ဂုာ်ကျဲးစၢးလၢ တၢ်စံၣ်တဲၤတဲလီၤတၢ်မၤအပူၤ
တၢ်အိၣ်ဖှိၣ်ဖးဒိၣ် လံာ်ကွဲမုာ်ခဲၣ်ဖ့
ကိးနံၣ်ဒဲး ပမုၢ်လၢ်လၢ ပကဒိးန့ၢ်ဘၣ် နီၢ်သးတၢ်အီၣ်တဖၣ်လၢ ပတၢ်အိၣ်ဖှိၣ်ဖးဒိၣ်အပူၤလီၤ. အဃိ ဒ်သိးပှၤအဂၤတဖၣ်စ့ၢ်ကီး ကဟဲလ့ၣ်ကွၢ် ယဟိဝၤယွၤအတၢ်ဂ့ၤတၢ်ဝါအဂီၢ် ပအဲၣ်ဒိးကွဲမုာ် ပှၤအါဂၤလၢ ကဟဲထီၣ်တၢ်အိၣ်ဖှိၣ်ဒီးပှၤလီၤ. (စံး. ၃၄:၈) ဒ်သိးပကွဲမုာ်ပှၤဂၤတဖၣ်လၢ အဂ့ၤကတၢၢ်ကသ့အဂီၢ် တၢ်အိၣ်ဖှိၣ်သးပှၢ်တဖၣ် ကဘၣ်ရဲၣ်ကျဲၤဝဲ လီၤတံၢ်လီၤဆဲးလီၤ.
တၢ်ဂ့ၢ်လၢပကဘၣ်မၤနီၣ်အီၤ လီၤတံၢ်လီၤဆဲးတဖၣ်
-
ပှၤကမၤတၢ်အိၣ်ဖှိၣ်ဖးဒိၣ်အခါဖဲလဲၣ်.
-
ပတၢ်အိၣ်ဖှိၣ် ကစးထီၣ်နီၤလီၤဝဲ လံာ်ကွဲမုာ်ခဲၣ်ဖ့အခါဖဲလဲၣ်.
-
တၢ်အိၣ်ဖှိၣ်ရိဖှိၣ်လၢ တချုးပလဲၤစံၣ်တဲၤတဲလီၤတၢ်န့ၣ် ပှၤကမၤအီၤအခါဖဲလဲၣ်.
-
လံာ်ကွဲမုာ်ခဲၣ်ဖ့အဂီၢ် ယဖီတၢၣ်အိၣ်ဒ်လဲၣ်.
-
ယကကွဲမုာ် မတၤတဖၣ်လဲၣ်.
နကတဲဒ်လဲၣ်.
တၢ်ကတိၤဆၢဂ့ၤဆၢဝါတၢ် မ့ၢ်ဝံၤန့ၣ် နတဲအီၤဒ်အံၤသ့–
‘‘ပဟဲကွဲမုာ်နၤလၢ နကဟဲထီၣ်တၢ်အိၣ်ဖှိၣ်ဖးဒိၣ်လၢ အရ့ဒိၣ်အံၤန့ၣ်လီၤ. နံၤသီ, တၢ်ဆၢကတီၢ် ဒီးတၢ်လီၢ်တၢ်ကျဲန့ၣ် ဘၣ်တၢ်ပာ်ဖျါထီၣ်အီၤလၢ လံာ်ကွဲမုာ်ဖိအံၤအပူၤလီၤ. ပကွဲမုာ်နၤလၢ နကဟဲထီၣ်ဒီးပှၤလီၤ.”
ပမ့ၢ်ထံၣ် ပှၤလၢအသးအိၣ်တၢ်မ့ၢ်တၢ်တီန့ၣ် ပကမၤဒ်လဲၣ်.
ပအဲၣ်ဒိးကွဲမုာ် ပှၤအါအါဂီၢ်ဂီၢ်လၢ ကဟဲထီၣ် တၢ်အိၣ်ဖှိၣ်ဖးဒိၣ်အံၤသနာ်က့ ပမ့ၢ်ထံၣ် ပှၤလၢအသးအိၣ် တၢ်မ့ၢ်တၢ်တီန့ၣ် ပကြၢးဟ့ၣ်တၢ်ဆၢကတီၢ်လၢ ပကတဲသကိးတၢ်ဒီးအီၤလီၤ.
မုၢ်ဃုနံၤ ဒီးမုၢ်အိၣ်ဘှံးနံၤန့ၣ် နနီၤလီၤလံာ်ကွဲမုာ် ဃုာ်ဒီးမဲးကစံသ့စ့ၢ်ကီးလီၤ.