လါအီးကထိဘၢၣ် ၁၂-၁၈ အိၣ်မူဒ် ခရံာ်ဖိအသိး
သးစၢ်သ့ၣ်ဧၢ—ယဟိဝၤယွၤ မ့ၢ်နတံၤသကိးလၢ အဂ့ၤကတၢၢ်ဧါ
နအဲၣ်ဒိးလၢ နတံၤသကိးတဂၤ ကအိၣ်ဒီးတၢ်ဂ့ၤတၢ်ဝါမနုၤတဖၣ်လဲၣ်. နကပာ်လုၢ်ပာ်ပှ့ၤ တၢ်ဂ့ၤတၢ်ဝါ ဒ်သိးဒီး တၢ်သးတီ, တၢ်သးကညီၤ ဒီးတၢ်သးအိၣ်ဟ့ၣ်တၢ်လီၤ. ယဟိဝၤယွၤအိၣ်ဒီး တၢ်ဂ့ၤတၢ်ဝါတဖၣ်အံၤလီၤ. (၂ မိၤ. ၃၄:၆; မၤတၢ်. ၁၄:၁၇) ဖဲနဃ့ဘါထုကဖၣ်အခါ အဝဲဒိကနၣ်န့ၢ်နၤ ဒီးဖဲနလိၣ်ဘၣ် တၢ်မၤစၢၤ တဘျီလၢ်လၢ်အခါ အဝဲမၤစၢၤနၤလီၤ. (စံး. ၁၈:၁၉, ၃၅) အဝဲပျၢ်နတၢ်ကမၣ် စ့ၢ်ကီးလီၤ. (၁ ယိၤ. ၁:၉) ယဟိဝၤယွၤမ့ၢ် တံၤသကိးလၢ အဂ့ၤကတၢၢ်တဂၤလီၤ.
နကဲထီၣ် ယဟိဝၤယွၤ အတံၤသကိး ကသ့ဒ်လဲၣ်. မၤလိအဂ့ၢ်ခီဖျိ ဖးအကလုၢ်ကထါ ဒီးနာ်န့ၢ်အီၤတက့ၢ်. (စံး. ၆၂:၈; ၁၄၂:၂) ပာ်ဖျါထီၣ်လၢ နပာ်လုၢ်ပာ်ပှ့ၤ တၢ်လၢအရ့ဒိၣ်လၢ ယဟိဝၤယွၤအဂီၢ် ဒ်သိးဒီး အဖိခွါ, အဘီအမုၢ် ဒီးအတၢ်အၢၣ်လီၤအီလီၤလၢ ဘၣ်ဃးဒီးခါဆူညါတဖၣ်န့ၣ်တက့ၢ်. တဲဘၣ်ပှၤဂၤလၢ ယဟိဝၤယွၤအဂ့ၢ်တက့ၢ်. (၅ မိၤ. ၃၂:၃) နမ့ၢ်ဒုးအိၣ်ထီၣ် နတၢ်ရ့လိာ်သးဒီး ယဟိဝၤယွၤန့ၣ် အဝဲကကဲထီၣ်နတံၤသကိးလီၤစိၤလီၤ. —စံး. ၇၃:၂၅, ၂၆, ၂၈.
ကွၢ်တၢ်ဂီၤမူလၢ အခိၣ်တီမ့ၢ်ဝဲ သးစၢ်သ့ၣ်ဧၢ—“လ့ၣ်ကွၢ်ဒီးထံၣ်လၢ ယွၤမ့ၢ်တၢ်ဂ့ၤန့ၣ်တက့ၢ်” ဒီး စံးဆၢ တၢ်သံကွၢ်လၢ လာ်တဖၣ်အံၤတက့ၢ်
-
နကတဲာ်ကတီၤနသးလၢ တၢ်ဟ့ၣ်လုၢ်ထီၣ်သးဒီး တၢ်ဒိးဘျၢထံအဂီၢ် ကသ့ဒ်လဲၣ်.
-
ဒ်သိးနကမၤ ယဟိဝၤယွၤအတၢ်မၤအဂီၢ် ပှၤအဂၤလၢ တၢ်အိၣ်ဖှိၣ်ပူၤတဖၣ် မၤစၢၤနၤ ကသ့ဒ်လဲၣ်.
-
တၢ်စံၣ်တဲၤတဲလီၤတၢ်မၤန့ၣ် မၤဂ့ၤထီၣ် နတၢ်ရ့လိာ်သးဒီး ယဟိဝၤယွၤသ့ဒ်လဲၣ်.
-
ပရ့လိာ်သးဒီး ယဟိဝၤယွၤ သ့ဝဲလီၤထူလီၤယိာ်
မူဒါလၢ နမၤသ့လၢ ယဟိဝၤယွၤအတၢ်မၤအပူၤန့ၣ် မ့ၢ်မနုၤတဖၣ်လဲၣ်.
-
ဘၣ်ဃးဒီး ယဟိဝၤယွၤန့ၣ် နပာ်လုၢ်ပာ်ပှ့ၤ တၢ်မနုၤလဲၣ်.
