တၢ်စံးဆၢလၢ အဂ့ၤန့ၣ် ကဲထီၣ်တၢ်ဂံၢ်တၢ်ဘါလၢ ဒီပုၢ်ဝဲၢ်တဖၣ်အဂီၢ်လီၤ. (ရိ. ၁၄:၁၉) တကးဒံးဘၣ် အဘျုးအိၣ်လၢ ပှၤဟ့ၣ်တၢ်စံးဆၢတဂၤ အဂီၢ်စ့ၢ်ကီးလီၤ. (ကတိၤ. ၁၅:၂၃, ၂၈) လၢတၢ်န့ၣ်အဃိ ဖဲပလဲၤထီၣ်တၢ်အိၣ်ဖှိၣ်ရိဖှိၣ် ကိးဘျီဒဲးအခါ ပကြၢးဂုာ်ကျဲးစၢးဟ့ၣ်တၢ်စံးဆၢ အစှၤကတၢၢ်တဖျၢၣ်လီၤ. ဖဲပယူာ်ထီၣ်ပစုအခါ ပှၤတကိးပှၤကိးဘျီဒဲးဘၣ်. အဃိ ပကဘၣ်ကတဲာ်ကတီၤပာ်စၢၤ တၢ်စံးဆၢအါအါလီၤ.

• ပှၤဟ့ၣ်အီၤယိယိဖိ, ၡဲၡဲဖိ ဒီးဖုၣ်ဖုၣ်ဖိလီၤ. အါတက့ၢ် ပှၤစံးဆၢအီၤဖဲ စဲးကီး ၃၀ အတီၢ်ပူၤ မ့တမ့ၢ် စှၤန့ၢ်အန့ၣ်လီၤ

• ပှၤဟ့ၣ်အီၤလၢ နီၢ်ကစၢ်အတၢ်ကတိၤ

• တလိၣ်နက့ၤတဲဖျါထီၣ်က့ၤ တၢ်ဂ့ၢ်လၢပှၤစံးဆၢဝံၤတဖၣ်န့ၣ်ဘၣ်

• ဟ့ၣ်တၢ်စံးဆၢလိၤလိၤလၢ အဘၣ်ထွဲဒီးတၢ်သံကွၢ် ဒီးယိယိဖိတက့ၢ်

• တဲဖျါထီၣ်လံာ်စီဆှံအဆၢလၢ ပှၤမၢပဖးအီၤန့ၣ် ဘၣ်ထွဲလိာ်အသးဒီးတၢ်ဂ့ၢ်ဒ်လဲၣ်

• တဲဖျါထီၣ်လၢ တၢ်ဂ့ၢ်အံၤဘၣ်ထွဲလိာ်အသးဒီး ပတၢ်အိၣ်မူဒ်လဲၣ်

• တဲဖျါထီၣ်လၢ ပအိၣ်မူထွဲမၤထွဲအီၤကသ့ဒ်လဲၣ်

• တဲဖျါထီၣ် တၢ်လဲၤခီဖျိဖုၣ်ကိာ်လၢ အဘၣ်ထွဲဒီးတၢ်ဂ့ၢ်မိၢ်ပှၤ