လၢ​ပ​တၢ်​အိၣ်ဖှိၣ်​အ​ပူၤ​န့ၣ်​ အိၣ်ဒီး​ဒီပုၢ်ဝဲၢ်​မုၣ်​ခွါ​လၢ အ​မၤ​ယဟိဝၤ​ယွၤ​အ​တၢ်မၤ​လၢ အ​နံၣ်​အါမး​တဖၣ်​လီၤ. အဝဲသ့ၣ်​သန့ၤ​အသး​လၢ ယဟိဝၤ​ယွၤ​အ​အိၣ်​န့ၣ်​ ပ​ဟံးန့ၢ်​တၢ်​မၤလိ​သ့​လီၤ. န​သံကွၢ်​အဝဲသ့ၣ်​ ဘၣ်ဃး​ဒီး ယဟိဝၤ​ယွၤ အ​တၢ်​ကရၢကရိ အ​တၢ်စံၣ်စိၤတဲစိၤ​တဖၣ်, တၢ်ကီ​တၢ်ခဲ​လၢ အဝဲသ့ၣ်​ထံၣ်​ဘၣ်​​ဝဲ​တဖၣ်​ ဒီး​ခီဖျိ​လၢ ယဟိဝၤ​ယွၤ​အ​တၢ်မၤစၢၤ​အဃိ အဝဲသ့ၣ်​လဲၤခီဖျိ​​ဝဲ​န့ၢ် ဒ်လဲၣ်​အဂ့ၢ်​သ့​လီၤ. ဖဲ​ပ​မၤ​ဟံၣ်ဖိ​ဃီဖိ​တၢ်​မၤလိ​လံာ်စီဆှံ​အခါ ပ​ကွဲမုာ်​ပှၤသးပှၢ်​တဂၤ ဒီး​သံကွၢ်​အီၤ အ​တၢ်​လဲၤခီဖျိ​တနီၤ​သ့​လီၤ.

န​မ့မ့ၢ်​ခရံာ်ဖိ​တဂၤ​လၢ အိၣ်ဒီး​တၢ်​လဲၤခီဖျိ​လၢ တၢ်မၤ​ယဟိဝၤ​ယွၤ​အ​တၢ်မၤ​လၢ အ​နံၣ်​အါမး​န့ၣ်​ တဲပၠး​ပှၤသးစၢ်​တဖၣ်​လၢ ဘၣ်ဃး​ဒီး​န​တၢ်နာ်​အဂ့ၢ်​တက့ၢ်. စီၤ​ယၤကိာ် ဒီး​စီၤ​ယိၤသး​န့ၣ်​ တဲပၠး​ဝဲ​အဖိ​အလံၤ​တဖၣ်​ တၢ်​လၢ​အဝဲသ့ၣ်​ လဲၤခီဖျိ​​ဘၣ်​​ဝဲ​တဖၣ်​အဂ့ၢ်​လီၤ. (၁ မိၤ. ၄၈:၂၁, ၂၂; ၅၀:၂၄, ၂၅) ယဟိဝၤ​ယွၤ မၤလိာ်​​ဝဲ​ဟံၣ်ခိၣ်​တဖၣ်​လၢ က​သိၣ်လိ​အဖိ​တဖၣ်​ ဘၣ်ဃး​ဒီး အ​ဝဲ​အ​တၢ်မၤ​လီၤလး​အဂ့ၢ်​လီၤ. (၅ မိၤ. ၄:၉, ၁၀; စံး. ၇၈:၄-၇) ဆၢကတီၢ်​ခဲအံၤ​စ့ၢ်ကီး မိၢ်ပၢ် ဒီး​ပှၤအဂၤ​လၢ အိၣ်​လၢ​တၢ်​အိၣ်ဖှိၣ်​အ​ပူၤ​တဖၣ်​ တဲပၠး​ဝဲ​ပှၤသးစၢ်​တဖၣ်​လၢ ဘၣ်ဃး​ဒီး ယဟိဝၤ​ယွၤ မၤ​ကဲထီၣ်​လိၣ်ထီၣ်​တၢ်​လၢ အ​တၢ်​ကရၢကရိ​အ​ပူၤ အဂ့ၢ်​သ့​လီၤ.

ကွၢ်​တၢ်ဂီၤမူ​လၢ အ​ခိၣ်တီ​မ့ၢ်ဝဲ ပ​က​ဆဲး​အိၣ်ဒီး​တၢ်ဃူ​တၢ်ဖိး ဖဲ​ပှၤ​တြီဃာ် တၢ်ဖံး​တၢ်မၤ​အခါ ဒီး​စံးဆၢ​တၢ်​သံကွၢ်​တဖၣ်​အံၤ​တက့ၢ်

• ဝဲၤတြၢ်​လၢ​အိၣ်​လၢ ကီၢ်​အီးစတြံယါ​န့ၣ်​ မၤစၢၤ​ဝဲ​ဒီပုၢ်ဝဲၢ်​လၢ အ​အိၣ်​လၢ​ထံကီၢ်​တနီၤ​လၢ အ​တြီဃာ် တၢ်​စံၣ်တဲၤ​တဲ​လီၤ​တၢ်မၤ​တဖၣ်​ဒ်လဲၣ်.

• ဒီပုၢ်ဝဲၢ်​လၢ အိၣ်​လၢ​ထံကီၢ်​အံၤ​အ​ပူၤ​တဖၣ်​ ဒ်သိး​အ​တၢ်နာ်​က​ဂၢၢ်ကျၢၤ​အဂီၢ် မၤ​ဝဲ​ဒ်လဲၣ်.

• ဒီပုၢ်ဝဲၢ်​လၢ​အိၣ်​လၢ ကီၢ်ရူၣ်မ့နံယါ​တဖၣ်​ ​ဘၣ်​မနုၤ​အဃိ ဟးထီၣ်​လၢ တၢ်​ကရၢကရိ​အ​ပူၤ​လဲၣ်. ဒီး​အဝဲသ့ၣ်​ က့ၤ​ပာ်ဖှိၣ်​ထီၣ်​က့ၤ​အသး​ဒ်လဲၣ်.

• တၢ်​လဲၤခီဖျိ​အံၤ မၤဂၢၢ်​ကျၢၤထီၣ်​ န​တၢ်နာ်​ဒ်လဲၣ်.