တၢ်အဒိလၢ တၢ်နီၤလီၤလံာ်လဲၢ်အဂီၢ်
တၢးထီခိးတၢ်
တၢ်သံကွၢ်– လံာ်စီဆှံမ့မ့ၢ်လံာ်လၢ အဟဲလၢယွၤအအိၣ်သၢပျၢၤန့ၣ် ပှၤမ့ၢ်ဂုာ်ကျဲးစၢးမၤဟးဂီၤအီၤသနာ်က့ မၤဟးဂီၤဝဲတန့ၢ်ဘၣ် မ့ၢ်ဧါ.
လံာ်စီဆှံအဆၢ– ၡါ. ၄၀:၈
တၢ်ဟ့ၣ်ကူၣ်– ပှၤဂုာ်ကျဲးစၢးမၤဟးဂီၤ လံာ်စီဆှံသနာ်က့ အိၣ်ဝဲတုၤလၢပစိၤခဲအံၤအဂ့ၢ်န့ၣ် လံာ်တဘ့ၣ်အံၤပာ်ဖျါထီၣ်န့ၢ်ပှၤလီၤ.
တၢးထီခိးတၢ် (လံာ်အလီၢ်ခံကတၢၢ်တကဘျံး)
တၢ်သံကွၢ်– ဘၣ်ဃးဒီးတၢ်သံကွၢ်တခါအံၤ နဆိမိၣ်ဒ်လဲၣ်. [ဖးပၠးတၢ်သံကွၢ်အဆိကတၢၢ်လၢ လံာ်ကဘျံးပၤ ၃၂ တက့ၢ်] ပှၤတနီၤနီၤနာ်ဝဲလၢ တၢ်ဘူၣ်တၢ်ဘါန့ၣ် တဟဲလၢကစၢ်ယွၤအအိၣ်ဘၣ်. ပှၤအဂၤတနီၤ ဆိကမိၣ်ဝဲလၢ ကစၢ်ယွၤသူဝဲတၢ်ဘူၣ်တၢ်ဘါလၢ ကသုးဘူးအသးဆူပအိၣ်. မ့မ့ၢ်နၤန့ၣ် နဆိကမိၣ်ဒ်လဲၣ်.
လံာ်စီဆှံအဆၢ– ယၤ. ၁:၂၇
တၢ်ဟ့ၣ်ကူၣ်– ဘၣ်ဃးဒီးတၢ်ဂ့ၢ်တခါအံၤ လံာ်စီဆှံတဲဝဲဒ်လဲၣ်န့ၣ် လံာ်တဘ့ၣ်အံၤပာ်ဖျါထီၣ်န့ၢ်ပှၤ. ဒီးဘၣ်ဃးဒီးတၢ်ဂ့ၢ်အံၤ ယအဲၣ်ဒိးဟဲက့ၤတဲသကိးဒီးနၤနီၤ.
တၢ်သးခုကစီၣ်လၢ ယွၤအအိၣ်
တၢ်သံကွၢ်– ပှၤအါဂၤန့ၣ် ဖဲအဝဲသ့ၣ်ဖးလံာ်စီဆှံအတၢ်စံးပာ်တဖၣ်အခါ တူၢ်ဘၣ်ဝဲဒ်သိး အဖးဘၣ်လံာ်တၢ်ကစီၣ်အသိး. အဒိ တၢ်မၤအသးဒ် လံာ်စီဆှံတဆၢအံၤတဲဝဲအသိးန့ၣ် နနၢ်ဟူဘၣ်တဘျီဘျီဧါ.
လံာ်စီဆှအဆၢ– ၂ တံၤ. ၃:၁–၅
တၢ်ဟ့ၣ်ကူၣ်– ဘၣ်မနုၤအဃိ တၢ်စံးပာ်တဖၣ်အံၤ မ့ၢ်တၢ်သးခုကစီၣ်လၢ ပဂီၢ်လဲၣ်, လံာ်တဘ့ၣ်အံၤကတဲနၢ်ပၢၢ်ပှၤနီၤ. [ပာ်ဖျါထီၣ် တၢ်မၤလိ ၁, တၢ်သံကွၢ် ၂ တက့ၢ်]
ကွဲးလီၤလၢ နနီၢ်ကစၢ်အတၢ်ကတိၤတက့ၢ်
သူတၢ်အဒိတဖၣ်ဒီး ကတဲာ်ကတီၤပာ်လၢ နနီၢ်ကစၢ် အတၢ်ကတိၤလၢ ဘီမုၢ်တၢ်သးခုကစီၣ် တၢ်မၤအဂီၢ်တက့ၢ်.
