စီၤယိၤဘး တြီဆၢဝဲတၢ်ဆိကမိၣ်လၢ အကမၣ်
မုၢ်မဆါတနံၤအံၤ မုၣ်ကီၤလံၢ်သူဝဲ တၢ်လီတၢ်ဝ့ၤလၢ ကမၤဟးဂီၤ ယဟိဝၤယွၤအခ့အပှၤတဖၣ် အသးလီၤ. ဒ်ပထံၣ်ဘၣ်လၢ လံာ်ယိၤဘးအပူၤအသိး ပာ်သူၣ်ပာ်သးလၢ မုၣ်ကီၤလံၢ်အတၢ်လီတၢ်ဝ့ၤ ဒီးယဟိဝၤယွၤအသးအတၢ်တူၢ်ဘၣ်နီၢ်နီၢ် လီၤဆီလိာ်အသးဒ်လဲၣ်န့ၣ်တက့ၢ်. ကွဲးလီၤလံာ်စီဆှံအဆၢအဂၤလၢ ပာ်ဖျါထီၣ်ဝဲလၢ ယဟိဝၤယွၤသးအိၣ်နၤန့ၣ်တက့ၢ်.
မုၣ်ကီၤလံၢ်အတၢ်လီတၢ်ဝ့ၤတဖၣ် |
ယဟိဝၤယွၤအသးအတၢ်တူၢ်ဘၣ်နီၢ်နီၢ်အိၣ်ဒ်လဲၣ် |
---|---|
ကစၢ်ယွၤန့ၣ် မုၢ်လၢ်တၢ်လၢပအိၣ် အါတလၢအဃိ လၢကစၢ်အမဲာ်ညါန့ၣ် အခ့အပှၤတဖၣ် တတုၤထီၣ်ထီၣ်ဘးနီတဂၤဘၣ်. ဒီးအတၢ်ဘၣ်တ့သ့ၣ်တဖၣ် မၤတၢ်ဘၣ်အသးတသ့နီတဂၤဘၣ် (ဘး. ၄:၁၈; ၂၅:၅) |
ပမ့ၢ်ဂုာ်ကျဲးစၢးလၢ တၢ်ဆီၣ်လီၤသးအပူၤန့ၣ် ယဟိဝၤယွၤ ပာ်လုၢ်ပာ်ပှ့ၤဝဲ (ဘး. ၃၆:၅) |
ပှၤဟီၣ်ခိၣ်ဖိတဖၣ်န့ၣ် အဘျုးတအိၣ်လၢ ကစၢ်ယွၤအဂီၢ်နီတမံၤဘၣ် (ဘး. ၂၂:၂) |
ပမ့ၢ်မၤအတၢ်မၤလၢ တၢ်သးတီန့ၣ် ယဟိဝၤယွၤတူၢ်လိာ်ဝဲ ဒီးဆိၣ်ဂ့ၤဝဲ (ဘး. ၃၃:၂၆; ၃၆:၁၁) |
ပမ့ၢ်အိၣ်တီတီလိၤလိၤသနာ်က့ ကစၢ်ယွၤတပာ်သူၣ်ပာ်သးဘၣ် (ဘး. ၂၂:၃) |
ယဟိဝၤယွၤ အံးထွဲကွၢ်ထွဲဝဲ ပှၤအတီအလိၤထီဘိ (ဘး. ၃၆:၇) |