မုၢ်မဆါတနံၤအံၤ လၢပတၢ်အိၣ်မူအပူၤ တၢ်လၢကမၤတံာ်တာ်ပှၤ အိၣ်ဝဲအါမးလီၤ. ဒ်သိးပကပှ့ၤတၢ်ဖိတၢ်လံၤတဖၣ်, ပကသူအီၤ ဒီးပကအံးထွဲကွၢ်ထွဲအီၤအဂီၢ် ပလိၣ်ဘၣ်တၢ်ဆၢကတီၢ်ဒီး တၢ်ဂံၢ်တၢ်ဘါ သပှၢ်ကတၢၢ်လီၤ. ခီဖျိယ့ၣ်ၡူးအိၣ်မူ ယိယိဖိအဃိ တၢ်စုလီၢ်ခီၣ်ခိၣ်တဖၣ်အံၤ ထုးယံၤထီၣ်အီၤလၢ ဘီမုၢ်တၢ်မၤတန့ၢ်ဘၣ်.—မး. ၈:၂၀.

ဒ်သိးနမၤဘီမုၢ်တၢ်ဖံးတၢ်မၤကန့ၢ်အါထီၣ်အဂီၢ် နအိၣ်မူယိယိဖိကသ့ဒ်လဲၣ်. နမ့ၢ်ဆီတလဲနတၢ်အိၣ်မူန့ၣ် လၢနဟံၣ်ဖိဃီဖိအကျါ ပှၤစးထီၣ် ပှၤလဲၤလၢညါတၢ်မၤကသ့တဂၤဂၤဧါ. နမ့မ့ၢ်ပှၤလၢအမၤယွၤအတၢ်မၤ လၢဆၢကတီၢ်လၢပှဲၤ သနာ်က့ မ့ၢ်နဟ့ၣ်အခွဲးလၢ တၢ်စုလီၢ်ခီၣ်ခိၣ်တဖၣ် ကကဲထီၣ်တၢ်သးဘၣ်တံာ်တာ်လၢ နတၢ်အိၣ်မူအဂီၢ်ဧါ. ပမ့ၢ်အိၣ်မူယိယိဖိ ဒီးပမ့ၢ်မၤယဟိဝၤယွၤအတၢ်မၤန့ၣ် ပကအိၣ်ဒီးတၢ်သူၣ်ဖှံသးညီ ဒီးတၢ်သူၣ်မံသးမုာ်လီၤ.—၁ တံၤ. ၆:၇-၉.

ဒ်သိးနကအိၣ်မူယိယိဖိအဂီၢ် ကွဲးလီၤတၢ်ဂ့ၢ်တဖၣ်လၢ နကဆီတလဲနတၢ်အိၣ်မူအဂီၢ်တက့ၢ်-