အိၣ်မူဒ် ခရံာ်ဖိအသိး
ခရံာ်ဖိနီၢ်နီၢ်တဖၣ် အတၢ်ပနီၣ်မ့ၢ် တၢ်အဲၣ်တၢ်ကွံ—သးခုလၢ တၢ်မ့ၢ်တၢ်တီအဃိ
ဘၣ်မနုၤအဃိအရ့ဒိၣ်လဲၣ်– ပဝဲသ့ၣ်တဖၣ် ပကဘၣ်ကွၢ်လိမၤဒိး ယ့ၣ်ၡူး ဒီးအုၣ်ပသးလၢ တၢ်မ့ၢ်တၢ်တီ ဘၣ်ဃးဒီး ယွၤအတၢ်တိာ်ပာ်အဂ့ၢ်လီၤ. (ယိၤ. ၁၈:၃၇) ပအိၣ်မူဘၣ်လၢ ဟီၣ်ခိၣ်လၢအပှဲၤဒီး တၢ်လီတၢ်ဝ့ၤ ဒီးတၢ်တတီတလိၤအပူၤသနာ်က့ ပကဘၣ်သးခုလၢ တၢ်မ့ၢ်တၢ်တီအဃိ, တဲတၢ်တီတီလိၤလိၤ ဒီးဆိကမိၣ်တၢ်လၢအဂ့ၤတဖၣ်လီၤ.—၁ ကရံၣ်. ၁၃:၆; ဖံလံး. ၄:၈.
ပမၤကသ့ဒ်လဲၣ်–
-
ပာ်လီၤနသးလၢ နတဒိကနၣ် တၢ်တဲအီၣ်ပှၤဂ့ၢ် မ့တမ့ၢ် နတရၤလီၤပှၤဂ့ၢ်ဘၣ်.—၁ သ့း. ၄:၁၁
-
ဖဲပှၤဂၤဘၣ်ကီဘၣ်ခဲအခါ တဘၣ်သးခုတဂ့ၤ
-
ဘၣ်သူၣ်ဘၣ်သး တၢ်ထံၣ်လၢအဂ့ၤ ဒီးတၢ်လၢအကကဲထီၣ် တၢ်ဂံၢ်တၢ်ဘါ
ကွၢ်တၢ်ဂီၤမူလၢ အခိၣ်တီမ့ၢ်ဝဲ “အဲၣ်လိာ်ကွံလိာ်သုသး” တက့ၢ် —အသးတခုဘၣ်လၢ တၢ်တတီတလိၤအပူၤဘၣ်. မ့မ့ၢ်အသးခုဝဲလၢ တၢ်အမ့ၢ်အတီအပူၤ, ဒီးစံးဆၢတၢ်သံကွၢ်လၢ လာ်တဖၣ်အံၤတက့ၢ်–
-
ဒဲဘံၤန့ၣ် ‘အသးခုလၢ တၢ်တတီတလိၤအပူၤ’ လၢကျဲဒ်လဲၣ်.
-
အဲလံး(စ်) န့ၣ်ဆီတလဲဝဲ ဒဲဘံၤအတၢ်ကတိၤလၢ တၢ်ထံၣ်အဂ့ၤလၢကျဲဒ်လဲၣ်.
-
တၢ်ဂ့ၢ်အဂ့ၤလၢ ပတဲသကိးအီၤသ့န့ၣ် မ့ၢ်မနုၤလဲၣ်.
အသးတခုဘၣ်လၢ တၢ်တတီတလိၤအပူၤဘၣ်. မ့မ့ၢ်အသးခုဝဲလၢ တၢ်အမ့ၢ်အတီအပူၤ