ဒ်တၢ်နးတၢ်ဖှီၣ်ဖးဒိၣ် ဒံးယံာ်ဒံးဘူးထီၣ်ဝဲအသိး တၢ်စံၣ်တဲၤတဲလီၤတၢ်မၤစ့ၢ်ကီး အရ့ဒိၣ်ထီၣ်ဝဲလီၤ. (ကတိၤ. ၂၄:၁၁, ၁၂, ၂၀) ဒ်သိးပှၤဂၤတဖၣ် ကသးအိၣ်ကစၢ်ယွၤ အကလုၢ်ကထါဒီး ပပှာ်ယဲၤသန့အဂီၢ် ပထုးန့ၢ်အသးခီဖျိလၢ ပသူခးက့အံၤလီၤ. ခးက့အံၤပၣ်ဃုာ်ဒီး တၢ်ပနီၣ် (code) လၢကဒုးနဲၣ်ပှၤ တၢ်ဂီၤမူလၢအမ့ၢ် ဘၣ်မနုၤအဃိ ဘၣ်မၤလိလံာ်စီဆှံလဲၣ်. တကးဒံးဘၣ်ပၣ်ဃုာ်ဒီးတၢ်ကွဲမုာ်လၢ ပှၤကဃုသ့ၣ်ညါအါထီၣ်တၢ်ဂ့ၢ်တၢ်ကျိၤဒီး ကမၤလိလံာ်စီဆှံအဂီၢ်လီၤ. ပှၤတနီၤနီၤန့ၣ် တတူၢ်လိာ်ပလံာ်လဲၢ်ဘၣ်. ဘၣ်ဆၣ်အဲၣ်ဒိး နုာ်လီၤကွၢ်တၢ်လၢ ပပှာ်ယဲၤသန့အပူၤလီၤ. လၢတၢ်န့ၣ်အဃိ တဘၣ်မၤယံာ်မၤနီၢ်နသးလၢ နကဟ့ၣ်လီၤပှၤဂၤလၢ ခးက့အံၤတဂ့ၤ. ဘၣ်ဆၣ်ပှၤမ့ၢ်တသးအိၣ်ဘၣ်န့ၣ် တဘၣ်ဟ့ၣ်လီၤအီၤခးက့အံၤတဂ့ၤ.

ဖဲနမၤ ကိးနံၤဒဲးတၢ်မၤအခါ နဃုထံၣ်န့ၢ်ပှၤလၢအသးအိၣ် တၢ်မ့ၢ်တၢ်တီသ့ခီဖျိ နတဲအီၤလၢ– “ယအဲၣ်ဒိးဟ့ၣ်နၤ ခးက့တဘ့ၣ်. ခးက့တဘ့ၣ်အံၤ ပာ်ဖျါထီၣ်ဝဲပှာ်ယဲၤသန့တခါ, ဖဲန့ၣ်နနုာ်လီၤကွၢ် တၢ်ဂ့ၢ်တၢ်ကျိၤဒီး တၢ်ဂီၤမူသ့ဝဲအါမး. တလိၣ်နဟ့ၣ်အပှ့ၤဘၣ်.” (ယိၤ. ၄:၇) မ့ၢ်လၢခးက့န့ၣ် ဆံးဝဲအဃိ ပဟးစိာ်အီၤထီဘိသ့လီၤ. နမ့ၢ်မၤဒ်န့ၣ်န့ၣ် တၢ်အိၣ်သးမ့ၢ်အိၣ်ဒ်လဲၣ်ဂ့ၤဒ်လဲၣ်ဂ့ၤ နဟ့ၣ်လီၤပှၤဂၤကသ့ဝဲလီၤ.