ဘၣ်မနုၤအဃိအရ့ဒိၣ်လဲၣ်– ပှၤမၤလိလံာ်စီဆှံဖိတဖၣ်န့ၣ် ဒ်သိးအဝဲသ့ၣ်ကဒိးန့ၢ်ဘၣ် ယဟိဝၤယွၤအတၢ်ဘၣ်သးအဂီၢ် ကဘၣ်ဟ့ၣ်လုၢ်ထီၣ်အသးဒီး ဒိးဘျၢထံလီၤ. (၁ ပ့း. ၃:၂၁) ဒီးပှၤလၢအမၤလၢထီၣ်ပှဲၤထီၣ် အတၢ်ဟ့ၣ်လုၢ်ထီၣ်သးန့ၣ် ကဒိးန့ၢ်ဘၣ်တၢ်ဒီသဒၢလၢ နီၢ်သးတကပၤလီၤ. (စံး. ၉၁:၁, ၂) ဖဲခရံာ်ဖိဟ့ၣ်လုၢ်ထီၣ်အသးအခါန့ၣ် တမ့ၢ်အဝဲသ့ၣ် ဟ့ၣ်လုၢ်ထီၣ်အသးဆူ ပှၤတဂၤဂၤ, တၢ်မၤတခါခါ မ့တမ့ၢ် တၢ်ကရၢကရိတခါခါအအိၣ်ဘၣ်. မ့ၢ်အဝဲသ့ၣ် ဟ့ၣ်လုၢ်ထီၣ်အသးဆူ ယဟိဝၤယွၤအအိၣ်လီၤ. လၢတၢ်န့ၣ်အဃိ ပှၤမၤလိလံာ်စီဆှံဖိတဖၣ် ကဘၣ်မၤဒိၣ်ထီၣ်အတၢ်အဲၣ်ယွၤဒီး ကပာ်လုၢ်ပာ်ပှ့ၤအါထီၣ် အတၢ်ဂ့ၤတၢ်ဝါတဖၣ်လီၤ.—ရိ. ၁၄:၇, ၈.

ပမၤကသ့ဒ်လဲၣ်–

• ဖဲနမၤလိလံာ်စီဆှံအခါ တဲသကိးတၢ်ဂ့ၢ်လၢ အပာ်ဖျါထီၣ် ယဟိဝၤယွၤအဂ့ၢ်တက့ၢ်. ဟ့ၣ်ဂံၢ်ဟ့ၣ်ဘါအီၤလၢ အဝဲကဂုာ်ကျဲးစၢးဖး လံာ်စီဆှံကိးနံၤဒဲး ဒီးဃ့ဘါထုကဖၣ်လၢ ယဟိဝၤယွၤအအိၣ် “တထံၣ်ဃီ”တက့ၢ်.—၁ သ့း. ၅:၁၇; ယၤ. ၄:၈

• ဟ့ၣ်ဂံၢ်ဟ့ၣ်ဘါနပှၤမၤလိလံာ်စီဆှံဖိတဖၣ် ဒ်သိးကပာ်လီၤနီၢ်သးအဖီတၢၣ်လၢအမ့ၢ် တၢ်ဟ့ၣ်လုၢ်ထီၣ်သးဒီး တၢ်ဒိးဘျၢထံန့ၣ်တက့ၢ်. မၤစၢၤအီၤလၢ ကတုၤထီၣ်ထီၣ်ဘးလၢအဖီတၢၣ်တဖၣ် ဒ်သိးဒီးကဟ့ၣ်ထီၣ်တၢ်စံးဆၢလၢ တၢ်အိၣ်ဖှိၣ်အပူၤ, ကစံၣ်တဲၤတဲလီၤပှၤလၢ အခိၣ်အဃၢၤ ဒီးအတံၤသကိးလၢ တၢ်မၤလီၢ်န့ၣ်တက့ၢ်. သ့ၣ်နီၣ်ထီၣ်လၢ ယဟိဝၤယွၤတမၢဆူၣ်ပှၤလၢ ပကမၤအတၢ်မၤ နီတဂၤဘၣ်. တၢ်ဟ့ၣ်လုၢ်ထီၣ်သးန့ၣ် မ့ၢ်ပှၤတဂၤစုာ်စုာ်အတၢ်ဆၢတဲာ်လီၤ.—၅ မိၤ. ၃၀:၁၉, ၂၀

• ဟ့ၣ်သဆၣ်ထီၣ်နပှၤမၤလိလံာ်စီဆှံဖိလၢ ကဆီတလဲအတၢ်အိၣ်မူ ဒ်သိးကဒိးန့ၢ်ဘၣ် ယဟိဝၤယွၤအတၢ်ဘၣ်သး ဒီးတုၤထီၣ်ထီၣ်ဘးလၢ ကဒိးဘျၢထံအဂီၢ်န့ၣ်တက့ၢ်. (ကတိၤ. ၂၇:၁၁) ဘၣ်သ့ၣ်သ့ၣ်ကမ့ၢ်လၢ အဝဲအလုၢ်လၢ်သကဲာ်ပဝးလၢ အတဂ့ၤန့ၣ် အဂံၢ်စဲၤလီၤဝဲအဃိ ဒ်သိးကဆီတလဲအနီၢ်လီၢ်လံလၢ နီၢ်သီအဂီၢ်ဆဲးမၤစၢၤအီၤတက့ၢ်. (အ့း. ၄:၂၂-၂၄) မၢအဖးတၢးထီခိးတၢ် တၢ်ကွဲးဖုၣ်လၢ အခိၣ်တီမ့ၢ်ဝဲ “လံာ်စီဆှံ ဆီတလဲပတၢ်အိၣ်မူ” န့ၣ်တက့ၢ်.

• ခီဖျိလၢ နမၤယဟိဝၤယွၤအတၢ်မၤအဃိ နဒိးန့ၢ်ဘၣ်တၢ်သးခု ဒ်လဲၣ်န့ၣ်တဲပၠးအီၤနတၢ်လဲၤခီဖျိတဖၣ်တက့ၢ်.—ၡါ. ၄၈:၁၇, ၁၈