၃၄:၅-၇

စီၤ​မိၤၡ့ သ့ၣ်ညါ​နၢ်ပၢၢ်​ဝဲ ယဟိဝၤ​ယွၤ အ​တၢ်ဂ့ၤ​တၢ်ဝါ​တဖၣ်​အဃိ အ​ဝဲ​ပာ်ဖျါ​ထီၣ်​ တၢ်​သူၣ်စူၤ​သးစူၤ​လၢ ပှၤ​အံၣ်စရ့လး​ဖိ​တဖၣ်​ အ​ဖီခိၣ်​န့ၢ်​ဝဲ​လီၤ. ဒ်​န့ၣ်​အသိး​လီၤ. ပ​ဝဲ​သ့ၣ်​တဖၣ်​စ့ၢ်ကီး ပ​မ့ၢ်​သ့ၣ်ညါ​နၢ်ပၢၢ် ယဟိဝၤ​ယွၤ အ​တၢ်ဂ့ၤ​တၢ်ဝါ​တဖၣ်​ ဂ့ၤဂ့ၤ​န့ၣ်​ ပ​က​ရ့​ဒီး ပ​ဒီပုၢ်ဝဲၢ်​တဖၣ်​လၢ တၢ်အဲၣ်​တၢ်ကွံ​အ​ပူၤ​လီၤ.

• “အသး​အိၣ်​တၢ် ဒီး​သးကညီၤ​တၢ်”– ဒ်​မိၢ်ပၢ်တဖၣ်​ အံးထွဲ​ကွၢ်ထွဲ အဖိ​တဖၣ်​အသိး ယဟိဝၤ​ယွၤ အံးထွဲ​ကွၢ်ထွဲ ပှၤလၢ​အ​ဘူၣ်ထီၣ်​ဘါထီၣ်​အီၤ​တဖၣ်​ လၢ​တၢ်အဲၣ်​တၢ်ကွံ ဒီး​တၢ်​သူၣ်အိၣ်​သးအိၣ်​အ​ပူၤ​လီၤ.

• “သးထီၣ်​ကီ”– ယဟိဝၤ​ယွၤ အိၣ်ဒီး​တၢ်​သူၣ်စူၤ​သးစူၤ​လၢ အခ့အပှၤ​တဖၣ်​အ​ဖီခိၣ်​လီၤ. ဖဲ​အဝဲသ့ၣ်​ မၤ​ကမၣ်​တၢ်​အခါ​ဒၣ်လဲာ် ယဟိဝၤ​ယွၤ ပာ်ဖျါ​ထီၣ်​တၢ်​သူၣ်စူၤ​သးစူၤ​ဒီး ဟ့ၣ်​အဝဲသ့ၣ်​ တၢ်​ဆၢကတီၢ်​လၢ က​ဆီတလဲ​အသး​အဂီၢ်​လီၤ.

• “အဘျုး​အဖှိၣ်​ဒီး အမ့ၢ်​အတီ​အိၣ်​ဝဲ​အါမး”– ယဟိဝၤ​ယွၤ လၢပှဲၤ​ဒီး​တၢ်အဲၣ်​ ဒီး​အဘျုး​အဖှိၣ်​အိၣ်​ဝဲ​အါမး​အဃိ အ​ဝဲ​တ​လဲၤသဒၣ်​ အခ့အပှၤ နီတဘျီ​ဘၣ်.

သံကွၢ်​​လီၤ​န​သး​လၢ ‘ယ​ကွၢ်လိမၤဒိး ယဟိဝၤ​ယွၤ အ​တၢ်​သူၣ်အိၣ်​သးအိၣ်​တၢ် ဒီး​အ​တၢ်​သးကညီၤ​က​သ့​ဒ်လဲၣ်.’