တၢ်ဂီၤမူ​တဖၣ် ထုးန့ၢ်​ပှၤသး​သ့ ခီဖျိ​လၢ​ပ​ထံၣ်ဘၣ် ဒီး​နၢ်ဟူ​ဘၣ်​ဝဲ​အဃိ​လီၤ. တၢ်အံၤ​မၤစၢၤ​ပှၤ​ဒ်သိး ပ​က​သးစၢၢ်ဆၢ​တၢ်​အဂီၢ် ဒီး​က​အိၣ်တ့ၢ်​လၢ​ပ​သးပူၤ​အဂီၢ်​လီၤ. ဖဲ​ယဟိဝၤ​ယွၤ​သိၣ်လိ​နဲၣ်လိ​တၢ်​အခါ အဝဲ​ပၠးဝဲ​တၢ်​လၢ​ပ​ထံၣ်​အီၤ​သ့​အဃိ ပာ်လီၤ​အဒိအတဲာ်​လၢ အဂ့ၤ​ကတၢၢ်​န့ၣ်​လီၤ.—မၤတၢ် ၁၀:၉-၁၆; လီၣ်. ၁:၁.

တၢ်ဂီၤမူ​လၢ​အမ့ၢ် ကစၢ်​ယွၤ​န့ၣ် အ​မံၤ​အိၣ်ဧါ, မတၤ​ဒုးအိၣ်​ထီၣ် လံာ်စီဆှံ​လဲၣ် ဒီးလံာ်စီဆှံ​မ့ၢ်​တၢ်မ့ၢ်​တၢ်တီ​န့ၣ် ပ​သ့ၣ်ညါ​က​သ့​ဒ်လဲၣ်, ဘၣ်ထွဲ​လိာ်သး​ဒီး လံာ်​လၢ​အမ့ၢ် တၢ်သးခု​ကစီၣ်​လၢ ယွၤ​အ​အိၣ် တၢ်​မၤလိ ၂ ဒီး ၃ လီၤ. တၢ်ဂီၤမူ​လၢ​အမ့ၢ် ဘၣ်​မနုၤ​အဃိ ဘၣ်​မၤလိ​လံာ်စီဆှံ​လဲၣ်, တၢ်​မၤလိ​လံာ်စီဆှံ​န့ၣ် ပှၤ​မၤ​အီၤ​ဒ်လဲၣ် ဒီးဖဲ​ဘီမုၢ်ဘျီၣ်ဒိၣ်​န့ၣ် ပှၤ​မၤ​တၢ်မနုၤ​လဲၣ် တဖၣ်​အံၤန့ၣ် ဟ့ၣ်ဂံၢ်​ဟ့ၣ်ဘါ​ပှၤလၢ ပ​က​မၤလိ​လံာ်စီဆှံ​ဒီး​ပှၤဂၤ မ့တမ့ၢ် ဟ့ၣ်ဂံၢ်​ဟ့ၣ်ဘါ​ပှၤဂၤ ဒ်သိး​က​ထီၣ်​တၢ်​အိၣ်ဖှိၣ်​ရိဖှိၣ်​အဂီၢ်​လီၤ. ဖဲ​ပ​မၤလိ​လံာ်စီဆှံ ဒီး​ပှၤဂၤ​အခါ ပ​သူ​တၢ်ဂီၤမူ​တနီၤ​အံၤ​သ့​စ့ၢ်ကီး​လီၤ.—km ၅/၁၃ ၃.

• ဒီလိး​တၢ်ဂီၤမူ​လၢ န​အဲၣ်ဒိး​ပၠး​ဟံၣ်​ကစၢ်​န့ၣ်​တက့ၢ်

• ကတဲာ်​ကတီၤ တၢ်​သံကွၢ်​တခါ မ့တမ့ၢ် ခံခါ​တက့ၢ်. တၢ်​သံကွၢ်​တဖၣ် အ​တၢ်​စံးဆၢ​န့ၣ်​က​ဘၣ်​အိၣ်​လၢ တၢ်ဂီၤမူ​အ​ပူၤ​လီၤ

• ကွၢ်​တၢ်ဂီၤမူ​ဒ်သိး​သိး​တက့ၢ်

• တဲသကိး တၢ်ဂ့ၢ်​လၢ​အရ့ဒိၣ်​တဖၣ်​တက့ၢ်

• ကွၢ်သကိး​လၢ လံာ်ဖိ​တဘ့ၣ်ဘ့ၣ်​အလီၢ်​ခံ ဒီး​ပၠး​အီၤ​တၢ်ဂီၤ​လၢ က​အိးထီၣ်​ဝဲ​တၢ်ဂီၤမူ​လၢ​အမ့ၢ် ဘၣ်​မနုၤ​အဃိ ဘၣ်​မၤလိ​လံာ်စီဆှံ​လဲၣ် န့ၣ်​တက့ၢ်.

• အိးထီၣ်​ပၠး​တၢ်ဂီၤမူ​လၢ​အမ့ၢ် လံာ်စီဆှံ​မ့ၢ်​တၢ်မ့ၢ်​တၢ်တီ​န့ၣ် ပ​သ့ၣ်ညါ​က​သ့​ဒ်လဲၣ် ဒီး​နီၤလီၤ​လံာ်​လၢ​အမ့ၢ် တၢ်သးခု​ကစီၣ်​လၢ ယွၤ​အ​အိၣ် ဝံၤဒီး​တဲ​ဖျါထီၣ် တၢ်​မၤလိ ၃ တက့ၢ်.