ဘၣ်​မနုၤ​အဃိ အရ့ဒိၣ်​လဲၣ်– တချုး​လၢ​ယ့ၣ်ၡူး​သံ​အ​နၤ​န့ၣ်​ အဝဲ​ဃ့​ဘါ​ထုကဖၣ်​ ဒ်သိး​အပျဲၢ်​အဘီၣ်​တဖၣ်​ “က​လၢထီၣ်​ပှဲၤထီၣ်​လၢ​တၢ်​တမံၤဃီ” လီၤ. (ယိၤ. ၁၇:၂၃) ဒ်သိး​ပ​က​ဆဲး​အိၣ်ဒီး တၢ်ဃူ​တၢ်ဖိး​အဂီၢ် ပ​က​ဘၣ်​ပာ်ဖျါ​ထီၣ်​တၢ်အဲၣ်​တၢ်ကွံ ဒီး​ပ​တဘၣ်​ “တိၢ်န့ၢ်​ဖံး​ဃာ်​တၢ်​က​မူၤ​ကမၣ်​တဖၣ်​ဘၣ်.”—၁ ကရံၣ်. ၁၃:၅, ခ့ခါစှီၤကျိာ်.

ပ​မၤ​က​သ့​ဒ်လဲၣ်–

• ကွၢ်လိမၤဒိး ယဟိဝၤ​ယွၤ ခီဖျိ​အိၣ်ဒီး​တၢ်ထံၣ်​အဂ့ၤ​လၢ ပှၤဂၤ​အ​ဖီခိၣ်

• ပျၢ်​ပှၤဂၤ​အ​တၢ်ကမၣ်​ လၢာ်​လၢာ်​ဆ့ဆ့

• န​မၤ​ဘၣ်ဂီၢ်က့ၤ တၢ်ဂ့ၢ်ကီ​တခါ​မ့ၢ်ဝံၤ​န့ၣ်​ တဘၣ်​က့ၤ​တဲ​အီၤ​လၢၤတဂ့ၤ.—ကတိၤ. ၁၇:၉

ကွၢ်​တၢ်ဂီၤမူ​လၢ အ​ခိၣ်တီ​မ့ၢ် “အဲၣ်လိာ်​ကွံလိာ်​သု​သး”တက့ၢ်—ပှၤ​မ့ၢ်​မၤဘၣ်ဒိ ပ​သး​န့ၣ်​တဘၣ်​ပာ်ဃာ်​အီၤ​လၢ ပ​သးပူၤ​တဂ့ၤ. ဒီး​စံးဆၢ​တၢ်​သံကွၢ်​လၢ လာ်​တဖၣ်​အံၤ​တက့ၢ်–

• တၢ်ဂီၤမူ​အဆိ​ကတၢၢ်​တကူာ်​န့ၣ်​ ပာ်ဖျါ​ထီၣ်ဝဲ​လၢ ဟဲ​လဲၤ “တိၢ်န့ၢ်​ဖံး​ဃာ်​တၢ်​က​မူၤ​ကမၣ်​တဖၣ်” ဒ်လဲၣ်.

• တၢ်ဂီၤမူ​ခံကူာ်တကူာ်​န့ၣ်​ ပာ်ဖျါ​ထီၣ်ဝဲ​လၢ ဟဲ​လဲၤ မၤနၢၤ​ကွံာ်ဝဲ အ​တၢ်​ဆိကမိၣ်​လၢ အ​တဂ့ၤ​တဖၣ်​ဒ်လဲၣ်​ ဒီး​မၤ​အါထီၣ်​ဝဲ​တၢ်ထံၣ်​လၢ​အဂ့ၤ​ဒ်လဲၣ်.

• လၢခံ, ဟဲ​လဲၤ မၤ​အါထီၣ်​တၢ်ဃူ​တၢ်ဖိး​လၢ တၢ်​အိၣ်ဖှိၣ်​အ​ပူၤ​ဒ်လဲၣ်.