ယ့ၣ်ၡူး ဟ့ၣ်​လုၢ်ထီၣ်​အသး​သမူ​လၢ ပှၤ​ဟီၣ်ခိၣ်​ဖိ​လၢ အ​တ​လၢပှဲၤ​တဖၣ်​အဂီၢ်​လီၤ. (ရိ. ၅:၈) ပဝဲ​တဂၤ​စုာ်စုာ် ပ​ပာ်လုၢ်​ပာ်ပှ့ၤ ယ့ၣ်ၡူး​အ​တၢ်အဲၣ်​ ခီဖျိ​လၢ​အ​ဟ့ၣ်​လုၢ်ထီၣ်​သး လၢ​ပဂီၢ်​အဃိ​န့ၣ်​လီၤ. ဘၣ်ဆၣ်​ ပ​ကြၢး​သ့ၣ်နီၣ်​ထီၣ်​လၢ ခရံာ်​တူၢ်သံ​အသး​လၢ ပ​ဒီပုၢ်ဝဲၢ်​အဂီၢ်​စ့ၢ်ကီး​လီၤ. ပ​ဒီပုၢ်ဝဲၢ်​မုၣ်​ဒီပုၢ်ဝဲၢ်​ခွါ လၢ​အ​တလၢ​တ​ပှဲၤ​ဒ်သိး​ဒီး​ပှၤ​တဖၣ်​န့ၣ်​ ပ​ပာ်ဖျါ​ထီၣ်​တၢ်အဲၣ်​လၢ အဝဲသ့ၣ်​အ​ဖီခိၣ်​ ဒ်​ခရံာ်​ပာ်ဖျါ​ထီၣ်​အ​တၢ်အဲၣ်​အသိး က​သ့​ဒ်လဲၣ်. ဆိကမိၣ်​ကွၢ် ကျဲ​သၢဘိ​အံၤ​တက့ၢ်. တၢ, ပ​ကြၢး​ဒီတံၤ​ဒီသကိး​ဒီး ပ​ဒီပုၢ်ဝဲၢ်​လၢ အ​တၢ်ဆဲး​တၢ်လၤ တ​ဒ်သိး​ဒီး​ပှၤ​တဖၣ်​စ့ၢ်ကီး​လီၤ. (ရိ. ၁၅:၇; ၂ ကရံၣ်. ၆:၁၂, ၁၃) ခံ, ပ​က​ဘၣ်​ဂုာ်ကျဲးစၢး ဟးဆှဲး​တၢ်ကတိၤ မ့တမ့ၢ် တၢ်မၤ​လၢ က​မၤ​လီၤဃံၢ်​ပ​ဒီပုၢ်ဝဲၢ်​လီၤ. (ရိ. ၁၄:၁၃-၁၅) သၢ, အဝဲသ့ၣ်​ မ့ၢ်​မၤ​ကမၣ်​ဘၣ်​ပှၤ​န့ၣ်​ ပ​က​ဘၣ်​ပျၢ်​အ​တၢ်ကမၣ်​လၢ အဆိ​အချ့​လီၤ. (လူၤ. ၁၇:၃, ၄; ၂၃:၃၄) ပ​မ့ၢ်​ကွၢ်လိမၤဒိး ယ့ၣ်ၡူး​လၢ​ကျဲဒ်အံၤ​န့ၣ်​ ယဟိဝၤ​ယွၤ​က​ဆဲး​ဆိၣ်ဂ့ၤ ပ​တၢ်​အိၣ်ဖှိၣ်​ဒ်သိး ကအိၣ်​ဒီး​တၢ်ဃူ​တၢ်ဖိး​အဂီၢ်​လီၤ.

ကွၢ်​တၢ်ဂီၤမူ​လၢ​အမ့ၢ် အိၣ်ဒီး​တၢ်ထံၣ်​လၢ အဂ့ၤ, ဒီး​စံးဆၢ​တၢ်​သံကွၢ်​လၢ လာ်အံၤ​တက့ၢ်–

• ဘၣ်ဃး​ဒီး မံ​ကံၤ အ​တၢ်​အိၣ်ဖှိၣ်​န့ၣ်​ လၢ​အ​ခီၣ်ထံး​ခါ မံ​ကံၤ တူၢ်ဘၣ်​ဝဲ​ဒ်လဲၣ်.

• ဘၣ်​မနုၤ​အဃိ အ​တၢ်​ပာ်သူၣ်​ပာ်သး ဆီတလဲ​ဝဲ​လဲၣ်.

• ယ့ၣ်ၡူး​အဒိအတဲာ် မၤစၢၤဝဲ မံ​ကံၤ လၢ​က​ဆီတလဲ​အ​တၢ်ထံၣ်​ ဒ်လဲၣ်. (မၢ်. ၁၄:၃၈)

• ကတိၤဒိ ၁၉:၁၁ မၤစၢၤ​ပှၤ​ဒ်သိး ပ​ကအိၣ်​ဒီး​တၢ်ထံၣ်​လၢ​အဂ့ၤ​လၢ ပ​ဒီပုၢ်ဝဲၢ်​တဖၣ်​အ​ဖီခိၣ်​ဒ်လဲၣ်.