အိၣ်မူဒ် ခရံာ်ဖိအသိး
တၢ်မၤဂ့ၤထီၣ်ပတၢ်သ့တၢ်ဘၣ်လၢ တၢ်သးခုကစီၣ်တၢ်မၤအပူၤ—ဃုသ့ၣ်ညါတၢ်လၢ JW.ORG အပူၤ
ဘၣ်မနုၤအဃိအရ့ဒိၣ်လဲၣ်– လံာ်လဲၢ်ကိးဘ့ၣ်ဒဲးလၢ တၢ်ပီးတၢ်လီတလါလၢ ပတၢ်သိၣ်လိအဂီၢ်အပူၤန့ၣ် ပာ်ဖျါဝဲ jw.org လီၤ. ဖဲပဟ့ၣ်လီၤပှၤဂၤ ခးက့ ဒီးလံာ်ဖိ လၢအမ့ၢ် ပတၢ်သံကွၢ်လၢ အရ့ဒိၣ်တဖၣ်န့ၣ် ပဃုထံၣ်န့ၢ် အတၢ်စံးဆၢ ကသ့ဖဲလဲၣ် အခါပတၢ်တိာ်ပာ်န့ၣ် မ့ၢ်ဒ်သိး ပကဒုးသ့ၣ်ညါပှၤဂၤလၢ ပပှာ်ယဲၤသန့န့ၣ်လီၤ. နနီၤလီၤလံာ်လဲၢ်ဆူပှၤဂၤအိၣ်သ့ ခီဖျိနသူ jw.org ဒီးဆှၢလံာ်တဘ့ၣ်ဘ့ၣ်လၢ အံမ့ မ့တမ့ၢ် နဒုးသ့ၣ်ညါပှၤဂၤလၢ ပပှာ်ယဲၤသန့န့ၣ်လီၤ. ပနီၤလီၤပှၤဂၤလံာ်လဲၢ်လၢ ကျဲဒ်အံၤန့ၣ် အဘျုးအိၣ်ဝဲ လီၤဆီဒၣ်တၢ် ဖဲပစံၣ်တဲၤတဲလီၤပှၤလၢ အကတိၤကျိာ်အဂၤတဖၣ်အခါန့ၣ်လီၤ. တကးဒံးဘၣ် ဘၣ်သ့ၣ်သ့ၣ် ပှၤတနီၤကသံကွၢ် တၢ်သံကွၢ်လၢ အတၢ်စံးဆၢတအိၣ်ဖဲ ပလံာ်လဲၢ်လၢအိၣ်လၢ တၢ်ပီးတၢ်လီတလါလၢ ပတၢ်သိၣ်လိအဂီၢ်အပူၤလီၤ. ဖဲန့ၣ်အခါ ပမ့ၢ်ဃုသ့ၣ်ညါတၢ်လၢ ပပှာ်ယဲၤသန့အပူၤန့ၣ် ပစံၣ်တဲၤတဲလီၤတၢ်ကသ့ အါန့ၢ်အလီၢ်လီၤ.
ပမၤကသ့ဒ်လဲၣ်–
-
သူ “BIBLE TEACHINGS” (ကျမ်းစာသွန်သင်ချက်များ). အဒိ, နမ့ၢ်စံၣ်တဲၤတဲလီၤတၢ်ဆူ မိၢ်ပၢ်တဂၤလၢ အဲၣ်ဒိးသ့ၣ်ညါအါထီၣ် တၢ်ဂ့ၢ်ဘၣ်ဃးဒီး တၢ်အံးထွဲကွၢ်ထွဲဖိသၣ်န့ၣ် ဒုးနဲၣ်အီၤလၢ BIBLE TEACHINGS > MARRIAGE & FAMILY (ကျမ်းစာသွန်သင်ချက်များ > အိမ်ထောင်ရေးနဲ့ မိသားစု).
-
သူ “လံာ်လဲၢ်တဖၣ်” ဖဲနစံၣ်တဲၤတဲလီၤတၢ်လၢ နသကိးလၢကၠိအခါ နမ့ၢ်အဲၣ်ဒိးဟ့ၣ်အီၤလံာ်လၢအမ့ၢ် တၢ်စံးဆၢက့ၤတၢ်သံကွၢ်အဖျၢၣ် ၁၀ လၢပှၤသးစၢ်အဂီၢ် န့ၣ်ဒုးနဲၣ်အီၤ လံာ်လဲၢ်တဖၣ် > လံာ်တဖၣ်ဒီး ဘရိၣ်ခၠၣ်တဖၣ်.
-
သူ “ဘၣ်ဃးဒီးပှၤ” ဖဲနစံၣ်တဲၤတဲလီၤတၢ်လၢ နသးကိးလၢ တၢ်မၤလီၢ်အခါ အဝဲမ့ၢ်အဲၣ်ဒိးဖးကွၢ်ဝဲ ပတၢ်စူၢ်တၢ်နာ်အဂ့ၢ်န့ၣ် ဒုးနဲၣ်အီၤ ဘၣ်ဃးဒီးပှၤ > တၢ်သံကွၢ်လၢ ညီနုၢ်ပှၤသံကွၢ်တဖၣ်.
ကွၢ်တၢ်ဂီၤမူလၢအခိၣ်တီမ့ၢ် ဃုသ့ၣ်ညါတၢ်လၢ JW.ORG, ဝံၤဒီးဆိကမိၣ်ကွၢ် နကမၤစၢၤ–
-
ပှၤလၢအနာ်လၢယွၤတအိၣ်ဘၣ်
-
ပှၤလၢအထံၣ်ဘၣ်တၢ်သူၣ်အုးသးအုးဖဲ ပူၤကွံာ်တယံာ်ဒံးဘၣ်
-
ဒီပုၢ်ဝဲၢ်လၢ အပတုာ်တၢ်ဟးစံၣ်တဲၤတဲလီၤတၢ်
-
ပက့ၤအိၣ်သကိးဟံၣ်ကစၢ်တဂၤလၢ သးအိၣ်သ့ၣ်ညါဝဲ ပတၢ်ကရၢကရိ ဒိးန့ၢ်ဘၣ်ကျိၣ်စ့လၢ ပတၢ်မၤအဂီၢ်ဒ်လဲၣ်ဒီး
-
ပှၤထံဂၤကီၢ်ဂၤဖိတဂၤလၢ အဲၣ်ဒိးက့ၤထီၣ်တၢ်အိၣ်ဖှိၣ်လၢ အနီၢ်ကစၢ်အထံကီၢ် အဂီၢ်နကဘၣ်လဲၤဃုကွၢ် လၢပပှာ်ယဲၤသန့ပူၤ ဖဲလဲၣ်တတီၤလဲၣ်
