဲၤတဲလီၤတၢ်အဂီၢ်သ့. ဖဲဟံၣ်ဖိဃီဖိ တၢ်မၤလိလံာ်စီဆှံ အဆၢကတီၢ် ဟံၣ်ဖိဃီဖိတဖၣ် ကြၢးတဲသကိးတၢ် ဘၣ်ဆၣ် ဖဲန့ၣ်အဆၢကတီၢ် အဝဲသ့ၣ် မၤနီၢ်ကစၢ် တၢ်မၤလိလံာ်စီဆှံ ဒီးဃုသ့ၣ်ညါတၢ် သ့ဝဲစ့ၢ်ကီး
တဲသကိး တၢ်သံကွၢ်အံၤ–
-
လၢဟံၣ်ဖိဃီဖိ တၢ်မၤလိလံာ်စီဆှံအဂီၢ် နမၤထွဲ တၢ်ဟံးစုနဲၣ်ကျဲတဖၣ်အံၤ ဒ်လဲၣ်.
၈. တၢ်အိၣ်ဖှိၣ်တၢ်မၤလိ လံာ်စီဆှံ
(၃၀ မံးနံး) bt တၢ်မၤလိ ၁၃ ¶၈-၁၆, တၢ်လွံၢ်နၢၣ်လၢ ကဘျံးပၤ ၁၀၅
