ဒ်​တၢ်​ဆၢကတီၢ်​အဂၤ​အသိး, ဖဲ​တၢ်​အိၣ်ဖှိၣ်​ဖးဒိၣ်​အတီၢ်ပူၤ​စ့ၢ်ကီး ပ​အဲၣ်ဒိး​ပာ်ဖျါ​ထီၣ် တၢ်အဲၣ်​ယွၤ​ဒီး​ပှၤလၢ​ပဃၢၤ​န့ၣ်​လီၤ. (မး. ၂၂:၃၇-၃၉) ၁ ကရံၣ်သူး ၁၃:၄-၈ ပာ်ဖျါ​ထီၣ်ဝဲ တၢ်အဲၣ်​တၢ်ကွံ​အဂ့ၢ်​လီၤ– “တၢ်အဲၣ်​တၢ်ကွံ ဝံသးစူၤ​တၢ်​ဃဲးဃဲး, ဒီး​မၤဂ့ၤ​တၢ် . . . တ​မၤ​ဘၣ်​တၢ်​တဂ့ၤ​တဘၣ်​န့ၣ်​ဘၣ်, တ​ဃု​ဘၣ်​အ​တၢ်​ဒၣ်ဝဲ​ဘၣ်, အသး​တ​ဒိၣ်ထီၣ်​ဘၣ်. . . တၢ်အဲၣ်​တၢ်ကွံ​န့ၣ်, တ​လီၤတူာ်​လီၤကာ်​ဘၣ်.” ဖဲ​ပ​ကွၢ်​တၢ်ဂီၤမူ​လၢ အ​ခိၣ်တီ​မ့ၢ်ဝဲ တၢ်ဒုး​သ့ၣ်နီၣ်​ထီၣ်​လၢ တၢ်​အိၣ်ဖှိၣ်​ဖးဒိၣ်​အဂီၢ် အဆၢ​ကတီၢ်​န့ၣ် ဆိကမိၣ်​ပာ်စၢၤ​လၢ န​ပာ်ဖျါ​ထီၣ် တၢ်အဲၣ်​ပှၤဂၤ လၢ​တၢ်​အိၣ်ဖှိၣ်​ဖးဒိၣ်​အ​ပူၤ က​သ့​ဒ်လဲၣ်​အဂ့ၢ်​န့ၣ်​တက့ၢ်.

• ဖဲ​ပ​ဟံးန့ၢ်​ဆိ လီၢ်ဆ့ၣ်နီၤ​အခါ.

• ဖဲ​တၢ်ဒ့တၢ်အူ ဘူး​က​စးထီၣ်​အခါ.

• ဖဲ​ပ​လဲၤ​အိၣ်​လၢ ဟိၣ်​ထဲ​အခါ.

• ဖဲ​ပ​မၤစၢၤ​တၢ်​လၢ မုာ်​သး​မၤ​က​လီတၢ်​အခါ.