ယ့ၣ်ၡူး ပာ်လီၤ​အဒိအတဲာ်​လၢ ပ​က​ကွၢ်လိမၤဒိး​အီၤ​အဂီၢ်, လီၤဆီ​ဒၣ်တၢ် ဖဲ​ပ​ထံၣ်ဘၣ်​ တၢ်လ့ပစီ မ့တမ့ၢ် တၢ်​မၤအၢ​မၤနး​အခါ​လီၤ. (၁ ပ့း. ၂:၂၁-၂၃) ဖဲ​ယ့ၣ်ၡူး ဘၣ်​တၢ်​ဒုၣ်ဒွဲၣ်​စံးအၢ​အီၤ ဒီး​ဘၣ်​တူၢ်​တၢ်နး​တၢ်ဖှီၣ်​အခါ​ဒၣ်လဲာ် အဝဲ​တ​မၤဆၢက့ၤ​ဝဲ​ဘၣ်. (မၢ်. ၁၅:၂၉-၃၂) အဝဲ​တူၢ်​တၢ်​က​န့ၢ်​အဂီၢ် တၢ်မနုၤ​မၤစၢၤ​အီၤ​လဲၣ်. အဝဲ​ပာ်လီၤ​အသး​လၢ က​မၤ​ယဟိဝၤ​ယွၤ အ​တၢ်​ဘၣ်သး​အဃိ​လီၤ. (ယိၤ. ၆:၃၈) အဝဲ​သးစၢၢ်ဆၢ​ဝဲ “တၢ်သးခု​အိၣ်​ ပာ်လီၤ​အသး​လၢ အမဲာ်​ညါ” စ့ၢ်ကီး​လီၤ.—ဧ့ၤ. ၁၂:၂.

လၢ​ပ​တၢ်စူၢ်​တၢ်နာ်​အဃိ ပှၤ​မ့ၢ်​မၤ​ပှၤ​တတီ​တလိၤ​န့ၣ်​ ပ​က​မၤ​ဒ်လဲၣ်. ခရံာ်ဖိ​အမ့ၢ်​အတီ​တဖၣ်​ “တ​မၤဆၢ​တၢ်အၢ​လၢ​တၢ်အၢ” ဘၣ်. (ရိ. ၁၂:၁၄, ၁၇) ဖဲ​ပ​ကွၢ်လိမၤဒိး ခရံာ်​အ​တၢ်​တူၢ်န့ၢ်​ခီၣ်ကဲ​အခါ ပ​သးခု​သ့ ခီဖျိ​လၢ​ကစၢ်​ယွၤ ဘၣ်သူၣ်​ဘၣ်သး​ပှၤ​အဃိ​လီၤ.—မး. ၅:၁၀-၁၂; ၁ ပ့း. ၄:၁၂-၁၄.

ကွၢ်​တၢ်ဂီၤမူ​လၢ အ​ခိၣ်တီ​မ့ၢ် ယဟိဝၤ​ယွၤ​အ​မံၤ မ့ၢ်​တၢ်​လၢ​အရ့ဒိၣ်​ကတၢၢ်, ဒီး​စံးဆၢ​တၢ်​သံကွၢ်​လၢ​လာ်​တဖၣ်​အံၤ–

• ဖဲ​ဒီပုၢ်ဝဲၢ်​မုၣ်​ ဖီၣ်​စ့ၤ​ကၢၤ ဘၣ်​အိၣ်​လၢ​ဃိာ်ပူၤ ထဲ​တဂၤဧိၤ​အခါ အဝဲ​သူ​အ​တၢ်​ဆၢကတီၢ်​လၢ တၢ်ကူၣ်သ့​အ​ပူၤ​ဒ်လဲၣ်.

• လၢ​ဃိာ်​တဖျၢၣ်​ဘၣ်​တဖျၢၣ်​အ​ပူၤ ဒီပုၢ်ဝဲၢ်​ခွါ မၤ​တ့ၤ ဒီး​ဒီပုၢ်ဝဲၢ်​မုၣ်​ ဖီၣ်​စ့ၤ​ကၢၤ တူၢ်ဘၣ်​ဝဲ​တၢ်နး​တၢ်ဖှီၣ်​မနုၤ​တဖၣ်​လဲၣ်.

• အဝဲသ့ၣ်​ တူၢ်​တၢ်​ခီၣ်တၢ်​က​န့ၢ်​အဂီၢ် တၢ်မနုၤ​မၤစၢၤ​အီၤ​လဲၣ်.